الموضوع: انا مش عارف التوكيل حرامى وبيشتغلنى ولا صح ارجو من الجميع الإفادة

السلام عليكم

انا اشتريت عربية سيراتو 2010 ماشية 12000 وفابريكة جوه وبرا

المهم رفعتها واتطمنت عليها وكانت تمام التمام

بعد فترة قلت اروح التوكيل اللى فى ابو رواش عشان اعملها الصيانة الذى منه

المهم كان الامر تمام التمام لغاية ما لقيتهم بيكلمونى وبيقولولى اطلع كلم البشمهندس فوق

المهم طلعت لقيته كاتبلى ليسته بالحاجات اللى بايظة فى العربية

المهم الحاجات دى تافهة مثلا زى المسّحات لازم تتغير وكده

الحاجة اللى بقى مش متوقعها لاقيته بيقولى (((( بلوك المحرك ))) مكسور وملحوم من تحت وعاوز يتغير

انا كنت هلطم بصراحة انا مكنتش فاهم يعنى ايه بلوك المحرك لكن لما عرفت كان هيغمى عليا المهم

قلتله خلاص هو بكام لاقيته بيقول 15180 خمسة عشر الف كنت هموت ساعتها

المهم قلتله متعملش حاجة فيها وخلاص انا هحاول ارجعها للراجل اللى انا جبتها منه

المهم و بعد ما رجعت البيت قلت انزل اشوف سمكرى على ميكانيكى يكشف ع العربية ويقولى

المهم رحت لأول واحد ورفع العربية وقعد يبص وفى الاخر قالى البلوك سليم

الحاجة الوحيد الملحومة عندك هى قاعدة الكمبروسور قالى هو التكلييف شغال معاك قلته اه واخر فل


قالى خلاص متقلقش من حاجة العربية زى ولو عاوز تبيعها انا شارى


المهم انا رحت لواحد تانى وتالت وقالوا نفس الكلام



السؤال هنا


انا مش عارف هل ممكن التوكيل يغلط
ولا ايه الرجاء الافادة من حضراتكم

المشاركة الأصلية كتبت بواسطة shams9999

طيب معلش المركز ده فين بالظبط

طريق القاهرة السويس تحت كوبرى الجيش يعنى متطلعش الكوبرى و أنزل من تحته هتلاقيه قدام بنزينة الناحيه التانية اسأل على مهندس محمد عز الراجل ده من الأخر و قله انا جايلك من طرف م/حاتم من نايل موتورز و هو هيقوم بالواجب انشاء الله :)