إعـــــــلان

**sherif80** · 25-02-2008, 10:08 AM

انا شايف انه محلش الازمة لأ اللى حصل انه نقل نقطة الاختناق من الاشارات الى ال u turn نفسه - فبعضها حل الازمة و بعضها زود الطين بلة
المشكلة بقى ان الناس خصوصا سواقين المكروباص لما بييجوا عند u turn بتلاقيهم مسكوا اخر حارة يمين و بعدين يكسروا مرة واحدة شمال و ده بيوقف المرور - بس الظريف فعلا انك تلاقى ان الناس اللى مكملة على طول بدأت تتعامل مع الموضوع ده بانها تمسك اخر حارة شمال قدام اليو تيرن و بعدين تكسر يمين عند اليو تيرن نفسه زى اليو تيرن اللى فى طريق النصر تحت كوبرى اكتوبر - واتفرج يا سلام:D

**hamdy** · 25-02-2008, 10:18 AM

طب هو يا جماعة سؤال محيرني اشمعنا برة الخواجات يعني بتلاقيهم محترمين في الالتزام
هل دا يعني عشا هما اتخلقوا محترمين و احنا اتخلقنا غير ملتزمين
لا طبعا اكيد كان فيه صرامة من الحكومات الاجنبية المسسئولة

**Sharky** · 25-02-2008, 10:46 AM

أنا شايف إنه نجح بشكل محدود فى بعض المحاور و لكن لم يحل مشكل المرور و الزحمة

**sab3aawy** · 25-02-2008, 02:07 PM

لو كان فيه خير ما كان رماه الطير

يا ترى ليه مافيش اى دولة فى العالم غير مصرنا العزيزة بتعتمد على نظام الشمبرلاح* ده فى المرور بمدنها الكبرى؟

أول ما طلع نظام الشمبرلاح ده الناس كانت مبسوطة بيه جدا وقالو هو ده رابسو اللى هينضف المرور فى مصر، وهكذا اختفت اشارة المرور، واختفى العسكرى، وتحول الشمبرلاح الى ساحة قتال تتناثر فيها اشلاء السيارات وتسيل على ارضها زيوت ضحايا القتال اليومى بين الموقريباص والتاكصى والملاكى والأشاوس سائقى التويوتا النص نقل الكحلى إياها

ومع الإنفعاص اليومى فى شمبرلاحات القاهرة التى هجرها رجال المرور ليتفرغوا لجياية الفردة على الحزام والموبايل وخرق سرعة ال90 كيلومتر على الدائرى، يتشوق جيلى ممن بدأو القيادة فى عصر الإشارة والعسكرى الى تلك الايام الجملية حين كنت تنتظر زى الباشا لحد ما الإشارة تفتح ولماالإشارة تفتح تعدى برضه زى الباشا دون ان تجد نفسك مضطرا لتوسيع مكان لسيارتك عن طريق القاء السيارات المجاورة خارج نهر الطرق ، والبقاء لصاحب الإكصدام الأقوى

نفسى اعرف ليه الشمبرلاحات دى مش موجودة فى اى مدينة فى العالم غير القاهرة واسكندرية، المدن فى الدنيا كلها فيها كبارى للتقاطعات الكثيفة، واشارات للتقاطعات شبه الكثيفة ، ودوارات (صينية) للتقاطعات ذات ضغط المرور المتوسط ، وقواعد الأولوية للتقاطعات الداخلية ، لكن الشمبرلاح ده اختراع مصرى سندخل به موسوع خميس للأرقام القياسية
__________________________________________________ _
* كلمة شمبرلاح دى مش من اختراعى لكنها تسمية اطلقها احد الظرفاء فى التسعينات على البتاع اللى مالوش اسم ده اللى حل محل اشارة المرور فى طول القاهرة وعرضها وحديثا بدات عدواه تصل الى مدن مصر الأخرى

