الموضوع: مشكله غريبه فى الابيزا بتاعتى

المشاركة الأصلية كتبت بواسطة SYD

اولا انت كل المشاكل الي انت بتتكلم عنها دي مشكلة كهرباء وفيش لا اكثر

وفعلا الشكل الأسطواني الي فيه زي بوابة هي دي فعلا البوابة

والفيشة الي جمبها دي فيشة البوابة معرفش بها الحساس اسمه ايه

واوعي تنظف البوابة بwd40

ليها المنظفات بتوعها

راجع علي الفيش بتاعتك ولو انت واخد الضفيرة مع الموتور روح لأحمد فتحي تاني وخليه يراجع علي شغله

والله المستعان
،
،

المشاركة الأصلية كتبت بواسطة SYD

بص ياباشا
الفيشة الي جمب البوابة فعلا فيشة الTPS

ودي صورتها من الكتالوج




ودة لينك بيوضح الحساس دة بيعمل ايه

Throttle position sensor - Wikipedia, the free encyclopedia

والله المستعان
،
،

المشاركة الأصلية كتبت بواسطة SYD

بص يا ابو حميد انا لما كانت الضفيرة عندي متبهدلة كانت العربية مهيسة اخر تهييس
كان الكيلو متر مش شغال
كان مؤشر كمية البنزين في التانك مهيس
كانت بتتخنق لوحدها لما اجي ادوس بنزين
كان الأر بي ام عمال يطلع وينزل طول ما العربية باردة واول لما تسخن يهدي شوية بس بردو كان طالع نازل بس مش بسرعة زي ماوهي باردة
كان الموتور فيه رجة
كانت المروحة شغالة علي السرعة القصوي (المروحة عندنا شغالة علي سرعتين بناء علي اشارة حساس الحرارة)
واخيرا قطعت مني الرشاشات (قطعت الرشاش الأول والثالث)

ضيف علي كدة عندي حساس الحرارة مهييس بيسموه حساس المياة
ودي صورته


راجع علي الضفيرة عندك وعلي فلتر البنزين وفلتر الهواء والرشاشات

والله المستعان
،
،

باشا متشكر جدا اولا على الارد السريع تانى حاجه على الرد الوافى انت كده نورتنى
يبقى فعلا ده التى بى اس بس انا محاولتش انضفه اصلا وكمان انا بستخدم ال wd40 فى المفصلات بس والاجزاء غير الميكانيكيه او الكهربائيه وساعات بستخدم الفيديو كلينر بس بسال الاول فمتقلقشى انا مرشتشى حاجه عليها خالص اللى مستغربله انى لمست الفيشه فقط لا غير مش معقول يكون هو ده السبب ولو هو يبقى الموضوع كان متلصم واجلا او عاجلا كان هيحصل بحكم شغلى فى النتورك بقابل راكات جواها سويتشات كتير لما بحاول امد ايدى ابص على حاجه الاقى الاى تى يقولى بلاش عشان الناس شغاله وممكن حاجه تفصل فبرد عليه واقوله معلش بس ده مش بروفيشنال معنى كده ان فى حاجه متلصمه وطبعا بعد مبخلص شغل بمد ايدى جوه الراك وممكن العب فيه طاوله كمان وهو ده المفروض والصح
العربيه من ساعتها وانا راكنها تحت البيت يا دوب فولتها 92 وقضيتها على رجلى وحاسس انى لو دورتها بعد كام يوم هتتظبط بس برضه ده مش صح وابقى بعد كده خايف المسها
ان شاء الله انا مش هروح لاحمد غير بعد المقابله عشان برضه ممكن يكون فى حاجه انا مش واخد بالى منها وحد من الاعضاء يشوفها يقولى عليها وبصراحه انا بقيت زبون تقيل على احمد متنساش ان الفلوس كلها اتدفعت
انا عايز اروح لحد من معارفك يظبط الكلام كله الحرق والذى منه لانى فعلا مش عايز من احمد غير ورق المكنه ومش هيعرفنى تانى
حاجه تانيه كنت عايز اسالك عليها
انا وانا بسقط المكنه شفت عربيه زيتى راكبلها من كل فيلم اغنيه اكصدام لبنى ورفرف ازرق وكان باين انها واخده الخبطه من قدام قعدت اتفرج عليها وكان راكب فيها المكنه ال1.4 اخت اللى معايا وقاللى ساعتها انت هيركب عندك اخت دى السؤال بقى هى دى كانت عربيتك

المشاركة الأصلية كتبت بواسطة ehab_mansour

السلام عليكم

طبعا كل اللي قلتوه كلام زي الفل و الله ينور عليك باشمهندس محمد سيد ولكن هختلف معاكم في حاجه وهي
البوابة اللي بتتكلمو عليها دي محتاجه تتنظف تماما بمنظف كربيراتير او ب wd40 و انا من خلال تنظيفي للبوابات دي لأكثر من خمس مرات في الابيزا و الكوردوبا فهي تعتبر صيانة دورية لابد من علمها كل فترة و بعدين حضرتك لما تنظفها هتقوم بفصل البطارية خلال وقت التنظيف و بعدين ركبها تاني و وصل فيشتها و لو فيها اي مسارات للفاكيوم وراكبلها اي خراطيم رجعها كلها كما كانت ولو فيها فتحات ومش راكب عليها خراطيم اقفلها تماما و تأكد من وصلة الفاكيوم اللي واصلة لسيرفو الفرامل انها مغلقة تماما ولا يوجد بها اي تنفيس

