ما هي أسباب وعلاج تنطيط العربية؟

**أبو_يوسف** · 25-05-2010 02:03 PM

السلام عليكم
يا ترى ايه سبب تنطيط العربية وهي ماشية .. أو ممكن نقول بشيء من المبالغة : الاحساس بأن الكاوتش مربع او مضلع مش مستدير.. حد فاهمني؟
وايه العلاج ..؟
جزاكم الله خيرا..

**samirayad** · 25-05-2010 02:55 PM

غالبا العيب ده بيكون سيببه

1- عدم نفخ الكاوتش صح .......الكاوتش نايم

2- عيب فى خامة الكاوتش نفسه

3- مساعدين تعبانه وخفيفه على الآخر

راجع على الحاجات دى

**hobaz** · 25-05-2010 03:03 PM

متابع.....

**د.محمود صلاح** · 25-05-2010 04:01 PM

ما هو نوع العربية ؟ بالفعل ممكن تكون المساعدين ناشفين شوية

**أبو_يوسف** · 25-05-2010 05:44 PM

العربية سيراتو 2006 (بالمساعدين بتوعها لسه)

الكاوتش هانكوك بقاله 10 الاف ولسه عامل تدوير من شهر تقريبا وحسيت ان الموضوع زايد بعد التدوير دا..

**samirayad** · 25-05-2010 05:55 PM

المشاركة الأصلية كتبت بواسطة ahmad5997

وممكن تكون عايزة ترصيص يا باشمهندس

فعلا ممكن تكون الرفه عاليه فى الفرد والعربيه عاوزه ترصيص كويس

وحسيت ان الموضوع زايد بعد التدوير دا..

وحاليا يفضل
أعادة الترصيص على الوضع الحالى للفرد وظبط هواء الأطارات

وحتلاقى خير إن شاء الله

**أبو_يوسف** · 25-05-2010 06:08 PM

جزاكم الله خيرا يا جماعة الخير
هاظبط زوايا وارصص ان شاء الله
لأني باسمع صرخة في الملفات وبحس انها بترمي يمين شوية والدركسيون فيه مقاومة شوية في اتجاه اليسار
بس كنت عايز اتأكد ان الموضوع ممكن يكون بسبب الترصيص ..
فيه حاجة نسيت اقولها ان فيه فردة قدام كانت اتصلحت ومليتها هوا عادي مع ان الباقيين نتروجين .. ممكن تأثر دي؟؟

**ahmad5997** · 26-05-2010 10:34 AM

اللي أعرفه انه يا يبقي الكل هوا يا كله نيتروجين والله اعلم

**أبو_يوسف** · 26-05-2010 10:57 AM

انا رصصت امبارح والحمدلله العربية اتظبطت عن الاول كتير ...
بس ماظبطتش زوايا لسه..
اكيد لو الفردة اللي فيها هوا اتملت نتروجين الموضوع هايبقى افضل..
وغير كدا عندي فردة امامية مربوطة ب 3 مسامير فقط من فترة لان في واحد اتكسر اثناء فك الصامولة..(فيها مشكلة اني امشي كدا لحد ما اركب المسمار الرابع؟)
جزاكم الله خيرا ..