السلام عليكم ورحمة الله وبركاته
أولاً احب أرحب بجميع السادة اللى اشتركوا فى هذا الموضوع ... فجميعهم من أعلام المنتدى
المهندس ahmed_su اللى عمل أول تقرير مفصل عن الكارينز
وساعدنى أنا شخصياً وغيرى كتير فى تركيب الانذار فى الكارينز أنا وNormal لاننا ركبنا الانذار فى يومين متتاليين بعد ما عملنا الشكوى لـ Kia Motors
و أحب أوضح لحضراتكم ان المجموعة ماهى الا تجميع للمواضيع اللى بتتعمل عن الكارينز فى المنتدى
وانا كل اللى باعمله انى باجمع المواضيع من المنتدى وأحط اللينك بتاعها فى المجموعة - لا أكثر ولا أقل- وطبعاً ممكن يكون فيه تعليقات اضافية داخل المجموعة .. لكن بشكل عام المواضيع الرئيسية كلها فى المنتدى. والمواضيع بيتعمل لها update من أى عضو فى المنتدى من خلال ال link
ولأن الكارينز لسه جديدة ... ومش منتشرة .... صعب جداً العثور على اى موضوع يخص الكارينز وسط الكم المهول من مشاركات الموديلات الأخرى فى منتدى كيا
لذلك قمت بانشاء المجموعة وهدفها الأول تجميع المواضيع اللى بتنزل عن الكارينز للتسهيل مش أكثر.
ولأن الكارينز لسة جديدة ... أقدم عربية فى المجموعة موديل 2009 - يعنى لسه ما ظهرش فيها المشاكل اللى بتحصل مع الاستخدام واللى بنقرأ عنها فى السيارات الأخرى
حتى الآن ما دخلناش فى المواضيع (التقيلة) اللى باشوفها وأكيد سوف نحتاج الى مساعدة من ناس زى حضراتكم بخبرتكم الكبيرة
واحنا مش منعزلين ولا حاجة
المجموعة محتاجة متابعة للمواضيع اللى بتنزل فى المنتدى واضافات من عندى أو من أعضاء المجموعة من وقت للتانى علشان المجموعة تكون جذابة وتشجع الأعضاء يتفاعلوا معاها
ومثلاً موضوع الأستاذ احمد سامى عن صيانة الخليجى ,,, قلت نستفيد منه فى الكارينز الخليجى كمان وشاركت معاه برأييى المتواضع باننا (مش لازم نحط صباعنا تحت ضرس الوكيل)- مع ان عربيتى وكيل-وان شاء الله لو ربنا وفقه فى الاتفاق مع احد المراكز الكويسة كنت حانزل موضوعه فى المجموعة وادعوهم للانضمام اليه .... وهكذا
والاشتراك فى المجموعة مفتوح لمن يرغب سوف نرسل اليه دعوة للانضمام للمجموعة
وأكرر : جميع المواضيع داخل المجموعة موجودة بالفعل فى منتدى كيا
وأكرر عميق تقديرى واحترامى لآرائكم ويسعدنى مشاركاتكم معنا
المفضلات