السلام عليكم
معايا بورا 2002 موتور 1600 sr
العربية بفضل الله تمام التمام بس مبعملش حاجة فيها إلا عند متخصص فولكس أو سكودا، لأنها نفس موتور الجولف4 ونفس موتور وقطع غيار أوكتافيا a4 بس شوية اختلافات مش جوهرية
إنما بصفة عامة الفيتيس الأوروبي الأوتوماتيك بيحتاج منك تغير له زيت أصلي أصلي كل 50-60 ألف كم بحد أقصى، لأن الأوكتافيا والبيجو والميجان برضه بيحصل لهم نفس المشكلة ألا وهي البلوف بتتسد والزيت لما يكون قديم الفيتيس بيبقى مأساوي ويكرهك في العربية، فبصفة عامة الموضوع مش للبورا بس
إنما الألماني والبرازيلي الله أعلم مش هفتيك فيه
وبصفة عامة العربية دي تدور عليها بروقان عشان تلاقي حاجة استخدام راقي بمعنى الكلمة وياريت لو كيلومتر قليل وبرضه تكشف عليها مش عند أي حد لازم يكون متخصص واستشاري كمان عشان تختار صح، ولما ربنا يكرمك العربية هتعجبك جدا وفتيسها كويس جدا لو بتراعيه، وبالتوفيق
المفضلات