الموضوع: الزعيم لصيانة السيارات الألمانية....فتح ورشة جديدة فى صقر قريش

الحمد لله ان الموضوع نال اعجاب حضرتك والموضوع طلع بالفعل زي ما وصفت وكتبته ، وانه الحمد لله طلع كويس فى شغله وانك اعجبت بالمكان ، وحضرتك معاك حق فى موضوع ان ه مش فى الحرفيين وانك ممكن تجيب قطعه الغيار فى وقتها وتركبها وكده بس انا بحل الموضوع ده ببقى عارف اية الى عندى وبجيبه او بوصيه هو يجيبه وبتغاضي عن العقبه ده ، وهو كده كده هيظبط الدنيا فى الموضوع ده من ناحيه قطع الغيار الاستيراد والجديد كمان فى بعض الحاجات .

والمشكلة انه مش بيشرب الماليبوروو اى علبه لأ بيقعد ينقى فى العلبه وشكل الرسمة الى عليها ولو فى علبه الواد جابهالوه عليها شكل الرجل او اللسان بيرجعها تانى هههههههههههه ، انا بقى مريح دماغى من الموضوع ده وبشرب قـــص ههههههههههه .


تحياتي لحضرتك ،،

الله يخليك ويبارك فيك يا ا/حسام على ذوقك وحسن اخلاقك والحمد لله ان التجربة فعلا كانت خير دليل وعلى فكرة ناس بعتولى على الخاص علشان التليفون وراحوا فى اليوم المحدد فى ا لموضوع وبعد ما رجعوا بعتولى تانى والحمد لله مبسوطين جدا جدا جدا وبيشكورنى على الموضوع ، لكن الاستاذ / محمد بصراحه الراجل حط انطباعه فىا لموضوع نفسه وده الافضل علشان الناس تثق فى الموضوع وانا بشكره جدا جدا على حسن تصرفه وان عرض تجربته فى الموضوع نفسه كمان .

وعلى فكره يا حسام بك هو بيبقى عنده بعض قطع الغيار الجديدة زي فلاتر بانوعها - بوجيهات - سيور بانوعها - زيوت بانوعها او اقصد حاجات الصيانات الدورية ، وبيبقى عنده قطع غيار استيراد ومش خلع بيجيبها من الحرفيين وده قدام عينيى انا شخصياً ويحطها فى المحل عنده وبيجب الحاجات الى بتبقى اكثر تغييرا فى العربيات مثلا مقصات مساعدين طنابير ممكن كبالن ولو فى حاجة تانية حضرتك بتحتاجها لعربيتك استيراد هو بيجبهالك او بتقابله فى يوم معين ويروح معاك ويجبهالك وانت معاه من هناك ولو محتاج اى حاجة تانية غير عفشه وميكانيكه من هناك من صالون عربيات فرش ابوب رفارف اى حاجة بتفق معاه ويقابلك فى اليوم الى هو بيبقى فيه هناك بيجب حاجته وبيجبلك احسن حاجه من هناك وعلى ضمانته وفى الاخر بيحاسبك على المشوار بتاعه بمنتهى الصراحه والوضوح فى مقابل انه بيختارلك حاجات لازم يكون حد فاهم هو الى بيجبها ، الموضوع ده ما تشتغلش بالك فيه خالص ، اه وفى حاجة تانية مهمه اوى فيه انه لو حضرتك زبون المحل ولا قدر الله وعربيتك عطلت فى مكان طالما انت زبون المحل بيروحلك المكان ده عارف كان بيروح لعربيات عطلانه بالناس فى الغردقه وشرم الشيخ واسكندرية واماكن تانية كتير وعلى حسب ظروف الورشة وطبعا برده كله بحسابه :) وانا باكد على كده وحضرتك فاهمنى اكيد لية باكد على ده :) ، هبعتلك على الخاص يا باشا التليفونات بتاعته حاضر انت تامر يا باشا .

