فيات بونتو ايفو "البطه"

**sody** · 05-09-2010 02:45 PM

بسم الله الرحمن الرحيم

دخلت معرض سيارات وسألت الموظف اللي جوه عن العربيات الفيات وبالأخص بونتو ايفو، فقالي أنه لسه بايع عربيه مانويل ب 90 ألف جنيه، وقعد يشكرلي في العربيه وفي شكلها من بره ومن جوه وإنها 77 حصان، وقالي حاجه أنا مستغربها ومش مقتنع بيها بصراحه، قالي إن العربيه 77 حصان بس الحصان ده محسوب بالطريقه الأوروبيه مش الأسيويه يعني 77 حصان دول يعادلو 105 حصان أسيوي وقعد شرحلي إزاي بيقيسوا قوة الماتور في أوروبا وإزاي بيحسبوه في آسيا بس بصراحه أنا نفضت وما ركزتش.

المهم أنا عن نفسي إقتنعت بالعربيه أوي خاصة إن فيها ABS & EBD وكمان فيات شركه عريقه وأكيد التكنولوجيا فيها أعلي بكتير من العربيات الكوري والياباني وبعدين 1400 سي سي هتوفر معايا في البنزين جامد.

المهم دخلت علي النت وقعدت أدور علي العربيه دي ورأي الناس فيها فلقيت إن معظم الناس بتشتكي من سحبها وبيقولوا عليها "بطه"، وكمان التكيف بتاعها تعبان أوي، من الآخر موتورها ضعيف، وناس تقول دي عربية للبنات فقط وحاجات كده.

أنا بعد ما قريت الحاجات دي اتلخبطت ، العربيه سعرها حلو أوي وكمان عربيه أوروبي وتقيله في السوق، بس موضوع السحب ده مشكله والمشكله الأكبر هي التكييف، أنا أصلا مابحبش الشد والجري والحاجات دي بس عايز أبقي في عربيه مريحه وتكيفها يريحني وسحبها لما أحتاجه ألاقيه.

قريت ناس بتقول إن الموتور بيلين بعد 10000 كيلو وبعد كده بيبقي سحبها كويس، بس كويس ده يعني إيه؟؟ كويس لما أقارنه مع العربيات التانيه؟؟؟ ولا كويس بالنسبه لحالة العربيه في الأول؟؟

بجد الموضوع محير يا ريت لو حد عنده العربيه دي يفيدني في القصه دي
وعايز أسأل برضو عن الشنطه بتاعتها إيه ظروفها كبيره ولا صغيره "كام ليتر"

آســــــــــــــــــــــف علي الإطـــــــــــــــــــــ ـــــــــــــــــــــــــ ـــــــــــــــــــــــــ ــــاله
تحياتي

**semsem_uno** · 05-09-2010 02:50 PM

ايوة فعلا الأوروبيين بيكتبو قوة الموتور بدون مبالغة و كمان بيقيسوه و هو متوصل في العربية و شايلها عكس الأسيوي بيقيسوه قبل ما يركب اصلا

و الموتور مش بطة قوي كده زي ما انتا فاكر الموتور معقول جدا جدا و اصلا لو انتا غاوي جري عندك النسخة المالتي اير 135 حصان تقريبا او 105 مش فاكر
يعني اللي غاوي جري عاملينلو نسخة للجري
و فكك من اللي بيقولك دي عربية بنات و بتاع دول ناس علي قد فهمها
و الشنطة كبيرة مش صغيرة بس بيكون في الهاتش باك علي حساب اللي قاعدين ورا انما لو تواضعو و طلعت الكراسي قدام مش هتحس بفرق
و طبعا كعادة فيات الكراسي مريحة جدا

**amrnagy** · 05-09-2010 03:05 PM

؟؟؟؟؟؟؟؟؟؟؟؟؟؟؟؟؟؟؟ مين قال الكلام ده
تكييف العربيه كويس مش وحش والسحب اكتر من ممتاز
ثانيا عداد العربية 230 وتجيب 200 مستريح
العربية واسعة والشنطة واسعة مش صغيرة

**kamalsalem** · 05-09-2010 03:12 PM

انا لسه مستلم العربية دي الشهر اللي فات لأختي وهي اصلاً مش بتسوف ف انا اللي كنت بسوقها

