الموضوع: الي مالكي البورا

سعرها فى حدود 80 الف
و توصل 90 الف لو حالتها ممتازه موديل 2002 مثلا
العربيه ثابته جدااا على الطريق وشيك و برستيج جداا
عاليه عن الارض و ماتورها ممتاز
العربيه اللى نفس الماتور والشاسيه و نظام لتعليق هى السيات توليدو و هى افضل من البورا ممكن تقارن بينهم
عيوبها انها قدمه شويه وان قطع غيارها زى كل الالمانى غاليه لكنها معمره

في موديلات لحد 2005

بالنسبة لقطع الغيار - في حاجات كتير مشتركة بنها وبين الجولف 4 ودا بيخلي سعر قطع الغيار رخيصة لحد ما عند مقارنتها بالبولو مثلاً لأن قطع غيار البولو أغلى من الجولف 4 والبورا.

بالنسبة لكرتيرة الزيت، كل المواتير الكبيرة بداية من 1600 لازم الكرتيرة تبقى ألومنيوم ويكون في العربية حاجة اسمها كولر لتبريد الزيت لأن المواتير دي بتسخن أكتر من المواتير الصغيرة.

هي عربية حلوة وثابتة وشيك وكماليتها كتير جداً ولو جبتها حتلاقي نفسك كل يوم والتاني جايبلها حاجة جديدة

موتور و شاسيه البورا هيه الجولف4

يستحسن تكون 1600 مش 1400 لأن غير قوه الموتور اعطالها اقل. اهم حاجه تحافظ على تغيير سير الكاتبنه و الشدادات في معادها و متتأخرش فيهم.

اعتقد البورا الي فيها موتور 1400 Ahw دي البورا المنطقة الحرة ولا اعتقد ان في بورا تبع الوكيل 1400

على العموم طبعاً 1400 على البورا حتبقى عربية سخيفة جداً

على الرغم من إن الموتور Ahw ال 1400 دا رائع بمعنى الكلمة بس على البولو الجولف 1400 عليها مش كويس

وعلى فكرة متفتكرش ان الموتور ال 1600 على البورا عدل والعربية جراية، إطلاقاً دي بطة في الجري والموتور بتاع البولو ال 1600 يقطعها وش وضهر وشعر ودقن كمان

ودا عن تجربة شخصية

المشاركة الأصلية كتبت بواسطة umoussa

اعتقد البورا الي فيها موتور 1400 Ahw دي البورا المنطقة الحرة ولا اعتقد ان في بورا تبع الوكيل 1400

على العموم طبعاً 1400 على البورا حتبقى عربية سخيفة جداً

على الرغم من إن الموتور Ahw ال 1400 دا رائع بمعنى الكلمة بس على البولو الجولف 1400 عليها مش كويس

وعلى فكرة متفتكرش ان الموتور ال 1600 على البورا عدل والعربية جراية، إطلاقاً دي بطة في الجري والموتور بتاع البولو ال 1600 يقطعها وش وضهر وشعر ودقن كمان

ودا عن تجربة شخصية

اقولك على مفاجئه لذيذه!! وزن الجولف 1.4 1212 كجم

وزن البورا 1.4 1165 كجم

تحفة

طب تعرف الفرق منين؟