الحمد لله ( الحادثة)

**MNabeih** · 22-09-2011 05:38 AM

السلام عليكم و رحمة الله

طبعا انتم سمعتم عن الحادثة,
انا هاقول تفاصيلها
انا كنت ماشي علي طريق برج العرب و كان معايا اتنين اصحابي, لقيت واحد بيلف من يو تيرن (جاي من الطريق الاتجاة التاني)وسعت شوية لأني كنت ماشي في الحارة الشمال كل اللي في دماغي انه هايمسك الطريق لقيت لأ دة واخده علي واسع حبتين , وسعت كمان فجاة قبله ب 15-20 متر لقيته قاطع الطريق و كانت اخر محاوله اني فرملت و روحت ناحية اليمين خالص يمكن ياخد باله و يفرمل و لكن مافييييش كل دة علي فكرة اخد يمكن 2-3 ثواني مش اكتر لأني بردو كنت ماشي بسرعة
دخلت فبه و بعد كدة ما حستش غير بعد كدة باني خبطت في عمود بجنب العربية اليمين و بعدين اتقلبت مش عارف بقي مرة واللا اتنين و العربية رسيت علي السقف(الحمد لله)
الناس اتلمت بسرعة و طلعونا الحمد لله كان كل همي صاحبي اللي ورا لانه ما كانش عامل الحزام اقعدت اسئله انت كويس الحمد لله رد عليا و كان بيتحرك بس كان متعور في دماغة.
قولت لواحد رن لي علي الموبايل ....مقفول طيب علي موبيلات الاتنين اللي معايا......مقفول
طيب, الاسعاف وصلت و اخدوا صاحبي اللي ورا و ركب معاه اللي قدام لانه الحمد لله ما كانش فيه حاجة و كان هو اللي واخد باله مننا.
وصلت الاسعاف التانية و اخدتني و كان صدري واجعني جدا و رقبتي و ايديا عند المعصم.
و روحنا علي مستشفي العامرية و كانت قدر ربنا ان النور يكون مقطوع و علي ما يشغلوا المولد.
المهم قعدنا بتاع ساعة و نص ساعتين بنهش الدبان من علينا عملولنا اشاعة و طلعت بايظة,
و كان عبدالرحمن(صاحبي اللي قدام) كلم عربية اسعاف عشان نروح علي مستشفي خاص في نفس الوقت كنا بلغنا الشغل عندنا و تبع التامين حولونا علي مستشفي السلامة الخاصة و شتااان, الحمد لله عملولنا كل الاشاعات و الفحوصات اللي ممكن تتعمل و الحمد لله كان كله كدمات عندي في القفص الصدري و الرقبة و محمد(اللي ورا) في الرقبة و الضهر.

يا جماعة بجد السرعة لأ بلاش خالص لأني بجد مالحقتش اقول حتي لا اله الا الله و رحت لابس
في العربية هو غلطان اة بس علي سرعة قليلة كان ممكن تتلم(الحمد لله)
دي الصور واخدها لسة امبارح لما خلصت الاجرائات و استلمت العربية
ImageShack Album - 11 images
اللهم اجرني في مصيبتي و اخلفني خيرا منها.

**mohdfouda** · 22-09-2011 06:05 AM

الحمد لله انكم بخير يا معلم وربنا يعوضك خير ان شاء الله وخد بالك يا باشا وادام جت فى الصاج مش مشكله وربنا هيعوضك باذن الله احسن منها

**MNabeih** · 22-09-2011 06:30 AM

المشاركة الأصلية كتبت بواسطة mohdfouda

الحمد لله انكم بخير يا معلم وربنا يعوضك خير ان شاء الله وخد بالك يا باشا وادام جت فى الصاج مش مشكله وربنا هيعوضك باذن الله احسن منها

شكرا يا باشا

**shouk_1987** · 22-09-2011 06:33 AM

الحمد لله انكم بخير و ديه أهم حاجة
و ربنا يعوضك خير ان شاء الله

**waelfarid** · 22-09-2011 06:55 AM

حمدا لله علي السلامة ونقول كمان مرة مين اللي سايق انت اللي سايق العربية ولا العربية بقوة موتورها هي اللي سايقاك هوووووووووووووووووووووووو وووووووووووووووف سلامات

**abdo_2828** · 22-09-2011 07:37 AM

الحمد لله انك انت وصاحبك بخير
وربنا يعوضك خير

**yaserbasha2000** · 22-09-2011 07:45 AM

الف سلامه علي حضرتك و الحمد لله انها جت علي قد كده

للاسف فيه عرف في السواقه المصريه كتير من الناس معتقده ان هو الصح ان اليو تيرن لو مش متحدد له مسار يعني مجرد فتحه في بين الطريقين يبقي السواق يلف علي الواسع و يروح الحاره اليمين زي الراجل ده ما عمل مع حضرتك

**shaddadfalcon1** · 22-09-2011 07:56 AM

الحمد لله وقدر الله وماشاء فعل ولعلها كانت مصيبه كبيره وجت في العربيه

بس انت قصدك علي الطريق الدولي اللي رايح علي برج العرب ولا انهي واحد؟

**MohssenRashed** · 22-09-2011 09:14 AM

لاحول و لا قوه الا بالله

الف سلامه عليك ياباشا و لاحمد لله ان انت و اصحابك بخير.

الطريق ده اساسا زباله من كباري لأسفلتو الجري عليه.

**ayman2** · 22-09-2011 09:39 AM

الف حمد وشكر لله على السلامه اللى يشوف منظر العربيه لايمكن يتوقع ان من بداخلها بخير وربنا يعوض عليك ويكتب لك هذا فى ميزان حسناتك وانا معاك فى اى شىء تطلبه

الموضوع: الحمد لله ( الحادثة)

LinkBack

أدوات الموضوع

عرض

الحمد لله ( الحادثة) - انشر الموضوع فى :

-

-

-

-

-

-

المواضيع المتشابهه

i10 بعد الحادثة..

الحمد لله - حكايتى مع الحادثة والتوكيل والنيابة و التامين

الحادثة دروس و عبر

فلسفة الحادثة

الحمد لله ... الناس اللي في الحادثة بخير .... انا اسف لكل بورسعيدي

الكلمات الدلالية لهذا الموضوع

المفضلات

المفضلات

ضوابط المشاركة