**Ahmad** · 25-02-2008, 03:29 PM

المشاركة الأصلية كتبت بواسطة tutankhamoun مشاهدة المشاركة

أحنا ناقصنا حاجة واحدة بس في مدينة الملاهي الكبيرة المصرية
ألا و هي النظام ...... ثم النظام ..... ثم النظام
و من واقع الخبرة يتبين أن الشعب المصري ليس من الشعوب الميالة لاتباع القواعد و النظام و أيضا لغياب الصبر و احترام الغير .
لذلك يجب تطبيق القانون بصرامة و أقول صرامة
يعني لما حمار يعمل غرزة قدام واحد .... المفورض يدخل السجن زي بلاد بره بتوع الكباب و الطحينة على رأي فيلم الارهاب و الكباب
و لما حمار ييجي من أخر اليمين و يروح كاسر عليك علشان يخش يو تيرن لازم برضه يسحبه رخصته لما يسمى القيادة الخطرة
يبقى أحنا حكومتنا ممكن توفر مصادر دخل رهيبة عند تطبيق القانون .
لأن في بهايم كتير مش هاتسمع الكلام في الأول إلا لما يتقرص ودانها و تدفع اللي فيه النصيب و تروح منها الرخصة لمدة شهر أو أثنين كتحذير و بعدين لو تتكر الفعل يتم سحب الرخصة نهائيا و الحرمان من القيادة لمدة لا تقل عن سنة و بعدها يستطيع التقدم لأمتحان قيادة جديد

يجب أن تجبر شرطة المرور هؤلاء الأغبياء على اتباع القانون الذي هو في صالحهم في المقام الأول .

يجب أيضا رفع سن الرخص من 18 إلى 23 أو 25

الكلام دة مضبوط جدا و هو دة اللي لازم يحصل .. بس فيه حاجة مهمة قوي. و هي أن الكلام دة لازم يمشي علي الكبير قبل الصغير.
مشكلة بلدنا ان القانون مش ماشي علي الكل و هو دة سبب فقدان القانون لهيبته أمام الناس و عدم احترامهم لرموزه.

القانون موجود حتي لو مش بيقدم الحل المثالي. بس الفكرة في التطبيق.

أحمد

**tutankhamoun** · 25-02-2008, 08:59 PM

المشاركة الأصلية كتبت بواسطة hamdy مشاهدة المشاركة

طب هو يا جماعة سؤال محيرني اشمعنا برة الخواجات يعني بتلاقيهم محترمين في الالتزام
هل دا يعني عشا هما اتخلقوا محترمين و احنا اتخلقنا غير ملتزمين
لا طبعا اكيد كان فيه صرامة من الحكومات الاجنبية المسسئولة

بص يا باشا ....
فيه ناس ميالة للنظام و الالتزام به مثل شعوب الاسكندانيفيا و بريطانيا و اليابان و كوريا و هذا على سبيل المثال لا الحصر
و هناك شعوب ميالة لكسر القواعد و عدم اتباع النظام و للآسف منهم شعبنا المبجل
يعني في فرنسا مثلا الموضوع نص نص
تلاقي الأخوة العرب هناك خاربينها و معاهم كثير من الفرنسيين غير الملتزمين
عكس انجلترا مثلا .... الناس من غير عسكري ... من غير شرطي ... و بدون أي رقيب .... تلاقيهم ماشيين على العجين مايتلخبطش .
تعالى بقى بص على مصر ..... يشوفوا الشرطة .... يبقى محترم .... تغيب الشرطة أو الرقابة عن المكان يقل أدبه . وطبعا الكلام لا ينطبق على كل الناس و لكن على فئة كبيرة من الشعب المبجل

مصر = سير عكسي = غرز = سباقات على الطرق بين الشباب = عفاريت الأسفلت ( سواقين الميكروباز ) = بجاحة و قلة أدب لو فتحت بقك مع المخالفين =حرقة دم للناس المحترمة = اهدار كمية وقود رهيبة يوميا

**fiatmomo** · 25-02-2008, 10:41 PM

المشاركة الأصلية كتبت بواسطة Megane مشاهدة المشاركة

السلام عليكم
دة كلام فى منتهى الحكمة وياريت الحكوووووووومة تسمع و تنفذ مش تطنش.........

