الموضوع: استفسار بخصوص غيارات الاوتوماتيك.......!!!!

انا بس كان عندى استفسار خصوصا لاستاذ ابوليله اللى نبهنى لموضوع قراية الغيارات ....
امبارح انا كنت ماشى على الوضع الاوتوماتيك وكانت الشاشة قدامى جاطة رمز d وماكنش فيه اى ارقام للغيارات فانا مش فاهم أ/ابو ليله كان قصده ايه بالنسبة لقراية الغيارات وهل فعلا ارقام الغيارات بتظهر على الشاشة و بتبقى فين؟ او عاملة ازاى؟
تانى حاجة انا اول مرة اسوق اوتوماتيك فهل غيارات الاوتوماتيك بتبقى محسوسة اوى زى ماكنت حاسس ولا عشان المتوتر لسه بيلين بس ولا ايه؟؟؟ وجزاكوا الله كل خير

المشاركة الأصلية كتبت بواسطة aromr

الغيارات بتظهر على الشاشة لما يكون الفيتيس على الوضع ستب ترونك

الشاشة هاتنقل من d الى ارقام تدل على النقلة الحالية

وهي ارقام من 1 الى 4



انت تقدر تحول للوضع ده بسهول وفي اي وقت وانت ماشي عن طريق دفع الفتيس لليمين

وفي الوضع ده هاتقدر تنقل لفوق او لتحت وقت ما تحب عن طريق دفع الفتيس بلمسة بسيطة للامام (غيار اعلى)
او دفع بسيط للخلف (غيار اقل)

المشاركة الأصلية كتبت بواسطة enas75

الارقام بتظهر لما تجيب الفتيس علي الوضع الرياضي
في الجنب عند الفتيس علامه + و -
لما تجيب الفتيس عليهم بتتحول العربيه للوضع الرياضي وبتظهر علي الشاشه هي علي الغيار كام
وانت اللي بتنقل الغيار زي المانيول
لما تطلع الفتيس باتجاه ال + بتزود نقله
ولما تنزله لل- بتسقط نقله وانت بتعمل ده بتتغير الارقام علي الشاشه
انما طول ما انت علي الوضع الاتوماتيكي حتلاق]d ,n ,r ,p

تمام يا جماعة شكرا ربنا يخليكوا هو ده بصراحة اللى كنت مخمنه بس قولت اتأكد بردو من اصحاب الخبرة .....
طيب وبالنسبة لموضوع الاحساس بغيارات العربية فى الاوتوماتيك ده عادى ولا ايه؟؟