النترا 2010 واخيرا

**Medicalist** · 04-07-2012 02:54 PM

بسم الله
امبارح يارجاله فضيت نفسى ونزلت قلت اروح اظبط العربيه بقى مخلص امتحانات وفضيت خلاص
رحت لواحد بتاع عفشه معرفه بس جامد ومحترم جدااا
طلع بالعربيه قالى انت ماشى بالعربيه كده ازاى وقلتله على كل الاصوات الى فيها
المهم الراجل فك العجل الادمانى ومسك المنطقه الى ورا حته حته
صنفر الطنابير على ايده و رجعها جديده سنفر التيل ونضفه
طلع بتاعه كده اسمها بيضه ليها راس من فوق وتحت كان فيه جلده فيهم مقطوعه غيرها و حرق على البتاعه الى فوق وتحت
ربط المقصات وظبطهم
المفاجاه انه اولاد التيت فى مركز الدلتا بتوع المنصوره كنت عندهم من اسبوعين عملت كشف عفشه بس اولادا لتيت فكولى مسامير هووها عشان العفشه تدبدب واروحلهم اعمل صيانه كامله حسبى الله ونعم الوكيل فيهم شويه حراميه
نفس الكلام فى الناحيه اليمين
طبعا كان فيه صوت الى بييجى يمين وشمال مع لف الدركسيون على الاخر قالى انه ده حاجه فى قاعده المكنه جايه فى نهاية الدركسيون ومش عارف كرسى ايه الى مش مظبوط ما فهمتش منه الصراحه وعدله وظبطها والصوت راح خالص مش كبالن زى ما الناس كانت بتفتى
نفس الكلام فى الناحيه التانيه
زيت العفشه و المسامير كلها وبعدين لف كيس على الطنابير والتيل و غسل المنطقه الى تحت دى كلها بالزيت وخلاها ترجع جديده لانج
جينا ورا كان فيه دبديه وهبد فى المطبات و على الطريق طلع فيه حاجه اسمها جلب المقصات الاتنين متقطعين غيرهملى الاتنين من عنده وظبط العمل ورا برضه وربطلى العفشه كلها
كان عايز 300 جنيه بعد الواجب و المعرفه وبتاع عشان الجلبتين الاتنين بيقولى الواحد ب 100
المهم اديته 250 وكان مبسوط
الحمد لله العربيه مسكت نفسها ماشاء الله والعفشه رجعت زى الاول
ومن غير ما اغير اى حاجه
الصنايعى ده من النوع الى مش بيحب يغير حاجه و لو حاجه بايظه بيستعدلها
رجعت احب العربيه تانى بجد و وانا راجع الثبات و العومان الى كنت حاسه راح
الحمد لله دى تجربتى عن الاصوات الغريبه فى العفشه و الحمد لله كلها اتحلت
احنا محتاجين ناس عندها ضمير مش ناس تطلع تفتى وتقولك غير دى وغير دى وخلاص

**Medicalist** · 04-07-2012 02:58 PM

فاكرين صوت ال سس الى كنت قايل عليه طلع من الجلده الى كانت مقطوعه
هو عمود صغير كده بيمسك فى المساعد من فوق ببيضه
ومن تحت فى حاجه ببييضه
االبيضه ال فوق كانت جلدتها مقطوعه فو انا بجرى بالعربيه بسمع ال سس نتيجه احتكاك الحديده بتاعه البيضه بالمساعد وهو طالع ونازل على الطريق احتكاك يعنى
هبد المطبات من ورا الى فى التوكيل قالولى مساعد ما هو الا جلب المقصات الخلفيه
للعلم بس