تقرير اصلاح الفرامل وبوش الفتيس

**AhMeD MeTwAlY** · 12-03-2012 10:59 PM

مشكلتي ان العربيه بتضرب 3 فرد والرابعه التيل متاكل عشان كدا مش بتضرب
روحت النهارده للعفشجي الاسطي رمضان اديني في الزيز وفرقته خالد التت وعادل حزلقوم(محدش بيقولهم كدا غيري) وطبعا صاحب الورشه الكبير عم سيد فككها
قولتله عايز اعمل الفرامل ورا مش بتضرب في ناحيه والناحيه التانيه بتضرب قالي نملي التليين ونخلص الكلام قولتله لا نشتريهم احسن قالي خلاص اديني في الزيز ههههههههههه
روحت لبتاع قطع غيار سكودا الوحيد والمنفرد عندنا في المدينه لقيته قافل قولتله الوعمل يا عم الزيز قالي املاهم قولتله خلاص بعتنا حزلقوم ومعاه 60 جنيه املي يا معلم راح ملاهم تيلات امريكي مركه معفنه كدا
وجه ركب يا لزيز قالي عيزين بنزين ننضف الطنابير قولتله العربيه مش هتعرف تسحب منها نقطة بنزين التنك في نص العربيه
قالي والحل قولتله بسيطه روحت مع عندي البيت شلت غطا التنك بتاع العربيه التانيه وجبنا 2 لتر بنزين وظبط هو نضف وفضل يدعك في الطنابير لحد لما بقت زي المرايا وشال الدهان الاسود الي بيكون عليها
ركب يا رجاله قالي في جلد بايظه في الطنابير قولتله والراجل قافل اتصرف قالي خلاص هنحط ليها خيط لحد بكرا وانت تجيب اتنين معاك بكرا عمل الاختراع الي في الزيز بتاعه
وركب بس شال الرجلاش بتاع فرامل اليد قالي هتلقيها واطية معاك سبها وبكرا تعالي نظبطها عقبال لما التيل يطبع بس
طلعت بالعربيه عملت عليها اختبار الذكاء قصدي اختبار الفرامل مشيت الاول 60 ودوشت فرامل جميل
مشيت 100 ودوست فرامل جميل
ومشيت 120 ودوست فرامل رائع بس محولتش اجرب بعد كدا
رجعت تاني قولتله الفتيس فيه بوش وكلينتون واوباما جي كمان شوية قالي عندي دي نزل تحت العربيه فك مسمار بتاع عصاية الفتيس وقالي المسمار سنه متاكل قولتله غيره جاب واحد تاني وربطه بصمولتين وبيقولي مات الكلام قولتله الله يرحمه
ربط يا ابني علي العفشه نزل السيد الفاضل متشكر علي مجهوده التت ومساعده حلزقوم تحت العربيه وهات يا تربيط
اؤمر يا كبير قالي الامر لله وشوية الكلام الي انتو عرفينه بس فعلا لو انا مشيت مش حسبت حد فيهم محدش متكلم عشرة اكتر من 15 سنه
قالي 30 جنيه قولتله اتفضل يا كبير و اديته 10 جنيه تحية للرجاله علي مجهودهم الرائع
بس الفتيس بسم الله ما شاء الله واقف مكانه 2 سم يمين و 2 سم شمال ومفيش حركه ابعد من كدا
وسلام عليكم

**ayman20100** · 13-03-2012 04:09 PM

مبروك ياباشا تظبيط الفرامل عقبال ما تركبلها abs وربنا يستر طريقك

**AhMeD MeTwAlY** · 13-03-2012 05:35 PM

المشاركة الأصلية كتبت بواسطة ayman20100

مبروك ياباشا تظبيط الفرامل عقبال ما تركبلها abs وربنا يستر طريقك

بجد نفسي وهموت اركبه بس الي خنقني ان التوب سبيد بتاعت العربيه 160 حاجه تشل بجد

**sakr_skoda** · 13-03-2012 06:16 PM

عاوزين نعرف اخبار اختبار الحمى اللى بتصيب العربيات فى الصيف....

**sakr_skoda** · 13-03-2012 08:17 PM

بالتوفيق ان شاالله يادكتور ربنا يكلل مجهودك بنجاح وتفوق فى الدنيا والأخرة....* وتشوف لينا حل فى الحمى بتاعة الاسكودا ان شالله يكون لبوس نحطة فى الشكمان ينزل الحرارة....*