ممكن المقارنه بين الباسات وbmw 316 موديل 2010 وايهما افضل ولماذا

**lovestory** · 13-09-2010 09:57 PM

ممكن المقارنه بين الباسات وbmw 316 موديل 2010 وايهما افضل ولماذا

**inspiron** · 13-09-2010 10:29 PM

من حيث الأفضلية فبالتأكيد الـ316 أفضل من الباسات وإن كانت الباسات أكبر شوية.

- وأثناء المقارنة بين العربيتين لازم تعمل حساب الفتيس الـ dsg ومشاكله الكئيبة في الباسات.

**kamalsalem** · 19-09-2010 02:37 PM

باسات يعني قيمة وشكل وركوبة تحفة وتخش اي مكان الناس تقف على نص رجل... بس مش هينفع تتعافى على حد على الطريق (مش اوي يعني)

بي ام يعني عربية من جوه شكلها وحش لكن جراية بشكل مخيف وشكلها شبابي وليها تعديلات كتير ولو بتتكلم على ال16 برضو مفيش افترى في الجري

اعادة البيع في صالح البي ام طبعاً عربية سعرها بيمسك نفسه جامد

**عبد الرحمن اسامه** · 19-09-2010 04:23 PM

مش عارف انا رأيي الباسات احسن، انا واحد صاحبي معاه ٣٢٠i مش واو يعني عادي، و ضيقة شوية، ١٦٠٠ سي سي هتبقي ضعيفة اوي عليها.

**Batman372** · 19-09-2010 04:48 PM

المشاركة الأصلية كتبت بواسطة عبد الرحمن اسامه

مش عارف انا رأيي الباسات احسن، انا واحد صاحبي معاه 320i مش واو يعني عادي، و ضيقة شوية، 1600 سي سي هتبقي ضعيفة اوي عليها.

بعد التحيه ،

لو حضرتك بتتكلم على الشكل سواء خارجى او داخلى يبقى دى وجهه نظرك و تحترم طبعا .

لو حضرتك تقصد المواتير - طبعا مفيش مقارنه من اصله !! طبعا لصالح البى ام .

الباسات المواتير ال 1.6 - قوه 115 حصان
الباسات المواتير ال 1.4 تربو- قوه 122حصان - مع ملاحظه وجوب بنزين على الاقل 95 !! + مشاكل الفتيس ال dsg

البى ام 320 المواتير ال 2.0 - قوه 155حصان
البى ام 318 المواتير ال 1.8- قوه 135 حصان
البى ام 316 المواتير ال 1.6 - قوه 118 حصان

**EgyptianTune** · 19-09-2010 04:56 PM

الباسات تتقارن مع الفئة الخامسة لكن أنا فاهم طبعاً اللى طالب المقارنة بيها مع 316 عشان الاثنين 1600 أو الباسات دلوقتى 1400 تربو 122 حصان فبالتالى أقوى وأوسع من ال 316

**EgyptianTune** · 19-09-2010 05:08 PM

المشاركة الأصلية كتبت بواسطة batman372

بعد التحيه ،

لو حضرتك بتتكلم على الشكل سواء خارجى او داخلى يبقى دى وجهه نظرك و تحترم طبعا .

لو حضرتك تقصد المواتير - طبعا مفيش مقارنه من اصله !! طبعا لصالح البى ام .

الباسات المواتير ال 1.6 - قوه 115 حصان
الباسات المواتير ال 1.4 تربو- قوه 122حصان - مع ملاحظه وجوب بنزين على الاقل 95 !! + مشاكل الفتيس ال dsg

البى ام 320 المواتير ال 2.0 - قوه 155حصان
البى ام 318 المواتير ال 1.8- قوه 135 حصان
البى ام 316 المواتير ال 1.6 - قوه 118 حصان

البى ام 318 المواتير 2.0 وليس 1.8

**fares515** · 19-09-2010 07:10 PM

المشاركة الأصلية كتبت بواسطة kamalsalem

باسات يعني قيمة وشكل وركوبة تحفة وتخش اي مكان الناس تقف على نص رجل

انا مش متفقك معاك في النقطه ده..انا شايف ان الوصف ده ينطبق على البيمر أكتر من الباسات..الباسات بقت منتشره اكتر من البيمر بكتير ومش مستاهله ان الواحد يقف لكن البي ام قيمه وبرستيج اعلى من الباسات بكتير

المشاركة الأصلية كتبت بواسطة kamalsalem

اعادة البيع في صالح البي ام طبعاً عربية سعرها بيمسك نفسه جامد

برضو مش متفق في ده لان البيمر مشهوره باعاده سعربيعها المدمر يعني 320 موديل 2009 عامل دلوقتي 250ألف يعني بتنزل 55ألف في السنه!!

وفي النهايه انا طبعا برشح البي ام لكاتب الموضوع بس ال316امكانياتها فقيره جدا لو مش مصمم انك تركب زيرو خليج في 320موديل 2009

**عبد الرحمن اسامه** · 20-09-2010 12:48 AM

المشاركة الأصلية كتبت بواسطة EgyptianTune

الباسات تتقارن مع الفئة الخامسة لكن أنا فاهم طبعاً اللى طالب المقارنة بيها مع 316 عشان الاثنين 1600 أو الباسات دلوقتى 1400 تربو 122 حصان فبالتالى أقوى وأوسع من ال 316

بالظبت هو ده ازدي الباسات عربية اكبر و الفولكس ماركة محترمة جدا جدا، متئلش عن البي إم كتير، بس انا طبعا لما برجح الباسات، انا بقارنها بال 316 مش 318/320.

من الأخر لو انت شاب عايز تشد بالعربية و كده و معندكش اسرة كبيرة مش محتاج وسع داخلي و راحة يبئي البي إم.
الباسات هتبقي اوسع و اريح لو عندك اسرة و عايز حاجة برستيج اكتر منها شبابية.

لو رسيت علي الباسات يبقي ممتاز لكن لو هتجيب بي إم، انا رأيي بص علي الليون، انا و صديقي الانتيم انا معايه ليون و هو معاه 320i ، طبعا الموتور في فرق كبير، لكن الثبات و الراحة و العافشة و الاوبشنز و كل حاجة مفيش فرق كبير بينهم، حرام فرق السعر ده كله و انت ممكن تاخد كل الكماليات دي في عربية ب 155،000 بس. و شكلها شيك جدا و اساسية و هي هي الجولف و كماليات تحفة.

انا كنت عامل مقارنة بين الليون و البي إم بص عليها http://www.nilemotors.net/Nile/13683...-bmw-320i.html