سحب عربيتي زى الزفت - سكودا فابيا 1400

**badshakhan** · 15-08-2010 11:07 AM

السلام عليكم ورحمة الله وبركاته

ممكن حد يساعدنى ويقولي على حل لعربيتي لانى بجد قرفت منها وبفكر اخلص منها مع انى مش عاوز اببعها لانى بحبها جدًا

عربيتي سكودا فابيا 2003 1400 سي سي عاملة دلؤقتى 80.500 كيلو يعنى لسه زيروووووووو

المشكلة تتلخص في الأتي :

سحب العربية زي الزفت مع العلم انى مغيرلها الأتي :

زيت شيل الترا 10.000 كيلو عامل بيه لحد دلؤقتى حوالي 1000 كيلو يعني لسه جديد
الفلاتر كلها ( فلتر الزيت والهوا والبنزين)
نضفت الانجيكشن والبوابة بسبراي تنضيف
حطيت جميع انواع سوائل المنظفات الي بتتباع في محطات البنزين لتنظيف دورة البنزين والماتور والانجيكشن
البوجيهات الحاجة الوحيدة الى مغيرتهاش لان الميكانيكي بتاعي قالي شغالين مفيهومش حاجة مع انى عندة ثقة كويسة فى الميكانيكي بتاعي فمغيرتهومش

بعد ما عملت كل الصيانات دية مع العلم ان قطع الغيار دية كلها اصلي 100 100 الماني وبردة سحبها زي الزفت

لما بتطلع كوبري او مطلع لازم افضل دايس على دواسة البنزين على الاخر علشان متترجش و متفصلشي منى لحد متجمع واحرق على الاول كله وبعد كدة انقل على التاني و مقولكوش كمان لما بشغل التكيف ومعايا راكب واحد بس فى العربية مش 2 أو 3 أو 4 عاوز اقولكم بتفصل مني على طول علشان مش بحس البنزين بيوصل للماتور فتروح تترج مني وتبطل على طول حل الموضوع دة انى لازم اجيب الاول واحرق عليه وبعد كدة انقل على التاني والمشكلة التانية انى وانا ماشي بالعربية وجايب على التانى لما بسيب رجلي من على البنزين لازم تترج مني جامد ( بتنتش مني بمعنى اصح )

عاوز اقولكم ان اى عربية صغيرة اى كان نوعها حتى لو كانت ماروتي والفليشيا بتطلع منى وتسبقنى ومش بقدر احصلها

يا ريت حد يساعدنى ويفهمنى عيب بطئها دة ايه واصلحة ازاي او يقولي على ميكانيكي او مركز خدمة كويس اوديهاله يصلحهالي

اصحابي نصحونى انى اجيبلها فلتر سبور وبوجيهات اريديوم او سبليت فاير علشان ازود عدد الاحصنة والسحب بس بصراحة خايف انى اعمل كدة لحسن يأثر على الماتور وهو مش ناقص اصلاً

ولكم جزيل الشكر

**SeaShark** · 15-08-2010 12:11 PM

هقولك علي كام حاجة تعملهم يمكن تفرق:

1. اولا شوف الكهربا اخبارها ايه يعني شوف ممكن تكون الكهربا بتاعة العربية واطية و عايزه تعلي و دي المفروض الميكانيكي يكون بص عليها عشان لو الكهربا مش مظبوطه بتأثر جامد جدا علي العربية.

2. لو عربيتك فيها بطارية سائلة فك الاقطاب بتاعتها و نضفها من الاملاح اللي عليها و اغسلها كويس.

3. غير البوجيهات بنوع كويس عشان المياكنيكي بص عليها و لقاها كويسه هي اه ممكن يكون شكلها كويس بس هي نوعها وحش او نوعها كويس و مضروبة. غيرها مش هتخسر حاجة.

4. انا مش عارف انت ايه اسلوب سواقتك بالظبط بس انت لو سواقتك هاديه يا ريت تحاول تفتح العربية شويه يعني هات التالت و احرق بيه كده لحد 90سرعه مثلا و افضل ماشي كده 10 دقائق ولا حاجة عشان الموتور يتفتح.

5. راقب الزيت شوف العربية بتاكل زيت ولا لا و بتاكل بنزين ولا استهلاكها عادي عشان لو في حاجة مش طبيعية في استهلاك الزيت و البنزين ممكن تكون علامة علي حاجة معينة.

6. ظبط الكاوتش علي ضغط الهواء المظبوط عشان الكاوتش لو ضغطو واطي العربية بتتقل.

الغريبة ان انت بتقول ان الميكانيكي بتاعك كويس يعني المفروض انه يجرب العربية و يشوفلك حل في موضوع السحب ده يعني انت مقولتش هو ايه رايه؟

لو السحب فعلا تعبان اوي زي ما انت بتقول كده و العربية مش قادره تطلع الكوبري كده ممكن يكون فيه بوجيه فاصل او معرق زيت لازم تبص علي كل الكلام ده و بعدين العربية لسه 80000 كيلو بس يعني ملحقتش تكون عايزه مثلا طقم شنبر او جابت سبيكه او بيل.