بعد كل ده وصل البطارية و دور عربيتك بشكل طبيعي ولكن عايزك دايما مع كل تدويره للعربية في اي وقت و اي يوم انك تفتح كونتاك لمده 5 ثواني و بعدين تدور العربية حتي تنتهي فترة check engin و تدور دون مشاكل

هيقابلك شوية تغيرات بعد تنظيف البوابة و هي ارتفاع طفيف في عدد لفات الموتور علي السلانسيه دائما و لفترة حوالي اسبوع او اكثر و بعدين هترجع تتظبط تاني لوحدها دون اي مشاكل و لكنك هتجد السيارة مضبوطة تماما دون ادن مشكلة

موضوع الضفيرة و الفيشة و هل بتعلق ولا لأ .... لابد انك تتأكد اولا من ضفيرة عربيتك بالكامل لا توجد بها اي مشاكل لأن تأكد ان لو فيها تعليق او حاجه بتلمس او لما بتحط ايدك علي فيشة بتهيس او .أو.... اعرف ان عربيتك هتقرفك لأن أنظمة الكهرباء و الكنترول مبتفهمش غير الصح ولو حساس او فيشة بتديها اشارات غلط فتأكد انك هتلاقيها بتسمعك أحلي تهييس و أخطاء و مشاكل و قصص غريبة لا تستطيع تخيلها او حلها زي ما قال صديقنا مهندس محمد سيد و زي ما حصل في عربيته
و في النهاية ربنا يوفقك و تتحل مشكلتك علي خير باذن الله

كلام جميل كلام معقول
انا عملت الموضوع ده مره واحده فى الموتور الكربراتير وكان الميكانيكى هو اللى شغال وانا بتفرج عليه بس هو نضف الكربراتير والعربيه شغاله فضى تقريبا العلبه كلها وكان بسبب ان العربيه فى المطالع سحبها كان بيقل قوى كانى طالع جبل المهم العربيه محصلشى فيها تغيير والعيب كان ظبطه كهربا وظبط الهوا كمان
تانى حاجه انا كنت عايز اسال ان العيب اللى بيحصل معايا وهى انا العربيه مش مظبوطه او بتنهنه هل ده ممكن يكون من البوابه ولا اصرف نظر عن تنضيفها دلوقتى واخليها اخر الاحتمالات
تالت حاجه الضفيره عندى متقفله كويس ومفيش فيش بتتهز غير فيشه المارش بلاقيها واقعه من مكانها لما بمشى فى طريق مكسر حبتين الفيشه بتاعه التى بى اس مش لما بحط ايدى عليها العربيه بتبطل لا ده انا حطيت ايدى مره واحده العربيه بطلت رحت خلعتها وركبتها تانى وقفلت العمه فضلت على نفس الحال تبطل بدون سبب وبدون سابق انذار بمزاجها يعنى
رابع حاجه انا من ساعة الموضوع ده ما حصل وانا سايب العربيه ومش بهوب نحيتها خايف اقرب منى تدينى بالكوع ولا حاجه من الاخر حاسس بالذنب
خامس حاجه اشكرك على المعلومات المهمه دى واعتبر اى معلومه مهما كانت صغيره بالنسبالك مهمه وكبيره بالنسبالى لان دى يعتبر اول عربيه ليه - نوعا ما-
اسف على الاطاله

المشاركة الأصلية كتبت بواسطة ehab_mansour

انت تأمر يا أفندم وربنا يسهل و أقدر اجي المقابلة و نتعرف علي بعض أكتر و الله المستعان
علي فكرة انا كنت زيك و لو رجعت لمواضيعي هنا من 2008 هتعرف ... و بفضل الله أولا ثم نايل موتورز ثم تفكيري و قرائتي و شغلي اللي بيقارب تقريبا الصيانة في السيارات بقيت أفهم قليلا و اعتمد علي نفسي في صيانة سيارتي بفضل الله

والله انا مش عارف اقولك ايه بس انت نورتنى فعلا وان شاء الله اول حاجه اعملها اول ما اروح البيت افصل البطاريه واجرب وان شاء الله لو اتظبطت ابقى اجيب منظف الكربراتير واديها بقى
السؤال بقى انا مش عارف طريقه التنضيف لان الكربراتير منت بدور العربيه وافضل ازود بنزين زابخ الاقى زباله طالعه من الشكمان والعربيه بتبقى هتبطل لكن هنا النضافه هتكون ازاى والعربيه مبطله والبطاريه متشال الكابل بتاعها يعنى انضف بقماشه ولا ارش واسيب الرذاذ ينزل جو البوابه عادى ولما ادور هى هتحرق الكلام ده مع البنزين ولا ايه بالظبط