الموضوع: سحب عربيتي زى الزفت - سكودا فابيا 1400

المشاركة الأصلية كتبت بواسطة mesho_kimi

بنسبه كبيره طرمبة البنزين حطها على مقياس الطرمبة وشوف إذاكان ضغطها فى المعدل الطبيعي ، واللى يزود الإحتمال انك لما بتعلى الاربي ام دية معناها انك بتفتح الطرمبه على الاخر وفى الحاله دية بالنسبالك هى بتطلع حبه قليلين

طيب اقيسها فين ؟؟؟؟؟؟؟؟؟؟

بالنسبة للأر بي أم مفيهوش مشاكل مش بيرعش غير فى حالة واحدة وهي اني وانا بسخن العربية بلاقى الار بي ام بينزل من على رقم 10 ويطلع على رقم 10 وينزل تانى

1- ممكن يكون عيب بوابه أو عيب فى حساس البوابه

2- ممكن تكون محتاج تنظيف للرشاشات على جهاز الألتراسونيك

ابدأ بالتعامل مع النقطه الأولى ثم الثانيه

وأيضا لا أنكر أحتمالية وجود خلل فى آداء طلمبة البنزين

وممكن تقيس ضغطها لو متاح لديك هذا مع الميكانيكى الشاطر اللى بتقول عليه

استاذى متتعبش نفسك اللى بتقوله دة كله اعراض الاسطوانه و الديسك اكشف عليهم و شوفها

المشاركة الأصلية كتبت بواسطة bee

بص انت محتاج تكشف ع العربية بالكمبيوتر .. وغالبا عندك كذا احتمال الفيصل فيهم الجهاز

1- البوابة محتاجه تتنظف ويتعملها ظبط بالكمبيوتر بعدها وانا ارشح ده

2- الفلتر بتاع البنزين مكتوم

3- ضغط الطرمبة ضعيف

وفيه احتمال بعيد يكون البنزين وحش جداااااااا وانت على نفس التفويله من ساعتها ..

بالنسبة للبوابة انا نضفتها والانجيكشن بالسبراي

بالنسبة لفلتر البنزين لسة جديد معملش لسة 5000 كيلو والبنزين انا بحط كل مرة 92 ومن نفس البنزينة مش بغير وانا من النوع انى بفول العربية على نص التانك بالضبط او اكتر

بالنسبة لضعف الطرمبة انا بردة زيك شاكك فيها بس مش عارف اقيسها فين واحط على العربية على جهاز كمبيوتر علشان اكشف عليها

وشكرًا على اهتمامك

المشاركة الأصلية كتبت بواسطة samirayad

1- ممكن يكون عيب بوابه أو عيب فى حساس البوابه

2- ممكن تكون محتاج تنظيف للرشاشات على جهاز الألتراسونيك

ابدأ بالتعامل مع النقطه الأولى ثم الثانيه

وأيضا لا أنكر أحتمالية وجود خلل فى آداء طلمبة البنزين

وممكن تقيس ضغطها لو متاح لديك هذا مع الميكانيكى الشاطر اللى بتقول عليه

انا نظفت الرشاشات والبوابة باسبراي تنضيف والعربية قعدت حوالي اسبوع سحبها حلو وبعد كدة رجعت تانى بالنسبة لجهاز الالترا سونيك اقلاقيه عند مين علشان لو كدة اروح انضفهم بالجهاز دة

بالنسبة للطلمبة انا شاكك فيها بردة بس اكشف عليها فين علشان لو الخلل منها فعلا هغيرها على طول لانى مقولكشي العربية وهي باردة خالص مش بتتحرك على طول بتفصل مني لازم اسخنها كويس الاول وبعد كدة امشي

وشكرًا على ردك وعلى اهتمامك