اولا شكرا لحضرتك على تأيدك لفكرتى واحلامى الوردية:)
ثانيا على رأى مسلسل حسن عابدين ........فى المش فى المش فى المشمششششششششششششششششششش .... :D:D:D:D

---------------------------------------------------

المشاركة الأصلية كتبت بواسطة tutankhamoun مشاهدة المشاركة

المهم .... كنت مرة مع واحد أجنبي و بص على الشارع و قالي هو اللي صمم شوارعكم يا إما كان سكران .... يا إما غبي

:D:D ههههههههههههههههههههههههههه جامد جدا التعليق ده بجد

------------------------------------------------------

المشاركة الأصلية كتبت بواسطة hamdy مشاهدة المشاركة

طب هو يا جماعة سؤال محيرني اشمعنا برة الخواجات يعني بتلاقيهم محترمين في الالتزام
هل دا يعني عشا هما اتخلقوا محترمين و احنا اتخلقنا غير ملتزمين
لا طبعا اكيد كان فيه صرامة من الحكومات الاجنبية المسسئولة

اعتقادى الخاص انهم اتعودو على النظام واتربو على احترام القوانين لحد ما بقى جزء لا يتجزأ من حياتهم اليومية

--------------------------------------------

المشاركة الأصلية كتبت بواسطة sab3aawy مشاهدة المشاركة

لو كان فيه خير ما كان رماه الطير

يا ترى ليه مافيش اى دولة فى العالم غير مصرنا العزيزة بتعتمد على نظام الشمبرلاح* ده فى المرور بمدنها الكبرى؟

حلو التعبير دة يا باشمهندس سبعاوى !!!! فعلا انا افتركت الشمبرلاح ( قصدى اليوتيرن ) بتاع جامعة الدول .... ولقيت ان التعبير معبر جداااااااااااا جدااااااا عن ( الشمبرلاح دة بالاخص ) نفسى يتولع فيه بمازوت ... لانى بلف منة كتييييييييييير ..............
اقسم بالله ان لما والدتى بتكون قاعدة جمبى .. بتقعد تقرأ قرأن اننا نعدى بسلام من الشمبرلاح دة ..( هية قلبها ضعيف حبتين ) وبعد مانعدية ونلف تتشاهدو تقول الحمد لله ربنا سترها......... انتو متخيلين الصورة

؟ حرببببببببببببببببببببببببببب بجدددددددد وبالاخص فى الفترة من الساعة 1 ونص الى الساعة 4 ظهرا .

يااااااااااااااااارب الى فكر فى اليوتيرن دة يارب .. يتحكم علية انة يعدى منة كل يوم اربع مرات فى فترات الزحمه علاشان يعرف الجرم الى عمله فينا

**Amr_Moh** · 25-02-2008, 11:51 PM

المشاركة الأصلية كتبت بواسطة أبو عبدالله مشاهدة المشاركة

مش لكل الأماكن
يعني الموضوع ده لسه مفكر فيه ونا راجع لبيتنا دلوقتي من الشغل
ده غبي فعلا
لأنه مع الزحمة ويكون في بعد طالعة شارع رئيسي بتبقى قرف
الأحسن انك تقف في اشارة ولا نقعد ندخل في بعض بالمنظر ده

وواحد يحدف عليك ويقولك اشارة
طيب يا عمي الحاج انت عملت الأشارة وانت جمبي انا اشوفها ازاي
وفيه اللي بيحد من غير اي حاجه واوعى وشك انت بقه

وده لأن الواحد منهم بيجي من اليمين للشمال علشان اليو ترن دي

دي تنفع في المناطق الغير مزدحمة بدل ما يبقى ميدان وكل واحد يقف شويه ومفيش حد الناحيه التانيه فكله يمشي احسن مع اليو ترن اللي رايح واللي جاي

اتفق مع رئيك بس هيه نجحت في شارع صلاح سالم المطار

**Megane** · 26-02-2008, 04:31 AM

المشاركة الأصلية كتبت بواسطة tutankhamoun مشاهدة المشاركة

بص يا باشا ....
فيه ناس ميالة للنظام و الالتزام به مثل شعوب الاسكندانيفيا و بريطانيا و اليابان و كوريا و هذا على سبيل المثال لا الحصر
و هناك شعوب ميالة لكسر القواعد و عدم اتباع النظام و للآسف منهم شعبنا المبجل

