الموضوع: الفيوزات وقعت قلبي وهربت دمي

امبارح رجعت من الشغل ركنت العربية وقفلتها بريموت الانذار الجديد (لسة مركبه من يومين ريموت الجيتا والاوكتافيا)
السنتر قفل (سنتر هوا لسة مركب الطرمبة من اسبوع استيراد)

نزلت بليل رايح مشوار بدوس علي الريموت عشان افتح !!!!!!!!!!!
مش بيفتح
ببص
لاحظت ان لمبة المبين بتاع الانذار مش بتنور

برج من نافوخي طار

اول حاجة فكرت فيها ان العربية تعرضت لمحاولة سرقة فاشلة

فتحت بالمفتاح لقيت بابي بس الي بيفتح !!!!!!!!!!!!!!!!!
ولما الباب فتح لقيت نور الصالون مش بينور !!!!!!!!!!!!!!!!

طب دة انا لسة مركب مفتاح نور الصالون جديد (موجود في القايم التحتاني فوق العتب)

فتحت الكبوت وقتي وبصيت علي البطارية لقيت الاواطيش راكبة كويس

والمفاجأة الكبري !!!!!!!!!!!!!!!!!!!!!!!!!!

ببص علي عداد الكيلو متر عشان لما بدور بيديني اشارة فلاش وبعدها يظهر الكيلومتر فأبدأ بأدارة المحرك
لقيت الساعة (ديجيتال) وعداد الكيلومتر (ديجيتال) ابيض ياورد (الشاشة lcd بيضاااااااا مفيش ولا حرف ولا رقم عليها) والار بي ام معلق علي 8 مش علي 0
أخخخخخخخ
الكمبيوتر طاااااااار

بص بقي دماغي راحت في كام حتة
السنتر جديد
الانذار جديد
مفتاح نور الصالون جديد
غسلت العربية قبلها بيوم

ياتري اي واحدة فدول السبب ؟؟؟

راجعت علي الطرمبة وشيلت الفيشة وركبتها السنتر فتح وهي اشتغلت

فتحت درج الفيوزات تحت الدريكسيون عشان افصل الانذار واحاول اركبه تاني

وانا بفك واركب االانذار لقيت نور الصالون بيلعب وصوت الزنان بيقطع !!!!!!!!!

لعبت في الفيوزات لقيت نصها طالع لبرة ويادوب ملمس

بالتحديد تاني فيوز من اليمين (لونه احمر) شكله مفلق من بعضه وكمان متشعر والسلكة مقطوعة !!!!!!!!!!!!

فكيته
لقيته مكربن وحالته كرب
ركبته تاني الدنيا ظبطت والحياة نورت والساعة والكيلومتر عملو ريست (0:0) طبعا عداد الترب trip وليس التوتال

الحمد لله فضل من عند ربنا كل حاجة اشتغلت

وانا واقف تحت البيت هتجنن لقيت واحد جاري معدي وبيسلم روحت مناديله فورا
جاري معاه جيتا 2007 قالي علي شوية نصايح غالية الصراحة
من ضمنها
1- اوعي تفك او تركب فيشة والعربية دايرة (لازم تطفيها وياريت تشيل المفتاح)
2- غيار الزيت والفلتر علي 10.000 (قديمة)
3- كل تفوليتين بيجيب التنك علي الصاج واللمبة بتنور ودة لحكمة (عايز ينزل كل وساخة التنك في الفلتر وبيغير الفلتر علي 10.000 مش علي 30.000 زي جدول الصيانة) علي فكرة بيعمل الصيانة كل 10 مش 15 زي الكتالوج
4- غيار الكاتينة وبلية الشداد كمان كل 40.000
5- غيار التيل كل 10.000
6- غيار كل ماهو فلاتر كل 10.000 (فلتر زيت - بنزين - تكييف - هواء)

عربيته الماظة ماشاء الله عليها الله اكبر
بيقولي الي هيشتري عربيتي هيدعيلي وهيلاقي جوف الموتور نظيف

والله المستعان
،
،