1- العربية على السرعات مريحة وبتجري وماسكة في الأرض... وانا مسكت بيها واحد صاحبي معاه بونتو برضه وبهدلته على المحور مع انه كان ناقص يولع في موتور عربيته.... بس الطلعة من الثبات بتعوز حرق شوية لو التكييف شغال.. وده كان بيزهقني ويخليني اطفي التكييف
1.5- الفتيس الدوال لوجيك ممل جداً جداً جداً للصبح في السواقة... العربية بتريح ع المطالع كأنها مانوال... لو وقفت ع الفرامل وشلت رجلك العربية بتفضل مكانها ولازم تديها بنزين عشان تمشي... الفتيس كله التحكم فيه الكتروني وانا مش واثق انه اوماترا هيعرفوا يعملوله ضيانة لو لاقدر الله فيه مشاكل.
2- التكييف ضعيف لو الشمس ضاربة في العربية انما غير كده تبريده جامد وبعد شوية بضطر اطفيه... بعني مش يخلى ودانك توجعك زي العربيات ال1600 الجديده بس حلو جداً والله واكييييد اهون من ال43 اللي بتشوفها بره
3- الشنطة جميلة وتنفع حتى لو عيلة او مجموعة صحاب مسافرين والعربية ليها شبكة شيك للرحلات
4- العربية فيها تكنولوجيا مش موجودة في عربيتي الكروز اللي مفروض انها اكبر واشد وأغلى وعشان كده انا شايف انه بصراحة البونتو غالية على فئتها
5- لو استعمالك محترم (مش بتهين المكنة.. وعايز عربية تصونها وتصونك ومش فارق معاك الحجم....) نفذ في البونتو وش.. انا كنت عايز عربية كبيرة ف خدت البونتو لأن البرافو كانت غالية عليا اوي

**semsem_uno** · 05-09-2010 03:24 PM

المشاركة الأصلية كتبت بواسطة kamalsalem

انا لسه مستلم العربية دي الشهر اللي فات لأختي وهي اصلاً مش بتسوف ف انا اللي كنت بسوقها

1- العربية على السرعات مريحة وبتجري وماسكة في الأرض... وانا مسكت بيها واحد صاحبي معاه بونتو برضه وبهدلته على المحور مع انه كان ناقص يولع في موتور عربيته.... بس الطلعة من الثبات بتعوز حرق شوية لو التكييف شغال.. وده كان بيزهقني ويخليني اطفي التكييف
1.5- الفتيس الدوال لوجيك ممل جداً جداً جداً للصبح في السواقة... العربية بتريح ع المطالع كأنها مانوال... لو وقفت ع الفرامل وشلت رجلك العربية بتفضل مكانها ولازم تديها بنزين عشان تمشي... الفتيس كله التحكم فيه الكتروني وانا مش واثق انه اوماترا هيعرفوا يعملوله ضيانة لو لاقدر الله فيه مشاكل.
2- التكييف ضعيف لو الشمس ضاربة في العربية انما غير كده تبريده جامد وبعد شوية بضطر اطفيه... بعني مش يخلى ودانك توجعك زي العربيات ال1600 الجديده بس حلو جداً والله واكييييد اهون من ال43 اللي بتشوفها بره
3- الشنطة جميلة وتنفع حتى لو عيلة او مجموعة صحاب مسافرين والعربية ليها شبكة شيك للرحلات
4- العربية فيها تكنولوجيا مش موجودة في عربيتي الكروز اللي مفروض انها اكبر واشد وأغلى وعشان كده انا شايف انه بصراحة البونتو غالية على فئتها
5- لو استعمالك محترم (مش بتهين المكنة.. وعايز عربية تصونها وتصونك ومش فارق معاك الحجم....) نفذ في البونتو وش.. انا كنت عايز عربية كبيرة ف خدت البونتو لأن البرافو كانت غالية عليا اوي

انا هرد علي كام نقطة بس
1.5-العربية بتريح في المطلع علشان انتا مش دايس بنزين كافي انه يدي عزم ليها انها تطلعة انما حضرتك بتفضل مخفف رجلك كأنك علي طريق مستوي فا مش بتسحب
تقل رجلك هتلاقيها سقطت غيار و سحبت (الديوال لوجيك كمان بيسقط لحد غيارين علشان لو جريت فجأة)
و الفرامل اللي لو متقل رجلك و شلتها تفضل ثانية او اتنين ماسكة برده ديه حاجة نازلة في الفيات علشات في المطالع العربية متريحش علي اللي وراها و ديه ميزة اسمها hill holder

و اوماترا مش توكيل سيء للدرجة و بيتعاملو متخفش

**kamalsalem** · 05-09-2010 03:29 PM

المشاركة الأصلية كتبت بواسطة semsem_uno

انا هرد علي كام نقطة بس
1.5-العربية بتريح علشان في المطلع علشان انتا مش دايش بنزين كافي انه يدي عزم ليها انها تطلعة
تقل رجلك هتلاقيها سقطت غيار و سحبت (الديوال لوجيك بيسقط لحد غيارين كمان علشان لو جريت فجأة)
و الفرامل اللي لازم لو متقل رجلك و شلتها تفضل ثانية او اتنين ماسكة برده ديه نازل في الفيات علشات في المطالع العربية متريحش علي اللي وراها و ديه ميزة اسمها hill holder

و اوماترا مش توكيل سيء للدرجة و بيتعاملو متخفش

1.5- انا بتكلم انه العربية مش زي الاوتوماتيك العادي بتطلع لوحدها لأ دي زي المانوال بتريح لورا لو مش ماسك فرامل

وموضوع الhill holder ده انا قريت عنه في الكتالوج بس الحقيقة انك لو على مطلع كوبري العربية بتريح على اللي وراك فعلاً مش بتمسك

**semsem_uno** · 05-09-2010 03:38 PM

المشاركة الأصلية كتبت بواسطة kamalsalem

1.5- انا بتكلم انه العربية مش زي الاوتوماتيك العادي بتطلع لوحدها لأ دي زي المانوال بتريح لورا لو مش ماسك فرامل

