تحذير للاخوه الاعضاء من بتوع الكاوتش

**khalid_adel** · 27-05-2008 11:12 PM

النهارده الصبح كنت رايح الشغل مستعجل فالسايس بتاع الجراج كتر خيره قالي العجله اللي ورا يمين مريحه شويه فابقى شوفها بصيت عليها لقيتها مريحه فعلا
مشيت مستعجل حسيت العربيه مش مظبوطه معايا قمت واقف عند بتاع كاوتش معرفوش قلتله زودلي العجله اللي ورا دي واكشفلي عالباقي
قالي واللي قدام يمين دي مريحه برضه قلتله فين ده قالي اهي طب اكسر العجل يمين عليه كده قمت رحت لفيت الدركسيون وانا واقف من غير ما ادخل حتي ورجعتله في ثانيه قالي دي انا سامع صوت تنفيس قلتله مش مهم زودها وخلاص انا مستعجل اوي قالي يا بيه حتهوي معاك اعملها قلتله لا انا مستعجل خلص زود وبس
انا الصراحه شكيت هو ليه متأكد قوي كده انها حتهوي
بعد الشغل لقيتها مريحه شويه بس بسيط الحمد لله رحت بيها لبريدج ستون اللي في كالتكس عباس العقاد وقالولي اللي حصل واللي عرفته قالولي انت رحت لحد وقالك اكسر العجل يمين قلتله اه قالي وادي ست اخرما جنب بعص لايمكن يتعملو غير بالحركه القذره دي وحسبي الله ونعم الوكيل
حمدت ربنا انها مهوتش خالص مني وانها استحملت كل ده
المهم الناس عملولي الاخرام باللحام الالماني ( تيب توب ) وفعلا فكرته جامده اوي وكويس ورصصو الكاوتش ومليت الاربع كاوتشات نيتروجين وماشاء الله اول مره اشوف صنايعيه وبتوع كاوتش على درجه من الفهم دي المهم جيت قلتله الحساب كام قالي 135 جنيه (ست اخرام وترصيص و نيتروجين ) قلتله طب انا عضو في نايل موتورز قالي معاك الاستيكر قلتله طبعا وريتهوله فعاد الحسبه وقالي يبقى كده مله 93 جنيه بفاتوره ضريبيه كمان والحمد لله دفعت وانا مبسوط لانهم فعلا نضاف قوي وبيفهمو قوي وشكرت الراجل ومشيت

**elpasha009** · 28-05-2008 12:39 AM

الحمد لله إنها جات على قد كده:)
بالنسبة للحام اللي عندهم بجد تحفة تقريبا كا كريم منير أول واحد يجربه (تقريبا)ورحت بعدها جربته وفعلا ملوش حل بس هو عيبه الوحيد إنه غالي مقارنه بأجدع لحام عند أي محل بره.

**Ahmad Allawy** · 28-05-2008 12:50 AM

المشاركة الأصلية كتبت بواسطة khalid_adel

بعد الشغل لقيتها مريحه شويه بس بسيط الحمد لله رحت بيها لبريدج ستون اللي في كالتكس عباس العقاد وقالولي اللي حصل واللي عرفته قالولي انت رحت لحد وقالك اكسر العجل يمين قلتله اه قالي وادي ست اخرما جنب بعص لايمكن يتعملو غير بالحركه القذره دي وحسبي الله ونعم الوكيل
حمدت ربنا انها مهوتش خالص مني وانها استحملت كل ده

انا كده مش فاهم سبب الخروم اللي جنب بعضها دي..
ممكن توضح لينا السبب في الخروم دي طيب..؟؟
واللحام التيب توب ده بيتعمل ازاي و ايه نظامه بالظبط..؟؟
الف شكر مقدما علي الرد.. :)