بص الحاجات اللي انا قولتلك عليها فوق دي ممكن تكون كل حاجة منهم بسيطة لكن لما تعملهم كلهم مع بعض هيفرقوا معاك صدقني

**Ahmad** · 15-08-2010 12:27 PM

راجع علي سير التقسيمة , ممكن يكون مش متركب مضبوط و دة يأثر علي سحب العربية.

**SAMEH_FOUAD** · 15-08-2010 02:19 PM

اضافة اللى كلام الاخوة الاعضاء شوف طلمبة البنزين بتعمل بكفاءة ولا لأ
وهل العربية بتغيب معاك فى الدوارة صباحا او بتسخن , هل بتحس برعشة فى الاربى ام لو عندك وانة مش مظبوط

**badshakhan** · 15-08-2010 02:44 PM

المشاركة الأصلية كتبت بواسطة mk682

هقولك علي كام حاجة تعملهم يمكن تفرق:

1. اولا شوف الكهربا اخبارها ايه يعني شوف ممكن تكون الكهربا بتاعة العربية واطية و عايزه تعلي و دي المفروض الميكانيكي يكون بص عليها عشان لو الكهربا مش مظبوطه بتأثر جامد جدا علي العربية.

2. لو عربيتك فيها بطارية سائلة فك الاقطاب بتاعتها و نضفها من الاملاح اللي عليها و اغسلها كويس.

3. غير البوجيهات بنوع كويس عشان المياكنيكي بص عليها و لقاها كويسه هي اه ممكن يكون شكلها كويس بس هي نوعها وحش او نوعها كويس و مضروبة. غيرها مش هتخسر حاجة.

4. انا مش عارف انت ايه اسلوب سواقتك بالظبط بس انت لو سواقتك هاديه يا ريت تحاول تفتح العربية شويه يعني هات التالت و احرق بيه كده لحد 90سرعه مثلا و افضل ماشي كده 10 دقائق ولا حاجة عشان الموتور يتفتح.

5. راقب الزيت شوف العربية بتاكل زيت ولا لا و بتاكل بنزين ولا استهلاكها عادي عشان لو في حاجة مش طبيعية في استهلاك الزيت و البنزين ممكن تكون علامة علي حاجة معينة.

6. ظبط الكاوتش علي ضغط الهواء المظبوط عشان الكاوتش لو ضغطو واطي العربية بتتقل.

الغريبة ان انت بتقول ان الميكانيكي بتاعك كويس يعني المفروض انه يجرب العربية و يشوفلك حل في موضوع السحب ده يعني انت مقولتش هو ايه رايه؟

لو السحب فعلا تعبان اوي زي ما انت بتقول كده و العربية مش قادره تطلع الكوبري كده ممكن يكون فيه بوجيه فاصل او معرق زيت لازم تبص علي كل الكلام ده و بعدين العربية لسه 80000 كيلو بس يعني ملحقتش تكون عايزه مثلا طقم شنبر او جابت سبيكه او بيل.

بص الحاجات اللي انا قولتلك عليها فوق دي ممكن تكون كل حاجة منهم بسيطة لكن لما تعملهم كلهم مع بعض هيفرقوا معاك صدقني

انا متشكر جدا على ردك عليا وهعمل ان شاء الله كل الى انت قولت عليه دة

**badshakhan** · 15-08-2010 02:56 PM

المشاركة الأصلية كتبت بواسطة semsem kane

اضافة اللى كلام الاخوة الاعضاء شوف طلمبة البنزين بتعمل بكفاءة ولا لأ
وهل العربية بتغيب معاك فى الدوارة صباحا او بتسخن , هل بتحس برعشة فى الاربى ام لو عندك وانة مش مظبوط

لاءة مفيش مشكلة فى الدوارة خالص بس انا فعلا شاكك في موضوع طلمبة البنزين لان بحس فعلا ان البنزين مش بوصل للماتور وفين وفين لما بيوصل

دة انا عاوز اقولك كمان العربية لما بتبقى باردة خالص مش بتمشي خالص لازم تسخن علشان تمشي

بالنسبة للأر بي أم مفيهوش مشاكل مش بيرعش غير فى حالة واحدة وهي اني وانا بسخن العربية بلاقى الار بي ام بينزل من على رقم 10 ويطلع على رقم 10 وينزل تانى

ومتشكر جدا على ردك

**badshakhan** · 15-08-2010 03:01 PM

المشاركة الأصلية كتبت بواسطة ahmednashaat

غير الاسطوانة .

قصدك اسطوانه ايه ????????????

**badshakhan** · 15-08-2010 03:02 PM

المشاركة الأصلية كتبت بواسطة Ahmad

راجع علي سير التقسيمة , ممكن يكون مش متركب مضبوط و دة يأثر علي سحب العربية.

sdر التقسمية الحمد لله مفيهوش اي مشاكل

وشكرًا على الرد

**mesho_kimi** · 15-08-2010 03:04 PM

بنسبه كبيره طرمبة البنزين حطها على مقياس الطرمبة وشوف إذاكان ضغطها فى المعدل الطبيعي ، واللى يزود الإحتمال انك لما بتعلى الاربي ام دية معناها انك بتفتح الطرمبه على الاخر وفى الحاله دية بالنسبالك هى بتطلع حبه قليلين