بسم الله الرحمن الرحيم

هذا الموضوع دعوه للمناقشه للوصول لأفضل حل فى موضوع تعديل فرامل الفيرنا
ان شاء الله هيكون كلامنا عن التعديل الأمامى حاليا لأنى متخيله أسهل وبعد ما يتم هنفتح موضوع تانى للتعديل الخلفى باذن الله

أنا هبدأ باللذى وصلت له حتى الآن

دى صوره للجزء المراد تعديله ( الصوره تخص الفيرنا 1600 )



الجزء المراد تعديله فى تخيلى هو ال Dust Cover و الطنابير و الكاليبر

طيب بالنسبه للأجزاء نجيبها منين ؟

* أهم المرشحين الألينترا موديل 2006 لكن بعد بحث وصلت للتالى :
الطنابير بتاعة الألينترا مش هتركب بدون تعديلات والسبب ان ال Hub بتاع الفيرنا مقاسه 4X100 بينما ال Hub بتاع الإلينترا 4X114
بره بيعدلو الأخرام فى الطنابير و فيه كمان محولات علشان تحول بين المقاسات بس أنا مش عارف مدى توفرها فى مصر ومش عارف ممكن نعدل مكان الأخرام بسهوله وجوده مقبوله ولا لأ فأنا هقول حاليا طنابير الألينترا مش هتنفع الا اذا حل اعادة التخريم ده كان سهل

* طيب ايه الطنابير التانيه الى تركب على نفس المقاس بتاع ال Hub ؟

فيه كتير ودى لسته كامله بالطنابير الى تركب بدون تعديلات

Wheel Bolt Pattern Cross Reference Database and Conversion Guide: 4.X.100

وزى ما هتشوف فيه عربيات كتير متوفره عندنا

-- وأخيرا موضوع الكاليبر أظن ان كاليبر الألينترا هيركب بدون تعديلات وان كان الموضوع محتاج تأكيد من أى حد يعرف يقارن المسافه بين أخرام التركيب لكاليبر الفيرنا والألينترا

يبقى التعديل أنا متخيله كالتالى :

- ال Dust cover من الألينترا 2006
- الطنابير من لانسر ميراج 93-02 مثلا علشان حجم الطنابير ( وطبعا الليسته عندكم ادونا اقتراحاتكم )
- الكاليبر من الينتر 2006 فما قبل

معلومات اضافيه :

الطنابير الأماميه فى الفيرنا 241 mm
الطنابير الأماميه فى الألينترا 257 mm

أكيد هيكون فيه معلومات تانيه كتير ان شاء الله وحاجات هتبان مع المناقشه

برجاء الإهتمام

وشكرا لكم جميعا