السلام عليكم
أول مرة أختلف معك يا توت فى الرأى
*أنا رأى أنة لا توجد شعوب منظمة أو غير منظمة و لكن فى حكومات محترمة و صارمة فى تنفيذ القوانين المرورية على الكل (الوزير قبل الغفير) و العكس صحيح
(الوزير يمشى و الدنيا تقف لة ماشى يتحرق الشعب - الضابط يفييم السيارة و يمشى من غير نمر و يركب سارينة و يشرب بانجو فى العربية و يركن فى الممنوع و يمشى عكسى و يكسر الإشارة و يمشى من غير رخص ماشى مفيش مشكلة و يتحرق باقى الناس)
*مشكلة البلد إن مفيش عدالة أو بالأصح فكرة العدالة مش موجودة فى تفكير الحكومة أصلا
يا توت أنا عشت فى المانيا ثلاث سنوات و فرنسا سنتين و الله كتير شفت عربيات شرطة متكلبشة (لأنها وقفة فى الممنوع مش طبعا وقفة صف تانى ذى ما بيحصل فى مصر يعاقب إللى واقف صح باللى واقف غلط)
*العدالة ثم العدالة ثم العدالة فى تطبيق القوانين عموماً
و رأى الشخصى هو إعدام المرتشى و الراشى - إللى له واسطة و وسطتة

**tutankhamoun** · 26-02-2008, 07:42 AM

المشاركة الأصلية كتبت بواسطة Megane مشاهدة المشاركة

السلام عليكم
أول مرة أختلف معك يا توت فى الرأى
*أنا رأى أنة لا توجد شعوب منظمة أو غير منظمة و لكن فى حكومات محترمة و صارمة فى تنفيذ القوانين المرورية على الكل (الوزير قبل الغفير) و العكس صحيح
(الوزير يمشى و الدنيا تقف لة ماشى يتحرق الشعب - الضابط يفييم السيارة و يمشى من غير نمر و يركب سارينة و يشرب بانجو فى العربية و يركن فى الممنوع و يمشى عكسى و يكسر الإشارة و يمشى من غير رخص ماشى مفيش مشكلة و يتحرق باقى الناس)
*مشكلة البلد إن مفيش عدالة أو بالأصح فكرة العدالة مش موجودة فى تفكير الحكومة أصلا
يا توت أنا عشت فى المانيا ثلاث سنوات و فرنسا سنتين و الله كتير شفت عربيات شرطة متكلبشة (لأنها وقفة فى الممنوع مش طبعا وقفة صف تانى ذى ما بيحصل فى مصر يعاقب إللى واقف صح باللى واقف غلط)
*العدالة ثم العدالة ثم العدالة فى تطبيق القوانين عموماً
و رأى الشخصى هو إعدام المرتشى و الراشى - إللى له واسطة و وسطتة

يا باشا أنا معاك إن عدم وجود عدالة و نظام يؤدي لما وصل إليه حال البلد
و لكني مازلت أقولها
هناك شعوب تميل إلى أحترام القواعد و الأسس الموضوعة و هناك شعوب متوسطة و أخرى لا ترى في القواعد و النظم إلا أنها مضوعة لتقييدهم و للآسف هذا هو حال مصر و المصريين
هل وجدت شعب مفتي زيننا ؟؟؟؟؟؟؟؟
هل وجدت فهلويين زيننا ؟؟؟
هل دهن أي شعب الهوا دوكوا غيرنا ؟؟؟؟

