ثانى التقرير الحصريا كيا سبورتاج 2012 هاي لاين صور + تقرير مفصل

**scobedo** · 29-11-2011 12:22 AM

المشاركة الأصلية كتبت بواسطة fgfg1975

1000 مبروك و ربنا يبارك لك فيها
واضح انك جبتها من طارق
هل دفعت over price ( كام)
و استلمتها بعد اد ايه
و شكرا على تعبك معانا

فعلا جبتها من معرض الطارق في اكتوبر وكنت متفق معاهم على 15 الف اوفربرايس والأستلام في خلال 3 اسابيع عشان الهاي لاين ماكنتش عندهم .وكانوا بيحاولوا يقنعوني بالفئة الثانية وينزلوا في الاوفر بس انا كنت مصمم على الهاي لاين .

لقيتهم بيكلموني وبيقولولي في واحدة هاي لاين عند الوكيل ( كيا مصر ) لو عايزها نجيبهالك بس الأوفر هيبقى 18 الف يمين شمال منزلوش جنيه وكان في واحد تاني حاجز هاي لاين عشان كدة كانوا بيتنكوا عليه قولت مابدهاش بقى انا بعت عربيتي ومتقل على والدي في عربيته وتوكلت على الله واستلمتها في خلال يومين .بس للأمانه هما ناس محترمين جدا وانا مسامح في الاوفر ده وعلى فكرة كل اللي حجز بعد كدة استلام من 4 الى 6 شهور وشفت الرسالة المبعوتة من كيا لكل الموزعين المعتمدين .

وفي الأول والأخر هونصيب وتساهيل ربنا .

**scobedo** · 29-11-2011 12:41 AM

ربنا يبارك فيكوا.

العفشة بتاعتها احسن بكتير من القشقاي وعن تجربة متحسش انها عربية كروس اوفر والعربية دي واخده جوايز كتير عالمية وخاصة من المانيا وبالنسبة للتسارع مع بنزين 92 مقدرش اقول وحش بس انا مقرصتش اقوي عشان كنت معملتش الف كيلو وفولت من يومين كده 95 والمؤشرات كلها بتقول اداء احسن ( بس مش فرق جامد ) واستهلاك اقل وده الأهم ولما تخلص التفويلة هقولكوا عملت كام كيلو بالضبط .

بالنسبة للمراية اللي في وسط الصالون هي تعتيم ذاتي وبتشتغل شاشة للكاميرا الخلفية عندالرجوع للخلف وعلى فكرة مهمة جدا لأن العربية عالية والرؤية الخلفية صعبة خاصة لو حاجة تحت العربية .

**scobedo** · 29-11-2011 12:54 AM

المشاركة الأصلية كتبت بواسطة ahmed_911_98

باردو الفرامل مش عجباني جربت فرامل الميجان؟ بس يديك خيرها و يكفيك شرها و 10000 مبروك

انت بقى يا باشا ليك سلام وتحية خصوصي عشان تقريرك الممتاز عن العربية وربنا يباركلك لأن ناس كتير استفادت منه وانا من الناس دي . وربنا يباركلك في عربيتك ويرزقك خيرها ويكفيك شرها .

نيجي بقى للفرامل انت بتقارن عربية سيدان بعربية كروس اوفر العربية السيدان سهل السيطرة عليها وخاصة مع التكنولوجي الأوروبي وخاصة الفرنساوي .

السبورتاج دي عربية مش بتاعت جري وشد وحركات علاوة على ان وزنها كبير يعني مع السرعات العالية بتبقي ذي القنبلة في تسارعها ويصعب السيطرة عليها وده ميمنعش انها عربية جراية وبتاعت تسارع بس حرام تهلكها دي عربية عالية وشياكة .

انا كان معاية اسبرانزا 113 وكانت فراملها ممتازة جدا ( كانت تقفيل الصين واول دفعة جت مصر ) بس ينفع اقول انها احسن من فرامل السبورتاج دي حاجة ودي حاجة وبعدين مع التعود هتعرف تظبط الفرامل وخاصة بعد 10000 كم بتكون العربية وصلت لأعلى معدلات التشغيل اللى هي متصممة عليها .

وبعدين ريح نفسك وسيب مسافة امان حتى في السرعات العالية عشان تلحق تلم نفسك في حالة الخطر لا قدر الله . ومع ذلك انا لسة مقتنع ان فراملها حلوة جدا وعن تجارب .

واسف على الأطالة وارجو تقبل وجهة نظري .

**scobedo** · 29-11-2011 12:58 AM

المشاركة الأصلية كتبت بواسطة abouleila

تمام كده هطلب من الادارة تنسيق الموضوع

متشكر جدا يا باشا على التوضيحات الخاصة برفع الصور .

واعتبر الموضوع بتاعكوا . تنسقوه ماشي تحزفوه ماشي تثبتوه ماشي برضوا .

واي سؤال او استفسار انا في خدمة المنتدي وخاصة اعضاء ومشرفي قسم كيا .

**occullt** · 29-11-2011 12:56 PM

بسم الله مشاء الله ...ربنا يباركلك فيها....ارجو فقط تنسيق الصور عشان مش كلها بتظهر...بيظهر حته منها بس او نصها...

**fgfg1975** · 30-11-2011 01:52 AM

1000 مبروك يا باشا
انا ناوى باذن الله على الفئه التانيه
ما هى نصيحتك هل خساره انى ماجبش هاى لاين

**ahmedhawas** · 30-11-2011 06:58 AM

بسم الله ما شاء الله .. بارك الله لك فيها.

