تعديل فرامل الفيرنا - موضوع للمناقشه

**exact** · 01-05-2011 03:38 AM

المشاركة الأصلية كتبت بواسطة moh_taia

ولو انى كنت فاكر هيبقى فيه مساهمات وافكار أكتر من كده :)

بس عموما عندى طلب يا ريت اسم القطعه التاليه بالعربى knuckle ( الأسم المتعارف عليها عند الصنايعيه أو محلات قطع الغيار )

وشكرا

اسمها دوشمة الفرامل

المشاركة الأصلية كتبت بواسطة mrdiver

صحيح انا عايز اسالك على حاجة هو انت عندك بعد مبتعدى ال 140 وتيجى تمسك فرامل بتلاحظ رعشة بسيطة في العربيا لحد متهدى لل100 ولا ديه مشكلة عندى وبس ؟؟

الطنابير عاوزه تتخرط عند واحد نضيف

**eshta_verna** · 30-10-2011 12:01 AM

بسم الله الرحمن الرحيم
انا من ملاك الفيرنا 1.6 كاملة 2009 و اشتريتها من فترة قريبة استعمال نظيف 40 الف كيلو ... الفرامل يا جماعة عملالى قلق جامد لدرجة انى غيرت تيل اول ما جبتها و طاقم سيرفيس كامل العربية مش بتمسك خالص و بتصرخ و بتزحف ... جبت طنابير كورى اتهيألى اكبر حجما من الموجودة بها و رلمانبلى امامى و عايز اجيب تيل اصلى فية تاجر قالى 175 و تاجر تانى قالى 275 مش عارف اصدق مين و قطع الغيار بالهبل مغشوشة و خايف اروح التوكيل يشتغلونى .... اعمل اية ؟؟؟؟؟؟؟؟؟؟؟؟؟؟؟؟
و رجائى .. محدش يقولى عدل وركب حاجة بتاعة عربية تانية عشان انا مش مشجعين اللعب فى الفابريكا ... التيل الاصلى يا جماعة بكااااااااااااام ؟
عشان منركبش حاجة مضروبة تبوظ الطانبير المحترمة اللى جبتها
ولكم جزيل الشكر يا احلى فيرناوية

**eshta_verna** · 30-10-2011 01:15 AM

و بالنسبة للجنط .... اسبور 13 بوصة ارتفاع 70 عرض 195

هل مناسب ؟ ام غير مناسب و حيخبط فى الاكصدام عند الدوران ؟

**AHMEDCAR** · 30-10-2011 10:17 AM

الجنط ال 195/70/13 مقاش وحش جدا و هيخلى العربيه تعوم منك
//
جيب 185/60/13

**eshta_verna** · 02-11-2011 12:13 AM

المشاركة الأصلية كتبت بواسطة ahmedcar

الجنط ال 195/70/13 مقاش وحش جدا و هيخلى العربيه تعوم منك
//
جيب 185/60/13

بتاع الكاوتش قالى المقاس اللى حضرتك قولتة و قالى كمان ( 14 \ 60 \ 195 )

**elbeheri** · 02-11-2011 09:08 AM

تيل فرامل الفيرنا الاصلى شاريه من التوكيل ب285 جنيه مصرى

**eshta_verna** · 02-11-2011 04:52 PM

المشاركة الأصلية كتبت بواسطة elbeheri

تيل فرامل الفيرنا الاصلى شاريه من التوكيل ب285 جنيه مصرى

الف شكر يا معلم ... الرؤية وضحت كدة

**bahy55** · 07-11-2011 11:32 AM

المشاركة الأصلية كتبت بواسطة mrdiver

صحيح انا عايز اسالك على حاجة هو انت عندك بعد مبتعدى ال 140 وتيجى تمسك فرامل بتلاحظ رعشة بسيطة في العربيا لحد متهدى لل100 ولا ديه مشكلة عندى وبس ؟؟

تقريبا دى عندك انت بس لانى لما بستخدم فرامل مبحسش برعشه خالص الحمد لله .. اخرط الطنابير بتاعتك ومش هتلاقى رعشه تانى ان شاء الله

**corsair** · 29-02-2012 10:50 AM

يا جماعه الخير دلوقتي انا لسه لابس في عربية نص نقل طلعتلي من شارع جانبي والحمد لله جت سليمة بس في حتة صغيرة عندي في الكبوت اطبقت وشوية تقشير في الاكصدام

اللي يغيظك بقا اني كنت ماشي علي سرعة 30 يعني علي التاني واضرب فرامل والاقي العربية زحفت يجي 4 متر وهوب لبست انا بجد اتخنقت من فرامل الفيرنا

ودخلت الموضوع هنا قريته من اول صفحه لاخر صفحه ومحدش بردك قالنا الحل النهائي ايه او حد جرب وقالنا نتيجة تجربته هو ملاك الفيرنا امن الدولة بيصفيهم اليومين دول ولا ايه هههههههه

يا جماعه انا خلاص نويت ان شاء الله علي التجنيط ل 14 وكاوتش 185/60/14 هل المقاس ده كويس ولا اخليه 195 افضل وهل بكدا اداء موضوع الزحف اللي عندي ده هينتهي ولا هيفضل زي ما هو وهل الرعشه اللي عندي دي بعد ال 100 كيلو هتختفي ولا هتفضل بردك موجوده

وياريت حد يقولي علي اافضل انواع الجنوط والكاوتش وميكونش سعرها ضارب في السما بس ادائها كويس لاني مقلق اوي وكمان الكاوتش من ساعة ما سعره رفع الواحد بقا مخنوق اكتر