الألمان بالذات من الشعوب الميالة للنظام يا باشا
أما الفرنسيين كما قلت سابقا نص نص .... خصوصا في الجنوب
يعني تلاقي في باريس الكل محترم و ماشي زي الجزمة أما لو روحت أي مدينة نائية لا تجد هذا النظام المتبع 100 %
و بريطانيا مثلا ........ أينما تذهب ....... الكل محترم ..... لا يوجد أرصفة بين الشوارع و مع ذلك لا يحاول أحد السائقين مخالفة النظام و الدوران من أي نقطة و لكن يسير لمسافة حتى يجد شارع جانبي و يتوجه إليه ليقوم بعملية الدوران حتى لو أن الشوارع خالية تماما من المارة
و هذا لعدة أسباب .... يقولك أولا علشان هو القانون كدا ... و مقتنعين إن القانون و النظام موضوع لراحتهم قبل كل شئ
ثانيا يقولك أفرض عربية طوارئ كانت موجودة لحظة الدوران يبقى تم تعطيل سيارة الطوارئ على الفاضي .
طيب أنا هاحكيلك على موقف
في بريطانيا لو أنت خارج من شارع فرعي و هتلحم مع شارع رئيسي .... ليس من حقك أن تدخل الطريق إلا إذا كان الطريق خالي تماما من السيارات و ليس من حقك كسر طريق أحد و حتى لو كانت مدة الأنتظار تزيد عن ساعة
المهم ..... تلاقي أي حد جاي في الحارة اللي أنت بتحاول تدخل فيها و يكون بعدي شوية يعني مثلا 500 متر ..... يرح مديك اشارة بنور الكشافات الأمامية أو كما نقول يقلبلك النور و دي معناها ..... أتفضل عدي و أنا هافرمل و طبعا هو بيفرمل لأن غير مسموح له بتغيير الحارة لهذا السبب و الناس كلها صبورة جدا و تقف للمارة و تقف تساعد الناس
حكاية تانية بتبين الأخلاق في السواقة و الفرق بين البهايم اللي هنا و البني آدميين اللي بره مصر
و أنا واقف في اشارة في باريس
العربية عطلت ........ و الاشارة فتحت ..... و طبعا مفيش حد يسوق عربيته حواليك لأن الكل ملتزم بالحارة
المهم .... طبعا أنا اتربكت و قلت بس أنا عطلت الدنيا و الناس هاتنزل تتخانق معايا خصوصا إن الاشارة دي كانت رخمة
ببص لقيت الناس كلها نازلة و بتسألني .... أي خدمة ممكن نعملهالك ؟؟؟؟
و ممتتوترش .... و أهدى علشان تعرف تتعامل مع المشكلة
و الله أنا فرحت قوي و بقيت مبسوط و قلت الناس دي محترمة .
المهم
نفس الموقف يتكرر في بلدنا المحروسة في وسط البلد .
العربية عطلت و رأسها و ألف سيف ما تدور .
و ببص لقيت كمية الزعيق و قلة الأدب اشتغلت بمجرد توقف السيارة و الكل عمال يزمر .... و شتيمة بقى زي أنت يا حمار عطلت الطريق ...
و أنا كل ده بحاول أدور العربية ..... المهم .... كل بقرة من البقر اللي شغال في شرطة المرور علشان يديني مخالفة ....
و جي بيزعق ... ومتعصب .... وكأني عملت مصيبة ..... و بيقولي أنت عطلت الطريق
طبعا العبد لله نزل من العربية
و نزلت زعيق في الباهيم اللي ورايا ........
و قلتهم اللي عايز يعدي ينزل يزق العربية معايا على جنب بدل ما يشغل الغباء و الكلاكسات و قلة الأدب .... و ممكن تقعدوا تزمروا للصبح ...... العربية مش عايزة تدور
و لا واحد واحد فيهم عايز يفهم ....... أحنا ملناش دعوة ...
المهم الجاموسة بتاع شرطة المرور و تقريبا كان صول .... كان بيزعق
قلتله أنت تخرس خالص أنت و البقر اللي في الشارع .... أنا أعملكم أيه ... العربية مش عايزة تدور .... يبقى بدل ما كل واحد طالع بكلمة أنزل و زوق معايا
و برضه ووأنا بزوق العربية على جنب محدش صابر و الكل عمال يعدي من يميني و شمالي و واحد راح خابطها و نازل يقولي بسيطة بسيطة ... المهم أنت بخير
و روحت صارخ بأعلى صوتي في الشارع و قلت
يا بلد يا بقـــــــــــــــر يا حميـــــــــــــــــــــــــر
-----------
ده الفرق بين الشعوب يا أستاذي الفاضل

**sherif80** · 26-02-2008, 10:13 AM

المشاركة الأصلية كتبت بواسطة Megane مشاهدة المشاركة

و رأى الشخصى هو إعدام المرتشى و الراشى - إللى له واسطة و وسطتة

ده لو طبقوا كلامك ده يبقى حلينا ازمة السكن و ازمة المرور و ازمة البطالة و ازمة الزيادة السكانية
ده الشعب المصرى كده حينقرض :D:D:D

**MMamdouh** · 26-02-2008, 02:53 PM

هو فعلا اللى عمل الشوارع كان سكران و غبى فى نفس الوقت... و فيه ناس تانية بتقول انه وقع على راسة و هو صغير

اكيد اكيد اللى عمل الحاجات دى مش انسان عاقل او عندة ادنى ذرة مخ:

1- اليو ترنات اللى فى صلاح سالم... بدل ما يعمل حارة داخلة جوة الجزيرة قام مطلع الرصيف برة وواكل الحارة اللى على الشمال اللى هى اسرع حارة و النتيجة ناس كتير لبست فى الرصيف دة

