استلمت القشقاي المانيوال

**ahmd_saleh14** · 16-04-2012 04:42 AM

تم بحمد الله استلام القشقاي المانيوال وسوقتها من مدينة نصر للهرم

* حاجة جميلة وعربية رائعة
* وكنت خايف من السحب وبرغم اني واخد اكتوبر بس لاحظت انها بتجيب على التالت 100 كم/الساعة بسهولة
* والعفشة جميلة
* والعربية فخمة من جوة والبانوراما رائعه والصالون واسع
* والـ stability ممتازة
* وعزلها مميز

وبالرغم اني اتنازلت عن الاوتوماتيك عشان الميزانية بس انا مبسوط وحاسس بفرق في حاجات كتير

الحمد لله وباشكر البشمهندس حسين والبشمهندس اسامة على النصيحة ودعواتكم ودلوقت مستني الترخيص والتأمين عشان انطلق

بس عاوز اسآل اية الاكسسوارات اللي ممكن اركبها فيها واسعارها
انا بافكر في سنسور ركن وكاسيت بلوتوث وgps وكمان الروف راكس و الدعامات الامامية والخلفية والعتب الجانبي وطبعا الفامية وربنا يسهل في التراخيص

وكمان انا مع الصني كنت باروح مودرن موتورز بس عاوز اعرف استمر هناك ولا شايفين في مراكز صيانة افضل

وإن شاء الله لكم تقرير مفصل مع الاستخدام المركز

---------
تم التنسيق الموضوع بناء على طلب من منسق القسم

م1ب

**ahmedhawas** · 16-04-2012 05:13 AM

بسم الله ماشاء الله لا قوة إلا بالله.
ألف ألف مبروك .. وربنا يعطيك خيرها دايماً
ويبارك فيك وفيها إن شاء الله.

**Land_Cruiser** · 16-04-2012 05:48 AM

الف مبروك و اختيار موفق ان شاء الله و ربنا يباركلك فيها

**Manchestrawy** · 16-04-2012 07:17 AM

ماشاء الله .. الله يباركلك فيها انا بعشق المانيوال بس بصراحه في مصر الاوتوماتيك يكسب
الله يباركلك فيها مش قصدي حاجه .. المانيوال مهماً كان يبقى افضل ومشاكله اقل

جرب اوتو ايجبت بيشكرو فيه .. وانا اتعاملت معاهم حاجه في قمه الروعه
متنسآش قبل كل الاكسسوارات دي تروح تفرش عشان تحافظ على فرشها

**S O P H O S** · 16-04-2012 07:29 AM

الف مبروك يا باشا

**ahmd_saleh14** · 16-04-2012 08:40 AM

المشاركة الأصلية كتبت بواسطة ahmedhawas

بسم الله ماشاء الله لا قوة إلا بالله.
ألف ألف مبروك .. وربنا يعطيك خيرها دايماً
ويبارك فيك وفيها إن شاء الله.

المشاركة الأصلية كتبت بواسطة land_cruiser

الف مبروك و اختيار موفق ان شاء الله و ربنا يباركلك فيها

المشاركة الأصلية كتبت بواسطة ahmed1006

الف مبروك يا باشا

الله يبارك فيكم ويكرمكم وشكرا على الاهتمام والرد

المشاركة الأصلية كتبت بواسطة manchestrawy

ماشاء الله .. الله يباركلك فيها انا بعشق المانيوال بس بصراحه في مصر الاوتوماتيك يكسب

الله يباركلك فيها مش قصدي حاجه .. المانيوال مهماً كان يبقى افضل ومشاكله اقل

جرب اوتو ايجبت بيشكرو فيه .. وانا اتعاملت معاهم حاجه في قمه الروعه

متنسآش قبل كل الاكسسوارات دي تروح تفرش عشان تحافظ على فرشها

شكرا يا باشا وربنا يبارك فيك ويكرمك
بالنسبة لموضوع فتيس المانيوال فهو فعلا مميز في القشقاي وبعدين انا كان قدامي اركب سيدان ايا كان اوتوماتيك فلوينس(عارفين مشاكل الرينو) او كورولا (شكلها خنيق)او فوكس (واطية وضيقة) او بيجو408 (تجميع صيني عامل سمعه وحشة) او النترا (لمت) او اني اركب عربية باستايل القشقاي وفضلت العربية العالية القوية بالاستايل اللي نفسي فية بس المانيوال
وعلى فكرة سواقين السبع والمصرية اللي بينقلوها من فرع لفرع قالولي المانيوال افضل طبعا قصدهم السحب والعزم
بالنسبة للفرش في اي نصائح؟

**ahmd_saleh14** · 16-04-2012 08:42 AM

المشاركة الأصلية كتبت بواسطة ahmed1006

الف مبروك يا باشا

ربنا يبارك فيك يا نجم

**SonaSteel** · 16-04-2012 08:51 AM

ماشاء الله تبارك الله
الف الف الف مبارك يادكتور علي القشقاي ... ربنا يرزقك خيرها ويكفيك شرها يارب ويبعد عنك عيون الحاسدين
والحمد لله انك اتبسطت منها ومن سحيها
ربح البيع والله ..... ان شاء الله ترخص علي خير ونتعرف علي حضدتك في مقابله المنتدي لو تقدر والمقابلات البي جايه
بالنسبه للاكسسوارتها ... ممكن تسأل في اوتو ايجيبت ابو رواش الاول
لانهم بيعملوا الفئة البلس منها ... فأكيد بالنسبه ليهم اسهل انهم يوفرولك حاجتها ... وشوف مودرن برده
الفرش ... طبعا عليك وعلي جينز كار الحاج احمد مشعل
تعمل العربية والارضيه علشان تحافظ عليها ... والله المستعان
وربنا يسعدك بيها .. وجژاك الله خيرا علي الخبر الجميل ده علي الصبح :)))
بشرك الله بالجنة ... امين يارب العالمين
اقعد بالعافية