الموضوع: فيرنا vs بروتون ساجا ؟؟

المشاركة الأصلية كتبت بواسطة ZOTYE

انا اسف كل الأسف على الأنفعال الزائد عن اللزوم يا جماعة و البروتون مش عربية وحشة بالعكس والله انا بحبها و قلت انها افضل من الفيرنا و الانوس بمراحل .
و كلام حضرتكم صحيح كل عربية ليها مميزاتها و عيوبها هى كل عيوب اللوجان ان قطع غيارها غالية لكن معمرة و متوفرة فى التوكيل و بدا ينزلها قطع غيار خارج التوكيل و على فكرة قطع غيار اللوجان مش غالية للدرجة لأنها فرنساوى اصلى و عليها ضمان لمدة عام و من قلب التوكيل نفسه .
فى النهاية انا مش عاوز حد يزعل منى احنا كلنا بنكمل بعض و بنستفيد من اراء بعض ....

كلامك ده بيدل على انك شخص محترم لانك لما حسيت انك انفعلت زياده وضحت الامور وتأكد ان مفيش حد زعلان لاننا فعلا هنا بنكمل بعض ونتبادل الاراء لمصلحتنا جميعا (وماتبقاش تتحمق تانى عشان خاطر اللوجان)
انا بهزر معاك على فكره ..... تحياتى

المشاركة الأصلية كتبت بواسطة memo13

كلامك ده بيدل على انك شخص محترم لانك لما حسيت انك انفعلت زياده وضحت الامور وتأكد ان مفيش حد زعلان لاننا فعلا هنا بنكمل بعض ونتبادل الاراء لمصلحتنا جميعا (وماتبقاش تتحمق تانى عشان خاطر اللوجان:copy of m-s5:)
انا بهزر معاك على فكره ..... تحياتى

+111111111111111

المشاركة الأصلية كتبت بواسطة m_sallam

اللوجان فرنساوى تقفيل مصنع رينو ( صوماكا ) بالدار البيضاء بالمغرب , اما الساجا ماليزى تقفيل ماليزى يعنى انا شايف ان التقفيل و الصناعة من حق اللوجان
اعتقد ان التقفيل الماليزي يكسب
من حيث الأنتشار اللوجان تكسب بمراااااااااحل لأنها اكتسحت السوق خلال سنتين فقط
عندك حق نظرا للدعايه الغير مباشره اللي خدتها اللوجان عشان اتفاقيه اغادير وعشان كمان نازله قبل الساجا
من حيث التوكيل اللوجان تكسب لأن اللوجان توكيلها محترم للغاية
انا ماجربتش توكيل الوجان عشان اقارن بين التوكيلين بس ده مايمنعش ان عز العرب توكيل كويس
من حيث نعومة العفشة اللوجان تكسب لأن اللوجان عفشتها ريشة و الكل اجمع على كدة
وعفشه الساجا عفشه رياضيه
من حيث الموتور اللوجان تكسب لأن موتور اللوجان 1600 اما الساجا 1300 خصوصا كمان لما تشغل التكيف فى الساجا اكيد هيأثر على الموتور جامد
اكيدحضرتك ماركتبش الساجا وشوفت التكييف بياثر ولا لا
من حيث الوسع و الشنطة اللوجان تتفوق بمراحل مساحة شنطة اللوجان رهيبة 510 لتر ما شاء الله
الوسع الداخلي تقريبا واحد اما الشنطه اللوجا تكسب
من حيث التسارع اللوجان تتفوق من 0 - 100 خلال 11.5 ثانية اما الساجا 15 ثانية ...
الساجا ممكن تشد مع الفيرنا معتقدش ان الوجان تقدر تعمل ده
الثبات من صالح اللوجان انا جبت بيها 170 و كانت ثابتة بشكل راااااااائع
الساجا ثبات اكر من رائع حتي علي 170
سعر اعادة البيع و انتشار قطع الغيار من حق اللوجان
ممكن عشان انتشارها اللي عرفنا ليه
المواد الداخلية للصالون و التابلوه من حق اللوجان
لازم تعد في الساجا عشان تشوف المواد الداخليه وتقارنها عن معرفه
الصاج من حق اللوجان و الأبشنز برضه لأن اللوجان فيها اير باج و كمبيوتر رحلات
مش بقولك اكيد ما اعدش جوا الساجا
عشان الساجا تتفوق علي اللوجان في الاوبشن وعلي فكره فيها اير باج ومرايات كهربا وفوانيس شبوره ورا وقدان وسينسور بارك
من حيث مستوى الأمان اللوجان افضل السيارة حاصلة على 3 نجوم من 5 نجوم فى اختبار السلامة الأوروبى ....
كان فيه فيديو اختبار التصادم للساجا
شوفه وشوف هتدي العربيه ديه كام نجمه
فى النهاية المقارنة بقت من صالح اللوجان يعنى توكل على الله و هات لوجان و خليك فى المضمون احسن

