إيه اللى خلاك تجيب نيسان صنى الجديدة و متجيبش لاكسنت أر بى

**malta** · 10-07-2012 07:19 PM

من خلال المواضيع هنا فى القسم لاحظت ما شاء الله ان عدد كبير. حاجز النسيان صنى الجديدة و أنا شخصيا كنت محتار الحيرة دي بين العربيتين دول بس اللى حسم قرارى هو شعورا بالخنقة من الاكسنت و إحساسى ان السقف لازق فيه مع أنى أنا مش عاجبنى تابلوه الصنى خصوصا فى الفرش البيج لان لونه مش راكب مع الفرش و كمان شكل العربية من ورأ غريب فعلا و فى النهاية لقيت نفسى باختار بين عربية شكلها حلو من جوة و من برة و موتور أقوى بس علبة سردين ومن غير اى عوامل أمان يعنى فيرنا محدثة او الصنى فياريت كل واحد يقولنا النقطة اللى حسمت اختياره الصنى وشكرا

**sanhory** · 10-07-2012 07:27 PM

انا ممكن اكون بعيد شوية عن الموضوع لاني مش حشتري حاجة لكن انا لو مخيير بين الاتنين فالاجابة الصني وشششش
و ده للاتي
الصني فيها abs و ايرباج و واسعة جدا و سعرها ممتاز عالامكانيات دي

الاكسنت نفس السعر تقريبا و مفيهاش اي وسائل امان الا بقى لو حتزود و تجيب اعلى فئة بيكون فيها abs

**saint2011** · 10-07-2012 07:28 PM

حسمت القرار للصنى لأنى أريد سيارة عائلية بها عوامل أمان عالية موفرة للبنزين واسعة من الداخل وكيل قوى ومراكز خدمة متميزة قطع غيار متوفرة اسم له تاريخ وأعتمادية معروفة مدورتش على الشكل بقدر الأساسيات والسعر المعقول

**Dr_MaTrix** · 10-07-2012 07:36 PM

المشاركة الأصلية كتبت بواسطة saint2011

حسمت القرار للصنى لأنى أريد سيارة عائلية بها عوامل أمان عالية موفرة للبنزين واسعة من الداخل وكيل قوى ومراكز خدمة متميزة قطع غيار متوفرة اسم له تاريخ وأعتمادية معروفة مدورتش على الشكل بقدر الأساسيات والسعر المعقول

تمام كده

**a_bahaa14** · 10-07-2012 07:38 PM

وسائل الامان - الوسع الداخلى ( الصالون ) - استهلاك البنزين - تناسب السعر مع الامكانيات - الوكيل
مع قلة العيوب 1 شكل كلاسيكى
2 ماتور اضعف مش بتاع شد

**drmagieed** · 10-07-2012 08:17 PM

التوكيل محترم ويمكن أفضل توكيل في مصر

**limo81** · 10-07-2012 11:47 PM

المشاركة الأصلية كتبت بواسطة dodyam

بالنسبة ليا الأكسنت شكل شبابى أوفر شوية و كورى و مفيش عوامل أمان و أغلى لكن موتور أقوى
لكن الصنى حجزتها الحمد لله علشان علشان شكلها عصرى جميل معقول و الموتور أقل لكن مش فارق معايا لانى مش بتاع تسارع و شد أنا يمهنى ان الصنى عائلية واسعة بها عوامل أمان و عفشة ممتازة و موفرة فى الوقود و قطع غيار معمرة و توكيل اسمع انه ممتاز غير انها يابانى و سمعتها كويسة وسعرها أقل وده اللى حسم قرارى

نفس الرأى

**Ultramisho** · 10-07-2012 11:58 PM

معبش تسمحولي احاول اكون موضوعي في حكمي
لو هاقارن الصني كاملة بالاكسنت ار بي فاضية هيبقى صني علشان وسائل الامان اصبحت من الاساسيات طبعا بجانب تكييف النيسان المميز ووسع صالونها نسبيا
لكن لو مايفرقش معايا فرق الفلوس بين الصني والاكسنت ار بي جي ال اس هاختار الاكسنت لانها شكلها احلى وموتورها اقوى وصالونها افخم وكوري 100% وحتى سعر اعادة البيع افضل وده لوحده مؤشر
تقبلوا تحياتي