2- اليوترن اللى عند نادى الابطال فى صلاح سالم... اليوترن فى وسط ملف و بالتالى تلاقى اللى ماشى فى الحارة الشمال مسك فرامل فجاءة لانه فوجىء باليوترن و انت اما تلبس فيه يا تمسك فرامل و العربية تلف منك

3- كوبرى السيدة عيشة على صلاح سالم برضة... تطلع الكوبرى و انت رايح على المنيل و انت نازل من منزل وهمى و تطلع المطلع تلاقى ملف 90 درجة للشمال و الكوبرى مش مايل لداخل الملف و بالتالى كل كام شهر تلاقى عربية واقعة من فوقة

4- كوبرى الفردوس على صلاح سالم للمرة الرابعة و انت نازل منه فى اتجاة الازهر بارك... بقدرة قادر تلاقى الرصيف اكل الحارة الشمال و بقى منك للى جنبك او تركب الرصيف... نفص القصة بالمللى فى المطلع اللى على الجانب التانى و انت رايح فى اتجاة العباسية

5- رصيف فاصل فى نص شارع القصر العينى مع ان الشارع اتجاة واحد

6- الكوبرى المعدنى اللى فوق محطة مترو ابو الريش.. الكوبرى فيه حودة محترمة لليمين و انت نازل و بدل ما الكوبرى يبقى مايل يمين... لا دا الكوبرى مايل شمال... يعنى شوية مظرة وواحد وش حافظ الخدعة دى حيقع من على الكوبرى وش

7- سبعة مليون محطة اتوبيس و تلات ارباعهم على ناصية شارع... طبعا الاتوبيسات بتسد الشارع و محدش يعرف يدخل ولا يخرج

8- البوترنات اللى فى الاوتوستراد امام المنصة.... تبقى نازل من صلاح سالم تلقى واحد ماشى بسرعة تلاتة كيلو قطع الشارع بالعرض عشان يلف... اكيد اللى عمل اليوترن دة حيوان.. انا بعينى شوفت نوبيرا واخدة ميجان بالحضن و مركباها على رصيف اليوترن... مالها اللفة من التقاطع اللى عند نادى الزهور؟؟؟؟

9- كوبرى اكتوبر و انت خارج من المهندسين و متجة على رمسيس.. فوق النيل الكوبرى عريض جدا و فجاءة برضة يبقى عرضة 3 حارات فقط... طبعا لازم السيولة تتخنق فى الحتة دى

10- مطلع اكتوبر فى اتجاة المهندسين من الكورنيش امام مسبيرو... 99% من السيولة ماشية اما كورنيش و اما الى عبد المنعم رياض او التحرير... المطلع مبيعملش اى حاجة مفيدة غير انة واكل نص الطريق... اللى رايح المهندسين من الكورنيش ممكن يلف عبد المنعم رياض و يطلع من هناك و الكورنيش يبقى سالك

11- كوبرى 15 مايو من ميدان سفنكس... مطلعين للكوبرى فى مسافة 300 متر... ايه الحكمة؟؟؟ هى خنقة و خلاص؟ دا الكوبرى 3 حارات بالعافية و احنا بنحشى فية عربيات... و لما ربنا يفرجها فوق النيل و الكوبرى يبقى عريض نخنقة تانى بمنزلين اصغر من خرم الابرة و اللى مكمل طوالى نزنقة محطة مكروباز... انا عارف ان المحطة مش زنب اللى عمل الكوبرى بس برضة هو غلطان انه عمل سلم للناس تطلع الكوبرى و تشاور للمكروباززز... الكبارى دى للعربيات فقط

12- منزل 15 مايو اللى فى اتجاة كورنيش الزمالك... فى الاخر المنزل بياخد عربيتين صغيرين بالعافية لانة ديق جدااااااا

13- كوبرى اكتوبر فى اتجاة المهندسين عند محطة مصر... ملف قوى للشمال مع مطلع... الملف مش خطير اوى بس يخص لو انت مش منتبة

