هل يوجد احد غير رأيه او اضاف معلومة جديدة في الدكتور البرادعي بعد المقابله ؟

**SkyBird** · 10-03-2011 05:25 AM

هل يوجد احد غير رأيه في الدكتور البرادعي بعد المقابلة بالسلب او الايجاب ؟
ما كانت رؤيتك له قبل وبعد ؟
حتى المؤيدين للبرادعي ما هي المعلومات الجديده التى اضافوها ؟

ممكن بعد اذنكم اكون اول واحد يشارك

انا من مؤيدي البرادعي والمعلومات التي اضفتها بعد بعد اللقاء هي:

1-انه يسبق رئيس الوزراء بروتوكوليا لانه حامل قلادة النيل التى استحقها بعد حصولة على نوبل للسلام
2-وان زوجته من كفر الدوار
3-وان جده كان عضو هيئة علماء المسلمين بالازهر الشريف
4-انه من مؤيدي بقاء المادة 2 من الدستور لانها من ضمانات المساواه والعدل والحرية "كمبادئ " للشريعة الاسلامية بدون فرض اي شئ على قوانين وشرائع الملل الاخرى وحرية تطبيقها الكاملة كل على ملته
5-انه "ديمقراطي اشتراكي " بمعنى انه مع النظام الرئسمالي بضوابط العدالة الاجتماعية وهذه اول مرة اسمع هذا المصطلح "ديمقراطي اشتراكي " بهذه الفكرة العميقة التي تصنع خلطة الحل السحري في ظروف مجتمعنا الحالي بدل تسول الدعم للفقراء من الاغنياء لان فكرة الدعم كما قال ناتجة عن اسلوب اقتصادي معيب والعمل على ان لا تكون حاجه للدعم بعد هدم الفجوة بين الاغنياء والفقراء حتى لا يكون هناك فقير على بر مصر

لو افتكرت زياده هقول علطول

يلا يا شباب افكاركم بارك الله فيكم وفي مصرنا الحبيبة ودمتم القاطرة البشرية لقيادة الوطن الحبيب

**cheetos_892005** · 10-03-2011 05:30 AM

+ ان مرتضى منصور زمانه مات من الفلقه و الغيظ دلوقتي

**aly_hosny** · 10-03-2011 05:33 AM

ان بصراحة كنت حاسس في الاول انه اهملنا "قبل الثورة"
بس كلامه انهاردة عبجني جدا و هو اقوى مرشح بالنسبالي دلوقتي

**M.Abdelshafi** · 10-03-2011 05:34 AM

مصطفى البرادعى والد الدكتور محمد كان نقيبا للمحامين فى مصر وصاحب مشروع المحاماة العرب

**Qmax** · 10-03-2011 06:03 AM

المشاركة الأصلية كتبت بواسطة skybird

يلا يا شباب افكاركم بارك الله فيكم وفي مصرنا الحبيبة ودمتم القاطرة البشرية لقيادة الوطن الحبيب

شكرا على طرحك لهذا الموضوع
بعد اللي انت كتبته خليت لينا ايه نقوله هههههههههه

كل ردود الدكتور البرادعي خلتني اتمسك بيه أكتر ولا أجد أمهر منه في الوقت الحالي لبناء مصر حره مستقله قويه غير متسوله ولا مهمشه

**medo_2060** · 10-03-2011 07:57 AM

كلام 10 على 10 ... انا كنت بقول هنتخب عمرو موسى مبدئيا من غير ما اشوف كلام الاتنين ولا تاريخهم .. والكام يوم الى فاتوا اى متابع لكلام موسى او البرادعى هيحس ان البرادعى بيتكلم كلام موزون جدا وعاقل اكتر من عمرو موسى ..
انا كنت علطول قبل ما اشوف لقاء البرادعى وقبل ما اعرف عنه حاجه اقول الراجل دا كويس اكيد بسبب حاجه واحده ... اى شخصيه تتهاجم من نظام مبارك + النظام الاسرائيلى تبقى من الاخر الشخصيه المطلوبه لينا

**Amgad64** · 10-03-2011 08:36 AM

بصراحه الدكتور البرادعى هو خير من يمثل مصر فى الفتره القادمه , ربنا يوقفنا جميعا و نحقق أمالنا فى مصر عظيمه على ايديه فى المستقبل القريب

**ezzatfox** · 10-03-2011 09:11 AM

بغض النظر عن انة ملوش كاريزما و مبيعرفش يتكلم كويس .. بس الراجل كلامة نفذ الى الى داخلى و استطاع تغيير رأيى فية كثيرا .. خاصة بعد تصريحة انة مش هيترشح لو متعدلش الدستور .. تصريح زى دة على الهواء كفيل بان يثبت ان الراجل ليس طمعان فى منصب او جاة و انما يريد تغييرا حقيقيا مش زى عمرو موسى الى مش لاقيلة انجازات فى الماضى او مواقف فى الحاضر او رؤية واضحة للتغيير فى المستقبل .

بالنسبة لى الاختيار انحصر حاليا فى ثلاثة البرادعى و البسطاويسى و زويل

**Dr Ahmed** · 10-03-2011 09:14 AM

انا كان عندى شك قبل كده فى مصداقيته وإخلاصه
لكن الشك دا تقريبا زال بعد متابعتى اللقاء لإنى حسيت بصدقه والراجل مش ممثل .. الراجل بيحب البلد فعلا
وجود مناظرات وحوارات مستقبلية مع المرشحين هيخلينا نختار صح إن شاء الله

**fepsceasar** · 10-03-2011 09:42 AM

كلامه قبل الثورة هو كلامه بعد الثورة
راجل محترم ومش طمعان فى تقدير ولا فلوس
، لكن للاسف كان فى ناس بتحاول تشوهه قبل الثورة
ومتهيالى حكاية وضعه بروتكوليا ظهرت فى اجتماعه مع المجلس الأعلى لأنه كان يجلس التالى للمشير،

الموضوع: هل يوجد احد غير رأيه او اضاف معلومة جديدة في الدكتور البرادعي بعد المقابله ؟

LinkBack

أدوات الموضوع

عرض

هل يوجد احد غير رأيه او اضاف معلومة جديدة في الدكتور البرادعي بعد المقابله ؟ - انشر الموضوع فى :

-

-

-

-

-

المواضيع المتشابهه

غبور اضاف فئة جديدة للسيارة النترا gl

موقف الدكتور عصام العريان من البرادعي

تنبؤ الدكتور البرادعي بالتغيير في فبراير

شكرا سيادة الدكتور محمد البرادعي.

الدكتور البرادعي بطل الثورة

الكلمات الدلالية لهذا الموضوع

المفضلات

المفضلات

ضوابط المشاركة