استلمت القشقاي المانيوال

**teefa_10** · 21-04-2012 03:32 PM

ألف مبروك و ربنا يديك خيرها و يكفيك شرها - انشاء الله احاول احصلك بس لسه بدور علي باقي الفلوس - أنت جبتها منين و بكام و أمنت فين و تكلفة التراخيص كام
السؤال الأهم ايه أخبار الفتيس و الدبرياج خفاف و أولاد حلال لأني معيش فلوس أجيب الأوتوماتيك - ايه اخبار العفشه مع الجنوط ال17؟؟؟

**AbuHusam** · 21-04-2012 04:05 PM

مبروووووووووك
لا تنس الذبح بنية الحفاظ عليها وأن يرزقك الله خيرها ويكفيك شرها

**Ahmed.TV** · 21-04-2012 04:38 PM

الف مليون مبروك .. وربنا يعطيك خيرها ويكفيك شرالطريق

طالما كنت بتتعامل مع مودرن فى الصيانات قبل كدا .. وكنت مرتاح معاهم .. كمل صياناتك معاهم ..

وبخصوص الاكسسورات اللى حضرتك بتقول عليها .. خد العملية واحدة واحدة .. لا ن الاكسسورات اللى حضرتك عاوز تركبها غالية .. فشوف اللى محتاجه الاول وركبه وكل فترة اعمل حاجة عشان ما تزنقش نفسك

ابتدى الاول بالكفرات الاشارات لانها بتعطى شكل شيك للعربية
بعدها الروف الروف راك .. والديفيندرات والديفيدى وهكذا
ومودرن عندهم اكسسورات كويسة

بس زى ما قولتلك كل ده مكلف .. على سبيل الميثال .. على ما اتذكر الكاسيت بيوصل تمنه الى 6600 بالضريبة
الروف حتلاقيه غالى .. اذا نزله منه
كفر الاشارات ممكن يكون فى حدود 1000 جنيه او اكثر

ولما تعوز تركب حاجة قولى .. وابعتلى على الخاص وانا احاول اجبلك خصم من مودرن باذن الله

تحياتى

**ahmd_saleh14** · 02-05-2012 07:55 AM

الف شكر ياباشا وربنا يبارك فيك

**eslam_hashad** · 03-05-2012 10:13 PM

ربنا يباركلك فيها يا باشا و يكفيك شرها احب اقولك حاجه بالنسبه للتوكيل انا بردو معايا قشقاى مانيوال فى صيانه الالف روحت مودرن و فى صيانه ال 5000 روحت اوتو ايجيبت و بكل صراحه فرق شاسع بين الاتنين اوتوايجيبت الافضل بكتير جدا جدا اولا العمليه هناك منظمه جدا و الاهتمام بالعميل ممتاز و مكان الاستراحه ممتاز بتبقى قاعد و شايف عربيتك و الاهتمام بالعربيه و الصيانه بتاعتها افضل من مودرن موتورز بكتير الحاجه الوحيده اللى شوفت مودرن متميزه فيها هى الاكسسوار عندهم حاجات اكتر من اوتو ايجيبت اما بالنسبه للفاميه انا ركبته و ربنا يستر و معتقدش ان حد ممكن يوقفك عشان فاميه لان العربيه شكلها لازم يكون عليه فاميه و الاوتوماتك نازله اصلا بفاميه بس رجاء خاص لو عرفت حاجه عن موضوع ال gps او الدفيندرات او الراك بتاع السقف من حيث الاسعار و كده يعنى ابقى دل اخوك عشان عاوز اركب انا كمان و ربنا يباركلك يا زعيم

**Screenplays** · 04-05-2012 02:09 AM

1000 مبروك يا باشا

**ahmd_saleh14** · 06-05-2012 05:42 AM

المشاركة الأصلية كتبت بواسطة eslam_hashad

ربنا يباركلك فيها يا باشا و يكفيك شرها احب اقولك حاجه بالنسبه للتوكيل انا بردو معايا قشقاى مانيوال فى صيانه الالف روحت مودرن و فى صيانه ال 5000 روحت اوتو ايجيبت و بكل صراحه فرق شاسع بين الاتنين اوتوايجيبت الافضل بكتير جدا جدا اولا العمليه هناك منظمه جدا و الاهتمام بالعميل ممتاز و مكان الاستراحه ممتاز بتبقى قاعد و شايف عربيتك و الاهتمام بالعربيه و الصيانه بتاعتها افضل من مودرن موتورز بكتير الحاجه الوحيده اللى شوفت مودرن متميزه فيها هى الاكسسوار عندهم حاجات اكتر من اوتو ايجيبت اما بالنسبه للفاميه انا ركبته و ربنا يستر و معتقدش ان حد ممكن يوقفك عشان فاميه لان العربيه شكلها لازم يكون عليه فاميه و الاوتوماتك نازله اصلا بفاميه بس رجاء خاص لو عرفت حاجه عن موضوع ال gps او الدفيندرات او الراك بتاع السقف من حيث الاسعار و كده يعنى ابقى دل اخوك عشان عاوز اركب انا كمان و ربنا يباركلك يا زعيم

شكرا يا باشا على الاهتمام وانا فعلا عملت صيانة ال 1000 في اوتو وفعلا واضح النظام والشياكة
ولسة بشوف موضوع ال gps والدفندرات والروف راكز والدعامات الجانبية وعاوز اسألك عملت فرش ولا لأ

المشاركة الأصلية كتبت بواسطة Screenplays

1000 مبروك يا باشا

ربنا يبارك فيك

**eslam_hashad** · 06-05-2012 09:44 PM

انا عملت الفرش اول ما استلمت العربيه عملت للكراسى و للارضيه عشان احمى الفرش الاصلى عملتهم عند واحد فى امبابه تمن الفرش 300 جنيه هو جلد متين و تقيل و فى كذا واحد من صحابى مركبينه و بيشكرو فى نوعه لو عاوز انا ممكن اوصفلك المحل