14- 90% من خطوط الحارات غلط و داخلة فى بعضها و ملهاش اى اساس علمى

كفاية كدة انا قرفت

MMamdouh

**PRO-DRIVE** · 27-02-2008, 02:42 AM

نفس الموقف يتكرر في بلدنا المحروسة في وسط البلد .
العربية عطلت و رأسها و ألف سيف ما تدور .
و ببص لقيت كمية الزعيق و قلة الأدب اشتغلت بمجرد توقف السيارة و الكل عمال يزمر .... و شتيمة بقى زي أنت يا حمار عطلت الطريق ...
و أنا كل ده بحاول أدور العربية ..... المهم .... كل بقرة من البقر اللي شغال في شرطة المرور علشان يديني مخالفة ....
و جي بيزعق ... ومتعصب .... وكأني عملت مصيبة ..... و بيقولي أنت عطلت الطريق
طبعا العبد لله نزل من العربية
و نزلت زعيق في الباهيم اللي ورايا ........
و قلتهم اللي عايز يعدي ينزل يزق العربية معايا على جنب بدل ما يشغل الغباء و الكلاكسات و قلة الأدب .... و ممكن تقعدوا تزمروا للصبح ...... العربية مش عايزة تدور
و لا واحد واحد فيهم عايز يفهم ....... أحنا ملناش دعوة ...
المهم الجاموسة بتاع شرطة المرور و تقريبا كان صول .... كان بيزعق
قلتله أنت تخرس خالص أنت و البقر اللي في الشارع .... أنا أعملكم أيه ... العربية مش عايزة تدور .... يبقى بدل ما كل واحد طالع بكلمة أنزل و زوق معايا
و برضه ووأنا بزوق العربية على جنب محدش صابر و الكل عمال يعدي من يميني و شمالي و واحد راح خابطها و نازل يقولي بسيطة بسيطة ... المهم أنت بخير
و روحت صارخ بأعلى صوتي في الشارع و قلت
يا بلد يا بقـــــــــــــــر يا حميـــــــــــــــــــــــــر
-----------
ده الفرق بين الشعوب يا أستاذي الفاضل

والله يا استاذ توت لو دا حصل معايا

اقوم ازق العربيه في وسط الشارع و انزل و اسيبها :@ :@

و يولعوا في بعض بقي

**Megane** · 27-02-2008, 03:44 AM

المشاركة الأصلية كتبت بواسطة tutankhamoun مشاهدة المشاركة

يا باشا أنا معاك إن عدم وجود عدالة و نظام يؤدي لما وصل إليه حال البلد
و لكني مازلت أقولها
هناك شعوب تميل إلى أحترام القواعد و الأسس الموضوعة و هناك شعوب متوسطة و أخرى لا ترى في القواعد و النظم إلا أنها مضوعة لتقييدهم و للآسف هذا هو حال مصر و المصريين
هل وجدت شعب مفتي زيننا ؟؟؟؟؟؟؟؟
هل وجدت فهلويين زيننا ؟؟؟
هل دهن أي شعب الهوا دوكوا غيرنا ؟؟؟؟