**Mzeid** · 28-05-2008 01:20 AM

الحمد لله أنها جت على قد كدة و محصلش حاجة للعربية ..
بس حضرتك مرجعتش ليه لمحل الكاوتش و حاسبته على اللي هما عملوه في الكاوتشة و كان لازم حضرتك تأخذ حقك منهم :boxing_smiley: على الحركة دي ..
:):)

و معلش نسيت أسأل حضرتك هو مكان محل الكاوتش دة فين علشان الأخوة الأعضاء ما يتعاملوش معاه .. ؟!
:):)

--------------------------------------
تم دمج المشاركتين
مشرف القسم

**kaml41** · 28-05-2008 01:41 AM

موضوع جامد جدا جدا

ولازم تاخدو بالكم كويس

**pampino** · 28-05-2008 05:22 AM

بس انا عاوز اعرف يعنى هو حط فيهم مسامير ولا حط اية عشان الكاوتش يهوى

**khalid_adel** · 28-05-2008 05:52 AM

اللي فهمته ان بيبقى معاه زي شريحه كده فيها مسامير مدببه اوي يقوم يدي خبطه للكاوتش وانت بتكسره يمين ناحيته وطبعا بتلاقي بتاع 10 اخرام كلهم صغيرين وفي مكان واحد
الراجل ده عند المريوطيه هرم وانت رايح للدائري من الشارع الجديد (مينا بالاس)
وانا فعلا عمال افكر في سيناريو اروح بيه للراجل ده ويكون معايا واحد كده من اللي همه واعمل حوار واقفشه وهو ماسك البتاعه دي وانزل فيه ضرب بس خايف ملحقش ويبوظ الكاوتشه تاني ( منه لله )
يا ابو حميد الضغط العكس امامي 32 وخلفى 29 صح كده
واللحام ده نوعه من المطاط كده ولازم تفك الكاوتش وبيدخل مكان الخرم بس ليه قاعده عريضه جوه الكاوتش زي حرف T وتحس انه حاجه نضيفه فعلا

**aif** · 28-05-2008 06:06 AM

المشاركة الأصلية كتبت بواسطة khalid_adel

اللي فهمته ان بيبقى معاه زي شريحه كده فيها مسامير مدببه اوي يقوم يدي خبطه للكاوتش وانت بتكسره يمين ناحيته وطبعا بتلاقي بتاع 10 اخرام كلهم صغيرين وفي مكان واحد
الراجل ده عند المريوطيه هرم وانت رايح للدائري من الشارع الجديد (مينا بالاس)
وانا فعلا عمال افكر في سيناريو اروح بيه للراجل ده ويكون معايا واحد كده من اللي همه واعمل حوار واقفشه وهو ماسك البتاعه دي وانزل فيه ضرب بس خايف

لو عملت كدة تبقي فعلا انقذت الناس من شره ... اللي زي دة لازم ياخد جزاءه .... عشان يبطل تدمير في ممتلكات الناس
ده المفروض يتاخد القسم و يتعمل معاه أحلي واجب من سلومه الأقرع وزمايله ....وبعد كدة يبقي يروح يظبط الزوايا بتاعت قفاه

**Islam_galal** · 28-05-2008 08:10 AM

لله الأمر من قبل و من بعد
و يتسآئل الناس لما قلت البركة من حياتنا

-

الموضوع: تحذير للاخوه الاعضاء من بتوع الكاوتش

LinkBack

أدوات الموضوع

عرض

تحذير للاخوه الاعضاء من بتوع الكاوتش - انشر الموضوع فى :

-

-

-

-

-

المواضيع المتشابهه

صديقى ونصب بتوع الكاوتش

تحذير الى كل الاعضاء هام جدا ارجوا الدخول

احترس من بتوع الكاوتش واربط عجلك بأيدك

هام لجميع الاعضاء (احذروا من بتوع الكاوتش فى محطات البنزين دى)

تحذير من بتوع الكاوتش

الكلمات الدلالية لهذا الموضوع

المفضلات

المفضلات

ضوابط المشاركة