اعتقد المقارنه بالشكل الجديد ده محتاجه اعاده نظر

المشاركة الأصلية كتبت بواسطة zotye

انا اول مرة اسمع الكلمة دى بالعكس موتور اللوجان ناعم هو نفسه موتور الميجان1 .....
و بعدين الدليل على ان اللوجان عربية محترمة انها انتشرت الأنتشار الرهيب و اكتسحت السوق خلال سنتين فقط و بعدين رينو مش هتنزل عربية غير و هى واثقة انها تحقق نجاح و متبوظش سمعتها و بالفعل العربية محققة نجاح باهر و الحمد لله و كل الناس بتشكر فيها بفضل الله تعالى ثم التوكيل المحترم للغاية ....

الساجا عربية محترمة باس الناس كلها بتقول ان توكيلها زبااااااالة و نصابين و موتورها ضعيف شوية و المواد الداخلية للصالون و التابلوه كويسة باس اللوجان افضل منها بمراحل و صاجها ضعيف الى حد ما و مش محققة نجاح زى اللوجان و بالتالى لسة منزلهاش قطع غيار مبنش ايه مميزاتها و ايه عيوبها و بالتالى سعر اعادة بيعها غير متزن باس فى النهاية تدرب الفيرنا بستين جاااااااااازمة ....

اما الفيرنا صاج ورق و ضعيف بشكل لا يذكر , قريبة جدااااا من الأرض , التكيف بيأثر على العربية و بيخليها تسحب بنزين , مواد داخلية و صالون زبالة و بيتبهدل بسرعة , خفيفة جدااااا , بعد 100 كم بتعوم و فرملها بتضعف و بتدبدب و مش هاتعرف تتحكم فيها و كمان تقفيل الفيرنا زبالة ......

اعتقد ان المقارنة بقة بين اللوجان و الساجا ....
اتفرج على كل عربية و شوف كلام الناس عليها ايه و ادخل على قسم اللوجان و شوف الناس بتشكر فيها ازاى و متنساش ان اللوجان فرنساوى تقفيل مصنع رينو ( صوماكا) فى الدار البيضاء بالمغرب , اما الساجا تقفيل ماليزى و صناعة ماليزى !!
و ربنا يوفقك و مع خااااااااالص تحياتى

كلام حضرتك علي الساجا مش مظبوط
اولا محدش قال ان توكيلها زباله والناس اللي تعرف في التوكيلات تعرف مين توكيل عز العرب
وغريبه اوي حته صاجها الضعيف ديه

المشاركة الأصلية كتبت بواسطة zotye

هو كل اللى فى الموضوع ان احنا حبينا نضيف للراجل صاحب الموضوع عربية افضل و بقة محور حديث الناس اليومين دول و اكتسحت السوق بفضل الله تعالى و الناس كلها شكرت فيها بفضل الله ثم التوكيل المحترم .....
ثانيا: اللوجان 1600 سى سى 95 حصان اما الساجا 130 سى سى 90 حصان يعنى لما تشغل التكيف هتلاقى العربية شحرت منك ...
ثالثا: كمليات اللوجان زيادة عن الساجا لأن اللوجان فيها اير باج و كمبيوتر رحلات اما الساجا لا يوجد بها
رابعا: مينفعش نقارن بين رينو و بروتون انت لو قلت الكلام دة لواحد خواجة هيضحك عليك و هيقولك ايه البروتون دى اساسا
خامسا: اللوجان متشرة اكثر من الساجا بمراحل و قطع غيارها متوفرة عن الساجا اما الساجا قطع غيارها غالية و فى قطع غيار مش متوفرة فى التوكيل اساسا
سادسا: شوف المقارنة بتاعة الأستاذ m_sallam و انت هتعرف ان اللوجان افضل من الساجا بمراحل
سابعا: يكفينى فخرا و شرفا ان لما حد يسألنى راكب ايه افوله رينو مش بروتون ..

راجع الساجا هتلاقي ماتورها كامبرو تصميم لوتس 94 حصان وكلنا عارفين ياعني ايه لوتس
وعلي فكره فيها اير باج