وموضوع الhill holder ده انا قريت عنه في الكتالوج بس الحقيقة انك لو على مطلع كوبري العربية بتريح على اللي وراك فعلاً مش بتمسك

انا مش فاهم بصراحة قصدك
بس علي فكرة فتيس العربية ديه نفسه (صندوق التروس) مانيوال و فيه اتنين ديسك كمان و دبرياش بس مش انتا اللي بتتحكم فيه

**sody** · 05-09-2010 04:43 PM

شكرا يا شبابا علي ردودكوا :b4_388:
طيب هو ليه الناس بيقولوا عليها بطه؟؟
وإيه رأيكوا لو قارنتها بالجين 2؟؟

**onz** · 05-09-2010 04:46 PM

المشاركة الأصلية كتبت بواسطة kamalsalem

انا لسه مستلم العربية دي الشهر اللي فات لأختي وهي اصلاً مش بتسوف ف انا اللي كنت بسوقها

1- العربية على السرعات مريحة وبتجري وماسكة في الأرض... وانا مسكت بيها واحد صاحبي معاه بونتو برضه وبهدلته على المحور مع انه كان ناقص يولع في موتور عربيته.... بس الطلعة من الثبات بتعوز حرق شوية لو التكييف شغال.. وده كان بيزهقني ويخليني اطفي التكييف
1.5- الفتيس الدوال لوجيك ممل جداً جداً جداً للصبح في السواقة... العربية بتريح ع المطالع كأنها مانوال... لو وقفت ع الفرامل وشلت رجلك العربية بتفضل مكانها ولازم تديها بنزين عشان تمشي... الفتيس كله التحكم فيه الكتروني وانا مش واثق انه اوماترا هيعرفوا يعملوله ضيانة لو لاقدر الله فيه مشاكل.
2- التكييف ضعيف لو الشمس ضاربة في العربية انما غير كده تبريده جامد وبعد شوية بضطر اطفيه... بعني مش يخلى ودانك توجعك زي العربيات ال1600 الجديده بس حلو جداً والله واكييييد اهون من ال43 اللي بتشوفها بره
3- الشنطة جميلة وتنفع حتى لو عيلة او مجموعة صحاب مسافرين والعربية ليها شبكة شيك للرحلات
4- العربية فيها تكنولوجيا مش موجودة في عربيتي الكروز اللي مفروض انها اكبر واشد وأغلى وعشان كده انا شايف انه بصراحة البونتو غالية على فئتها
5- لو استعمالك محترم (مش بتهين المكنة.. وعايز عربية تصونها وتصونك ومش فارق معاك الحجم....) نفذ في البونتو وش.. انا كنت عايز عربية كبيرة ف خدت البونتو لأن البرافو كانت غالية عليا اوي

الله ينور عليك يا باشا
اولا كله اللي قاله استاذ kamalsalem مظبوط
امبارح اول مره احس بسحب العربية بعد 550 كم فاتح الشباك و قافل التكيف
الطلعة من الثبات و انت قافل التكيف ( هتكيفك ) و العربية بتستفزك علي الحرق بطريقة شرسة

( بس انا ماسك نفسي العربية لسه ززززززززيرو كبير )
بالنسبة للدوالوجيك معرفش عنه حاجة
اما المانيوال علي عينك يا تاجر
حكاية التريح عند المطبات (مش عارف له حاسس اني بعذب العربية ) بخد المطب علي التاني و ديييييييب
التكيف و الشمس ضاربة في العربية تحتاج 5 دقائق و هاتقفله بنفسك ( زي كل العربيات ) بس مش تلاجة ( تكيف )
و العربية تعتبر اخت الجراند بونتو يعني منتشرة من حوالي 3-4 سنين ( فيس ليفت )
77 حصان ( انا مش حاسس انه 77 حصان ) كنت بسوق لانسر بومة 1300 حاسس اني عربيتي بور احسن منها

**onz** · 05-09-2010 04:59 PM

المشاركة الأصلية كتبت بواسطة sody

شكرا يا شبابا علي ردودكوا :b4_388:
طيب هو ليه الناس بيقولوا عليها بطه؟؟
وإيه رأيكوا لو قارنتها بالجين 2؟؟

العربية تسارعها من 12 - 13 ت من 0-100 و ده زمن مقارب اووي للعربيات ال1600
و كمان ظلم انك تقارنها بالعربيات ال1600
البونتو ايفو تتقارن ( سيات ابيزا 1400 - vwبولو - سكودا فابيا 1.4) انا عارف انهم كلهم اكبر منها كاموتور بس هي اقل منهم سعراااااااااااااااااااااا ااااااا

الحقيقة انا مجربتش الجين 2
بس اسمع انها موتور جبار ( كامبرو )
بس في مشاكل ( بس محلولة ) في التقفيل

الموضوع: فيات بونتو ايفو "البطه"

LinkBack

أدوات الموضوع

عرض

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

"فيات بونتو كلاسيك" مقابل 70 ألف جنيه

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة