الموضوع: انا مش عارف التوكيل حرامى وبيشتغلنى ولا صح ارجو من الجميع الإفادة

المشاركة الأصلية كتبت بواسطة ahmed_adham

طمنا عملت ايه لو كنت رحت النهارده.

انا روحت امبارح بنزينة وانا راجع من شغلى وقلت للراجل عاوز اشوف اذا كان البلوك مكسور وملحوم ولا لأ

المهم الراجل رفع العربية وقعد يشوف وقالى فعلا البلوك مكسور


بس شرحلى العملية

قالى ان بلوك الموتور فيه مكان بيتركب فيه الكمبورسور المكان ده طالع منه اربع مسامير في مسمار اتسكر واتلحم قالى هى تعتبر فى بلوك الموتور قالى بس عمرها ما توصل لدرجة انك تغير بلوك موتور عشان مسمار اتكسر فى قاعدة الكمبورسور

قلتله يعنى ملهاش تأثير على الموتور ولا تغيير الزيت وكده

قال لو تحب اغيرلك زيت دلوقتى معنديش مشكلة
متقلقش يا بيه
العربية زى الفل


ده الكلام اللى اتقالى مش عارف بقى فعلا الكلام ده صح

ولا لأ

وهحاول ان شاء الله اروح المركز اللى البشمهندس حاتم قالى عليه عشان اطمئن وربنا يسهل

المشاركة الأصلية كتبت بواسطة mmbadroo

أربط الكلام ده مع كلام الميكانيكى تفهم منه ان المكان أو الجاويط المثبت فيه الكمبورسور هو اساس المشكلة - وده ممكن والعلم عند الله سببه انه اثناء شد السير حد تعافى عليه وكسر الجاويط
وبعدين الموضوع ده مالوش اى تأثير على كفائة الموتور لكى يسبب لك اى قلق
ولاكن لازم من وقت للآخر تطمن على وضع الكمبورسور
وعلشان كده انا دائما أعتب على التوكيلات معندهمش حلول بديلة - شغلين بنظرية ارمى و ركب جديد بالرغم من ان الموضوع ده لو فى عربية المهندس نفسه كان قعد لحم وعمل اللازم من تغيير فارغة ولا كلام من ده

التوكيل ما عليه انه بيقوم بالاستبدال فقط لا غير ده انا بقوله على زرار الايزاز اللى عندى زرار واحد بيعلق ساعات
بقوله غيره بيقوله هغيرك الاربع زراير الوحدة كلها ب 450 ج

قولى بقى ده يبقى ايه

عشان الناس تصدق ان التوكيل مش نازل من السماء و كلامهم مش قرأن

المشاركة الأصلية كتبت بواسطة d/farid cerato

تيمو انت عربيتك فيها جنوط؟اتوماتيك ؟ايمبوليذر ؟

جنوط 15 , تيبترونيك , موضوع الايموبلايزر ده مش عارف و الله فى ناس بتقولى دى فيها و ناس بتقولى الفئة دى لا هههه انا لما بحط المفتاح فى الكونتاكت بلاقى لمبة نورت لونها أصفر عليها رسمه عربيه جواها مفتاح