لي زميل بالسعودية إشتراها من كام شهر ب 64 ألف ريال !!!!
لأ وإيه المكنة ال 2000 سي سي ، وبيحطلها بنزين 91 وأحيانا 95
قولتله لتر بنزين 91 بكام عندكوا ، قاللي بما يعادل 60 قرش !!!!

مش عارف ليه دايما مكتوب علينا نشتري الحاجة بأضعاف أضعاف تمنها .. منه لله اللي كان السبب!!

**scobedo** · 30-11-2011 09:03 AM

المشاركة الأصلية كتبت بواسطة fgfg1975

1000 مبروك يا باشا
انا ناوى باذن الله على الفئه التانيه
ما هى نصيحتك هل خساره انى ماجبش هاى لاين

الله يبارك فيك .
نصيحة لوجه الله لو هتقدر تيجى على نفسك في الفلوس وتكمل الفرق هات الهاي لاين لأن الفرق يستاهل
اول حاجة واهم حاجة برنامج الثبات الإلكتروني والمساعدة في المنحدرات يساوي اكتر من 10 الاف جنيه
فرش جلد محترم ( فخامة وراحة )
كرسي السائق كهرباء وفية مساعدة لأسفل الظهر
اضاءة نهارية ليدات ( برستيج عالي اوي ) مش موجود الا في الألماني
عدادات رياضية بإضاءة قوية مختلفة عن الفئات الأخرى وكمبيوتر رحلات دائري كبير مش مستطيل صغير بيبان فيها السنسور بارك مش صوت وبس .
مرايات ذاتية التعتيم ( يعنى توماتيكي توماتيكي )
كاميرا خلفية شاشتها في المراية تشتغل اوتوماتك مع الرجوع للخلف ودي مهمة جدا نظرا لعلو العربية
بلوتووث للتليفون ( ودي بئى ناس كتير تقولك ملوش لازمة ) وجهات نظر .
فتحة سقف امامية مائلة ومتحركة وسقف زجاجي خلفي برؤية بانورامية ( وده برضوا ناس تقولك بلدنا ماينفعهاش فتحة السقف اصل الكاوتش بتاعها ممكن يسرب وكلام كدة وخلاص ) وجهات نظر برضوا .

وفي الأول والأخر هو اختيارك بس عشان متحسش ان ناقصك حاجة في العربية وترجع تقول ياريتني توكل على الله وهات الهاي لاين .

واسف للإطالة .

**scobedo** · 30-11-2011 10:11 AM

المشاركة الأصلية كتبت بواسطة ahmedhawas

بسم الله ما شاء الله .. بارك الله لك فيها.

لي زميل بالسعودية إشتراها من كام شهر ب 64 ألف ريال !!!!
لأ وإيه المكنة ال 2000 سي سي ، وبيحطلها بنزين 91 وأحيانا 95
قولتله لتر بنزين 91 بكام عندكوا ، قاللي بما يعادل 60 قرش !!!!

مش عارف ليه دايما مكتوب علينا نشتري الحاجة بأضعاف أضعاف تمنها .. منه لله اللي كان السبب!!

متشكر جدا لحضرتك
فعلا ده ثمن في السعودية بس هو ده حالنا وزي ماقلت منه لله اللى كان السبب وربنا يقوينا ويصبرنا .

**fgfg1975** · 30-11-2011 12:19 PM

المشاركة الأصلية كتبت بواسطة scobedo

الله يبارك فيك .
نصيحة لوجه الله لو هتقدر تيجى على نفسك في الفلوس وتكمل الفرق هات الهاي لاين لأن الفرق يستاهل
اول حاجة واهم حاجة برنامج الثبات الإلكتروني والمساعدة في المنحدرات يساوي اكتر من 10 الاف جنيه
فرش جلد محترم ( فخامة وراحة )
كرسي السائق كهرباء وفية مساعدة لأسفل الظهر
اضاءة نهارية ليدات ( برستيج عالي اوي ) مش موجود الا في الألماني
عدادات رياضية بإضاءة قوية مختلفة عن الفئات الأخرى وكمبيوتر رحلات دائري كبير مش مستطيل صغير بيبان فيها السنسور بارك مش صوت وبس .
مرايات ذاتية التعتيم ( يعنى توماتيكي توماتيكي )
كاميرا خلفية شاشتها في المراية تشتغل اوتوماتك مع الرجوع للخلف ودي مهمة جدا نظرا لعلو العربية
بلوتووث للتليفون ( ودي بئى ناس كتير تقولك ملوش لازمة ) وجهات نظر .
فتحة سقف امامية مائلة ومتحركة وسقف زجاجي خلفي برؤية بانورامية ( وده برضوا ناس تقولك بلدنا ماينفعهاش فتحة السقف اصل الكاوتش بتاعها ممكن يسرب وكلام كدة وخلاص ) وجهات نظر برضوا .

وفي الأول والأخر هو اختيارك بس عشان متحسش ان ناقصك حاجة في العربية وترجع تقول ياريتني توكل على الله وهات الهاي لاين .

واسف للإطالة .

اطالة ايه يا باشا ده انت كتر خيرك
نقايس و نتكل على الله فى الهاى لاين
هى فعلا فروق تستاهل
واشكر حضرتك جدا و ربنا يبارك لك فيها