الموضوع: غيرت الدسك و الاسطوانة لكورسا 1600 مو 2005

الف مبروك ياباشا ربنا يبارك لك فيها
ويبعد عنك وعنها العين والحسد

المشاركة الأصلية كتبت بواسطة mohamedomda77

اليكم الاحداث بالتفصيل عشان تستفادوا ان شاء الله

اولا : العربية مابقتش بتسحب كنت اجيب التانى او الثالث و ادوس بنزين اسمع صوت الموتور و العربية مابتسحبش و الدبرياج بقى ناشف و عالى و ال rpm يعلى و مفيش سحب و بحس برعشة فى التانى و التالت و كانت بتأكل بنزين بطريقة رخمة

ثانيا : بدأت فى مرحلة البحث عن تغيير الدسك و الاسطوانة و اليكم التفاصيل سألت التوكيل منصور عن قطع الغيار و كانت تفاصيلهم
1- دسك 373 جنيه
2- اسطوانة 560 جنيه
4- تكاليف التركيب 900 جنيه
سألت تانى فى مراكز الخدمة المعتمدة مثل العوض فى المعادى
1- دسك + اسطوانة 1050 جنيه
2- تكاليف الصيانة 475
بس فى الاول قالوا لى مفيش دسك و لا اسطوانة قولت لهم طب اجيب قطع الغيار من بره و اركبها عندكم قالوا لا ما نضمنهاش و استنيت اسبوع لحد ما وصلهم الدسك و الاسطوانة و واضح ان قطع الغيار اغلى من التوكيل
سالت تانى فى أخوان غبور الدقى
1- كله على بعضه يعنى الدسك و الاسطوانة بتركيبهم 1400 جنيه
2- و التيل 260 و تركيبه 60 جنيه

سالت فى مركز خدمة اسمه اوتو ماستر
1- دسك و اسطوانة بالتركيب 2500 جنيه بس قال بيغير معاهم ماستر دبرياج فوق و ماستر دبرياج تحت و مفهمتش قصده ايه

و سالت في ابو غالى طريق مصر اسماعيلية
1- دسك و اسطوانة و تيل امامى كلهم على بعضهم بالصيانة الدورية للسيارة 4000 جنيه قلت له طب من غير الصيانى الدورية قال اخصم 260 جنيه


ثالثا : و اخيرا ما عملته اشتريت
1- دسك + اسطوانة ماركة km germany ب 650 جنيه
2- تيل فرامل امامى اسبانى remsa ب 160
و غيرتهم عند ميكانيكى بتعامل معاه من زمان و الحمد لله العربية بقت زى الفل و السحب رجع زى الاول و الدبرياج وطى و خف و التيل برضه بقى الحمد لله جميل
و اليكم بعض قطع الغيار الى سألت عليها فى رحلة الدبرياج
1- طنابير امامى صينى 225 جنيه
2- قاعدة فتيس تحت الردياتير 200 جنيه
3- قاعدة فتيس يمين 290 جنيه
4- قاعدة فتيس شمال 290 جنيه

و هذه هى تجربتى اقدمها اليكم بتفاصيل و اتمنى ان يستفيد منها اخواتى عصابة الاوبل و لو فيه حاجة مش واضحه اسألونى و انا تحت امركم و عندى طبعا تفاصيل المحلات اللى اشتريت منها و تليفوناتهم بس مش عارف صح انى اضعها في الموضوع و لا لا

اختلاف الاسعار نتيجة لاختلاف الماركات

التوكيل بيجيب قطع غيار من السوق