الموضوع: صنى 2013-قصتى مع الكاوتش بالتفصيل (اجابات على اسئلة الاعضاء)

المشاركة الأصلية كتبت بواسطة GRADER

التقريرأكتر من رائع والصراحة ما كنتش متخيل ان الموضوع كبير قوى كده ومعقد بس الصراحة دراسة جيده جدا وتستحق التقدير بس فى 3 أسئلة

* الكاوتش البيريلى حضرتك استبعدته ليه مع انى اسمع انه ممتاز برضه وهل هو أرخص ولا أغلى من البريدجستون؟

* يا ترى لو بعت الكاوتش الماكسيس عند تايرمانيا او عند أى حد هشترى منه الكاوتش هياخده بكام تقريبا؟

* الكاوتش الى حضرتك جبته انتاج سنة كام وياترى لحد سنه كام أقدر اجيبه وانا مطمن فى رأيك؟

و الله البيرلى سمعت انه نااااشف ده غير ان فى ناس هنا على المنتدى قالت فيه كلام مش اوى ( زى ما بردك فى ناس قالت فيه كلام كويس) فلما وجدت عليه خلاف استبعدته
الكونتننتال كوبس و انا جربته فى ال504 فردة طرية ( اكثر من البردجستون كمان) بس مش بتستحمل زيه و عمرها مش طويل زيه ( يعنى بعد 20الف حتلاقى انها بدات تتزحلق اسهل شويه من الاول خصوصا فى الجو الجاف) و من كتر ما هيا طرية لو اخدت نقرة قوية- و اشدد على كلمة قوية- من السهل انها تعمل بالونه ( بس ده ما يمنعش انى لو مافيش ميشلان او بردجستون حفكر فى كونتننتال على طول)
و الانواع دى تعتبر عند بتوع الكاوتش الدرجة الثانية فى الجودة

لكن بردجستون ماحدش اختلف على جودتها هنا فى المنتدى ولا بره و ميشلان دى انا اعرفها من و انا عندى بتاع 6 سنين ( الراجل الكاوتش اللى صديق على الطريق) ماركه عريقة

بالنسبة للبيع ده اسوء حاجة فى الموضوع لان اى حد حياخد الكاوتش عايز يكسب فيه فعشان تبيعه فى رينج 800 الف يبقى لااازم تتخطى مرحلة التاجر و تبيعه للشخص اللى هيشترى الكاوتش مباشرة ( ده بما انك مشيت بيه حتى لو الف كيلو اسمه بردك مستعمل)
و لو حتبيعه لبتاع كاوتش لازم يكون بيشتغل فى المستعمل ( و لمعلوملتك تاير مانيا مابيشتغلش فى المستعمل فمش حياخده منك)

كان فى فكرة عندى طرحتها على اخد الاعضاء اللى يعرف حد واخد توكيل كونتننتال يعمل موضوع خاص بالحركة دى و كل الاعضاء اللى ممكن تحتاج تعمل تغير كاوتش للصنى الجديدة تروح تغير عند الشخص ده و فى الحالة دى ممكن ناخد منه سعر كويس فى شراء الكاوتش القديم ( بس انا مش حقول اسم العضو عشان ما ادبسوش هو هيسال و لو وجد الموضوع حينفع ساعتها هتجدوه راح عامل موضوع فى المنتدى بالحكاية دى على طول)

بالنسبة لانتاج الكاوتش دائما تجيب الكاوتش انتاجه قريب ( انتاج من كام شهر فاتو) لان بعد انتاج الفردة ب 5 سنوات بتبقى فقدت الخواص بتاعتها يعنى حتغيرها بعد 5 سنين من تاريخ الانتاج ايا كان عدد الكيلومترات اللى مشيتها الفردة( و ده احد الاسباب اللى خلتنى ما اجبش الadrinaline لان بقالها سنتين يعنى فاضل فى عمرها بالكتير 3 سنين)

المشاركة الأصلية كتبت بواسطة mohamed10

تقرير اكثر من رائع وربنا يكفيك شر الطريق بس ياريت لو تقولنا على انواع ميشلان ومميزاتها اللى حضرتك شفتها

للاسف يا جماعة ميشلان لقيته عزيز اوى ( قليل )
و لم اتمكن من ايجاد موزع معتمد او حد متخصص فيه
النوع اللى كان امامى كان الenergy saver و ده مواصفاته كانت قريبة من الفردة اللى جبتها و كان انتاج انجلترا بس كان 65 مش 60 ( فمينفعش)
سمعت عن موديل اسمه pilot فى الميشلان شبيه بال gr 90 بتاع بردجستون بس بيستحمل اكثر منه
و سمعت عن موديل اسمه primacy و ده بردك فى الميشلان و الموديل ده قوى و مريح و كل حااااجه حاجة كده اسطوره بس مش عارف ال pilot & primacy بينزلو مصر ولا لا

المشاركة الأصلية كتبت بواسطة grader

ألف شكر ليك يا باشا على الرد المفصل ده ومبروك على الكاوتش مرة تانيه
حضرتك بس نسيت تقولنا ترتيب الاسعار بتاع الماركات يعنى أيهم أعلى فالأقل (ميشلان- بريدجستون- كونتينينتال- بيريللى)

ميشلان و بردجستون اسعارهم قريبة من بعض ( و هما التنين فى الشريحة الاغلى)
كونتننتال و بريللى فى الشريحة اللى بعدهم ( بس مش فاكر مين فيهم اغلى من الثانى بس ان لى تجارب مع الكونتننتال و فى ناس غيرى شكرو فيها اكثر من البيريللى)