الموضوع: مش مجرد الشكمان بيعرق.. ساعدوني

بص
هوا اقل من سنتيمتر
بس قبل كان اكتر شوية واتوقع هوا نقص لان الغطا كنت بلاقي حواليه شوية زيت على خفيف وبمسحهم

عموما
انا نزلت اشيك عالعربية لحد اما اشوف متخصص
جيت افك الكاربرتير عشان اطلع الفلتر اكتشفت ان المشمار اللي بيتربط بيه الكاربيراتير مكسور وان الكاربيراتير كده يعتبر ممسوك بس بالكلبسات اللي بتقفله...
نظفت فلتر الهوا بس مكنش وسخ جامد

قفلت الغطا بتاع الكاربيراتير بعد تنظيف الفلتر ومفيش ادنى تحسن

اكتشفت ان العربية مش مجرد مع الشفاط بتتكتم

لما اكون دايس بنزين على خفيف بتتكتم برضو لكن اول اما ازود البنزين مبلاحظش اي كتمه او صوت غريب

لما بدوس بنزن جامد واشيل رجلي في زي صوت نعرة كده بتطلع من الشكمان
ياترى ممكن ده كله يكون ايه؟؟

ولو لازم اروح لحد انا ساكن قريب من الحرفيين (في النزهة الجديده)

فهل تنصحوني بحد معين اروحله؟؟

انا شاري العربية مستعملة وبالتالي اكيد محتاجه شوية حاجات بسيطة فتنصحوني اروح بيها لمين؟؟؟

بجد شاكر جدا جدا جدا ليكم

تحياتي