الموضوع: ائتلاف شباب الثورة يعلق حواره مع المجلس العسكري

المشاركة الأصلية كتبت بواسطة medo2o1o

حضرتك جبت منين الكلام اللى بيقول ان فى ناس ضربت نار على العساكر

انا مقرتش الكلام ده فى اى حتة

ومش هتقراه فى أى حته , لأن الجيش مش بيعلن عن كده
ولو سألتنى عن المصدر هقولك أنا المصدر , وأسأل مجرب وما تسألش حكيم

وضحت لحضرتك

طب لو وضحت تقدر تقولى مين كان معاه سلاح فى الميدان وضرب نار على الجيش , ولو الجيش رد كانت هتبقى مجزره

وعلى فكره كل الموجودين فى الميدان من الجيش معاهم طلقات صوت عدا الضباط وطبنجات مش ألى ( التسليح الشخصى )

لو صدقت كلامى ردك أيه على البيان ده

المشاركة الأصلية كتبت بواسطة aif

مرة واحد كان بيغرق في النيل
واللي حواليه كلهم اما سابوه يغرق واما ضربوه عشان يغرق بسرعة
ماعدا واحد ... الغريق قعد يتحايل عليه ويبوس ايده انه ما يسبوش يغرق ... راح طارد الناس اللي كانو عاوزين يغرقوه .... ومادد ايده وشاده من هدومه و طلع بيه ع الشط
وقبل ما يوصل الشط وهو لسة في عرض البحر
الغريق قال
انا جعان شوفلي حاجة اكلها
جابله حتة عيش كانت معاه
الغريق : العيش ناشف يا غبي .... معنكش عيش باتي بان ..... ده من حقوق الانسان ان الناس تاكل باتي بان
الراجل كتم غيظه وكمل بيه
راح شاتمه تاني
يا غبى .... كدة قطعتلي هدومي .... مش تحاسب.... دي هدوم غالية مش زي الهلاهيل اللي انت لابسها
الراجل كتم غيظه وكمل بيه
الغريق راح شاتمه تاني
يا حمار ..... شدني بالراحة شوية
الراجل صبر عليه
راح شاتمه تالت
يا ابن ال... تيييييييت .... مش قلتلك تشدي بالراحة .... انت اصلا فاسد وريحتك معفنة .... يا معفن ....
الراجل آخر ما زهق راح راجع بيه مطرح ما كان بيغرق وسابه هناك يعيش مشكلته مع نفسه
وقعد الغريق ينادي على حد ينقذه .... الناس طبعا كلها طنشت وقالت ده ناكر للجميل .... سيبوه يغرق في 60 داهية
وتوته توته فرغت الحدوتة .....
حلوة ..... ولا ملتوتة ......
وتصبحوا على خير يا أحبائي الصغار

اساذ احمد
انا بحترم اراءك جدا
و القصة رائعة

طيب انا عن نفسى مش هتكلم فى السياسة و لا هنتقد المجلس ولا هنزل مظاهرات لمدة اسبوع تبدا من الجمعة القادم -اصلا انا فاقد الامل على قكرة و ناوى كدة من زمان بس اهوا بأكد
و نشوف هل انوا صح ام انا صح
لو لاقيت المجلس عمل خطوات ملموسة فعلا هاروح اضرب المعتصمين بنفسى و يبقى انا غلطان و حقكم عليا
لكن لو فى !@#!$ من المجلس ........... يبقى خليهم يعتصموا

المشاركة الأصلية كتبت بواسطة sharafconsult

ومش هتقراه فى أى حته , لأن الجيش مش بيعلن عن كده
ولو سألتنى عن المصدر هقولك أنا المصدر , وأسأل مجرب وما تسألش حكيم

وضحت لحضرتك

طب لو وضحت تقدر تقولى مين كان معاه سلاح فى الميدان وضرب نار على الجيش , ولو الجيش رد كانت هتبقى مجزره