الألمان بالذات من الشعوب الميالة للنظام يا باشا
أما الفرنسيين كما قلت سابقا نص نص .... خصوصا في الجنوب
يعني تلاقي في باريس الكل محترم و ماشي زي الجزمة أما لو روحت أي مدينة نائية لا تجد هذا النظام المتبع 100 %
و بريطانيا مثلا ........ أينما تذهب ....... الكل محترم ..... لا يوجد أرصفة بين الشوارع و مع ذلك لا يحاول أحد السائقين مخالفة النظام و الدوران من أي نقطة و لكن يسير لمسافة حتى يجد شارع جانبي و يتوجه إليه ليقوم بعملية الدوران حتى لو أن الشوارع خالية تماما من المارة
و هذا لعدة أسباب .... يقولك أولا علشان هو القانون كدا ... و مقتنعين إن القانون و النظام موضوع لراحتهم قبل كل شئ
ثانيا يقولك أفرض عربية طوارئ كانت موجودة لحظة الدوران يبقى تم تعطيل سيارة الطوارئ على الفاضي .
طيب أنا هاحكيلك على موقف
في بريطانيا لو أنت خارج من شارع فرعي و هتلحم مع شارع رئيسي .... ليس من حقك أن تدخل الطريق إلا إذا كان الطريق خالي تماما من السيارات و ليس من حقك كسر طريق أحد و حتى لو كانت مدة الأنتظار تزيد عن ساعة
المهم ..... تلاقي أي حد جاي في الحارة اللي أنت بتحاول تدخل فيها و يكون بعدي شوية يعني مثلا 500 متر ..... يرح مديك اشارة بنور الكشافات الأمامية أو كما نقول يقلبلك النور و دي معناها ..... أتفضل عدي و أنا هافرمل و طبعا هو بيفرمل لأن غير مسموح له بتغيير الحارة لهذا السبب و الناس كلها صبورة جدا و تقف للمارة و تقف تساعد الناس
حكاية تانية بتبين الأخلاق في السواقة و الفرق بين البهايم اللي هنا و البني آدميين اللي بره مصر
و أنا واقف في اشارة في باريس
العربية عطلت ........ و الاشارة فتحت ..... و طبعا مفيش حد يسوق عربيته حواليك لأن الكل ملتزم بالحارة
المهم .... طبعا أنا اتربكت و قلت بس أنا عطلت الدنيا و الناس هاتنزل تتخانق معايا خصوصا إن الاشارة دي كانت رخمة
ببص لقيت الناس كلها نازلة و بتسألني .... أي خدمة ممكن نعملهالك ؟؟؟؟
و ممتتوترش .... و أهدى علشان تعرف تتعامل مع المشكلة
و الله أنا فرحت قوي و بقيت مبسوط و قلت الناس دي محترمة .
المهم
نفس الموقف يتكرر في بلدنا المحروسة في وسط البلد .
العربية عطلت و رأسها و ألف سيف ما تدور .
و ببص لقيت كمية الزعيق و قلة الأدب اشتغلت بمجرد توقف السيارة و الكل عمال يزمر .... و شتيمة بقى زي أنت يا حمار عطلت الطريق ...
و أنا كل ده بحاول أدور العربية ..... المهم .... كل بقرة من البقر اللي شغال في شرطة المرور علشان يديني مخالفة ....
و جي بيزعق ... ومتعصب .... وكأني عملت مصيبة ..... و بيقولي أنت عطلت الطريق
طبعا العبد لله نزل من العربية
و نزلت زعيق في الباهيم اللي ورايا ........
و قلتهم اللي عايز يعدي ينزل يزق العربية معايا على جنب بدل ما يشغل الغباء و الكلاكسات و قلة الأدب .... و ممكن تقعدوا تزمروا للصبح ...... العربية مش عايزة تدور
و لا واحد واحد فيهم عايز يفهم ....... أحنا ملناش دعوة ...
المهم الجاموسة بتاع شرطة المرور و تقريبا كان صول .... كان بيزعق
قلتله أنت تخرس خالص أنت و البقر اللي في الشارع .... أنا أعملكم أيه ... العربية مش عايزة تدور .... يبقى بدل ما كل واحد طالع بكلمة أنزل و زوق معايا
و برضه ووأنا بزوق العربية على جنب محدش صابر و الكل عمال يعدي من يميني و شمالي و واحد راح خابطها و نازل يقولي بسيطة بسيطة ... المهم أنت بخير
و روحت صارخ بأعلى صوتي في الشارع و قلت
يا بلد يا بقـــــــــــــــر يا حميـــــــــــــــــــــــــر
-----------
ده الفرق بين الشعوب يا أستاذي الفاضل

يا باشا إنت صح فى كل إللى قلتة بس لو الحكومة بتطبق القانون فى كل شىء على الكبير قبل الصغير كان الحال إتعدل كتير و كان الناس إجبرت على النظام .
مثال بسيط فى ألمانيا كنت واقف فى الشارع مستنى الأتوبيس (بس كنت مركون على عربية) عارف حصل إية وجدت عربية دورية دفعتنى غرامة 20 يورو و لما سألتة لية ؟ قال لى ممكن ظرار بنطالونك يجرح العربية ذانبه إية إللى راكن فى مكان سليم ينزل يلائى عربيتة متجرحة.
نفس دة حصل فى مصر نزلت من البيت وجدت ولدين مسكين مسحات عربيتى و بيلعبوا بيها حرب بالسيوف و كان فى دورية واقفة و محدش من البشاوات أللهم حاجة.
دة سلوك سىء متشابة بين مواطن فى ألمانيا و مواطن فى مصر شوف رد فعل الشرطة هنا و هناك .

Comment

إعـــــــلان

.

الغاء التقاطعات و تحويلها الى u turn

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment