الموضوع: مش عارف الفليشيا عايزة عمرة ولا لا

المشاركة الأصلية كتبت بواسطة kamaro

السلام عليكم ورحمة الله وبركاته

الكربراتير متوسخ جامد والسخان حد بوظة والسلانسية ضعيف الا لما اسخن كويس وساعات ساعات يعنى ممكن كويس وممكن لا.
عادي جدا روح لواحد ميكانيكي يفك الكربرتير ويغسله بشوية بنزين وينضفه ويركبه ويظبط الهوي واديله 15 جنيه
اكتشفت كمان ان الزيت بيتحرق ولونه اسود وبشوف القياس قبل ما ادور الصبح وجدته ناقص النصف مع انها اول مرة تحصل لكن اعراض السلانسية وانها تبطل لو ما سخنتش كانت حتى قبل ان ينقص الزيت بحط موبيل تقريبا اللى فاكره اللى هو بستين جنيه وزودته بموبيل 3000 ونقص تانى للنصف بعد مشاور 200 كيلو تقريبا لكن ساعات فى دخنه بيضاء وساعات لا .
لو فعلا الزيت بيتحرق ومفيش اي مجال لتسريب الزيت يبق كدا عمرا بس يا ريت تتطمن ان مفيش تسريب
ثانيا حضرتك الفليشيا كتير عليها زيت 3000 كيلو ممكن تحط موبيل 1000 كيلو والعربيه هتعيش معاك تمام انا كنت بحط 1000 كيلو وكنت مبهدل العربيه جري كنت بنقل الاول علي 50 بس كانت الموتور بيعيش معايا لان بغير زيت 1000 كل 500-800 كيلو لما بتخنق منه لان اغلب الاوقات عربيتي مركونه انما لو كنت بمشي زي بنأدمين ربنا كنت هغيره علي 1000
مش عارف عايزة كاوتش صباب ولا شنابر وانا عرفت ان كدا كدا بغير الجوان بس عايز اعرف اعراض لزوم تغيير الشنابر واعراض لزوم تغيير كاوتش الصباب ولا الانين لازم يتغيروا وايه موضوع تغيير بساتم او تحركت من مكانها وايه اعراضه ده كمان والموضوع تكلفته اد ايه شكلى داخل على ليلة مع ان الموتور باعراضة دى كان سحبه كويس ومشيت اخر مشوار على سرعة 120 لكن الحرارة فى السرعات العالية وصلت معايا 110 لما هديت والجو حتى حر كانت بتنزل 90 اخرها
بص يا غالي العربيه تسخن علي السرعات العاليه دي طرمبة المايه ممكن تكون بايظه دا احتمال
موضوع العمره باذن الله يكون بسيط مش هيكلف 700جنيه باذن الله
حضرتك هتجديب طقم شمبر وجوانات في حدود 250-300 جنيه والفليشيا من الصعب انها تغير بستم
ولو حضرتك هتعمر يبق تغير كل شئ عايز يتغير لو سير الكتينه تعبان غيره عشان متجيش بعد شوية تقول عايز افك تاني
يعني ممكن تجيب طلبات في حدود 400 جنيه واجرة الميكانيكي انت وشطرتك انا كنت بظرفه 250-300 جنيه بدخانه وكان بيطلعلي عربيه زي الكتاب ما قال بس الكلام دا عندنا في الارياف
وعلي فكرا في نظريه بتقول كل ما الموتور يخف كل ما سحبه يزيد بس بيجي عن نقطه معينه ويبتدي السحب يقل

شكرا جزيلا على الردود هى فعلا زى الاخ benmatar قال ممكن تكون زبطة للمكنه وتنظيف واستفدت جدا من كلامك عن الزيوت فى مشاركة اخرى لانى وديتها لميكانيكى وقال فايظ الزيت لو زودت مش بيطلع بخار يبقى كدا تمام ولا بتحرق زيت ولاحاجه والله اعلم نقص الزيت الشديد من نوعية لزيت
انا جبت منظف كربراتير ونظفته وتمام وطلعت على طريق سريع وقرصت عليها لكن فى النهاية لو رفعت رجلى من على البنزين بتبطل كدا ايه بالزبط اللى اتسد مش عارف
كنت لما ادور الاول والعربية تسخن عادى مش بتبطل منى لكن الان مش عارف هل فى زيت جاء على البوجيهات او هبو الكربراتير وتنظيفه جاء على البوجيهات؟ اتخنقت بجد اللى حط ايده فى العربية خرب لى الدنيا بوظ السخان والسلانسية انا كمان بقيت بخترع فى مسمار البيك بتاع البنزين اللى ورا الكربراتير وشكلى عامل معدل كبير للبنزين والله اعلم لانى سامع صوت صفارة خفيفة لما بزود المسمار ده معلهش تعبتكم انا بفكر ازبط العربية وابيعها لانى اتخنقت