وعلى فكره كل الموجودين فى الميدان من الجيش معاهم طلقات صوت عدا الضباط وطبنجات مش ألى ( التسليح الشخصى )

لو صدقت كلامى ردك أيه على البيان ده

لو كلام حضرتك صحيح و فى ناس ضربت نار على الجيش
يبقى طبعا من حق الجيش يخلى الميدان

لكن انا لا اكذب حضرتك و لكن هل حضرتك ضابط فى القوات المسلحة
ولا الكلام ده من حد معرفة فى الجيش

المشاركة الأصلية كتبت بواسطة aif

لأ يا باشا ..... انا ماقولتش كدة
بالعكس
الوقفات المليونية بتؤدي الي تسريع الوتيرة وبتضغط ع الجيش والحكومة لاستكمال مطالب الثورة
لكن ..... اتظاهر يوم الجمعة وقول مطالبك وروح ......ما تعملش قلق وانقسام بين الناس
انتقد الجيش
الجيش بطيء ليه
عاوزين نحاكم مبارك
عاوزين نحبس شرور والشريف وعزمي
لكن التعامل مع الجيش لازم يكون بحدود .......
الجيش هو اللي خلاك تقدر تتنفس لغاية دلوقت
الجيش هو اللي مبارك طلب منه انهاء التظاهر ولم العيال بتوع التحرير والجيش رفض
طنطاوي اللي مش عاجبهم هو اللي خد القرار ده شخصيا .... بالرغم شتيمة مبارك له واهانته لكن رفض يضربني ويضربك
حتى لو فيه فساد في الجيش ..... ده طبيعي هما مش ملائكة .... جزء من الحكومة الفاسدة
لكن الجزء اللي فيه فساد ده .... هو اللي انقذ حياتي وحياتك .... هو اللي صان عرضي وعرضك .... وما زال
.......
.... بلاش كلام عن المثاليات وخلينا عمليين وبتوع مصلحتنا وبس
الشرطة حاليا .... لسة عندهم اكتئاب
الحكومة حاليا ..... لسة في كي جي 2
مؤسسات الدولة حاليا .....بتعاني من كل ما تتخيله من مشاكل
والبلطجية ورجال الحزب الوطني وكلاب رجال الاعمال متربصين ........ محدش فاضل ممكن يصدهم غير الجيش
......
لما تلاقي بقى صوت بينادي بالانقسام في الجيش و عاوزين انقلاب في الجيش
يبقى اللي بيقول كدة ويشجع له ....... اكيد عاوز البلد دي تغرق ومن مصلحته انها تغرق
احنا في طائرة لها اربع محركات ..... 3 منهم اتحرقو وطايرين بمحرك واحد ........ لما حد بقى يقول ان المحرك ده صوته عالي ولازم نطفيه عشان ننظفه وصوته يبقى طبيعي ..... يبقى اكيد يقصد ينتحر هو وباقي الركاب
...
خدها مني كلمة من واحد من الجيل اللي فات
انا ممكن انتقد الجيش
ممكن اطالب الجيش بالمزيد
ممكن اطالب بتسريع محاربة الفساد
...
لكن لو الجيش داس على رقبتي بالجزمة في هذا التوقيت .... عمري ما ح اطالب برحيله او الانقلاب عليه او اشجع اي مغرض عاوز يعمل انقسام في الجيش
الجيش دلوقتي طوق النجاة الوحيد .... وانا مش باعرف اعوم ...... حتى لو الطوق ضيق وخانقني ح اتشبث بيه لآخر نفس
ما تخليش الانفعال يدمر اللي كسبناه ..... ده احنا كسبنا كتيييييييييير او
اكتر من احلامنا

حضرتك الوحيد اللى اقنعنى بكلامه
خلاص:b4_611:
والله عايز اصدق ان الجيش مش متواطىء مش عارف بس هسكت عشان اقتناعى بكلام حضرتك