ارجو من الشباب الى راح وجرب الورشة وجرب المعاملة ينقلنا تجربته هنا علشان الناس تتاكد صدق الموضوع وجديته .

في البداية أحب أشكر قوي الاستاذ حسين اللي عرفنا على ورشة الزعيم اللي بجد طلع شخص محترم وساعدني في شراء العفشة كلها تقريبا . ويارب يكون كويس في تركيب الحاجات
يوم الجمعة اللي فاتت روحت ورشة الزعيم وخليته كشف على العربية. العربية من خمس شهور كانت محتاجة الأتي :
1-مساعد أمامي
2-بطاحة
3-علبة دريكسيون
لكني فضلت سايب الحاجات دي لغاية لما جمعت شوية فلوس عشان اقدر انزل اشتري. وكمان قريت موضوع ورشة الزعيم وقلت اتوكل على الله. كلمت الزعيم وحددت الميعاد معاه وكشف على العربية, وكانت المفاجأة ان العربية محتاجة الحاجات دي.

1- 2مساعد أمامي
2- تيل أمامي
3- قواعد موتور
4- 2مساعد خلفي
5- ماستر فرامل
6- طرمبة بنزبن بجوانها
7- جلب مقصات

طبعا كان قراري طالما فتحنا كدة فمفيش قدامي غير اني اجيب الحاجات دي استيراد, وهو اللي اكده الزعيم عشان الجديد معظمه صيني. طيب أنا عارف ان الحاجات دي تتجاب من الحرفيين لكن منين في الحرفيين و الطريق لجسر السويس انا معرفوش- انا اصلا باتوه في المعادي (: -
طبعا بعد ما أكد زميلنا (egman) على ان الراجل ده كويس و بيروح يجيب الحاجة فقولت خلاص هنزل اشتريها معاه. بس برده كلمت واحد زميلي عشان يلاغيني على الأسعار ومكان هناك كويس في الحرفيين اشتري منه. اتفقت مع الزعيم على النزول يوم السبت اللي فات وفعلا عديت عليه في الميعاد وروحنا الحرفيين وفي الطريق ان الحاجات اللي هنشتريها كتير وانا في واحد صاحبي قالي على محل في شارع مرسيدس هناك بتاع واحد اسمه"أسامه" كويس. والرجل بصراحة كان محترم قالي انا عايز اوفرلك اي حاجه بس تكون حالة الحاجه كويسة. وفعلا روحنا لاسامة بس للاسف كان قافل فروحنا لواحد يعرفه جبنا منه علبة الدريكسيون وماستر الفرامل وقواعد الموتور. وملقيناش الجانبين وباقي الحاجة
بعد كده لفينا حبه حلويين ملقناش حاجه و بعدين واحنا ماشين شوفنا محل اسمه فتحي عدس بصرحة الراجل ممتاز فتحلنا المخزن وقالنا نقوا اللي انتوا عايزينوا وقد كان بفضل الله... اشترينا جانبين امامين و2 مساعد خلفي بالدشم ومساعدين الشنطة وفاضل جلب المقصات اتفق ان هو هيجبهالي. واتحركت من هناك على 11 كدة. وان شاء الله هروحله بكرة عشان يركب الحاجه وربنا يستر و يكملها على خير

طبعا انا عارف ان أهم حاجه الأسعار عشان كدة من عيني كل حاجه و سعره المتوقع و السعر الفعلي اللي اشتريناها به فالشيت الكسيل المرفق في حاجات انا مفصلتش فيهم بس عرفت اسعارهم للمعرفة يعني هكتبهم و هلونهم بلون مختلف


ملاحظات على الزعيم
شخصية محترمة جدا ومهذب وأول مرة اسمع من صنايعي كلمة "أسف" خمسين الف مرة.
هوا اللي كان بيفاصل عشان انا مبعرفش افاصل بس كان عندي فكرة عن الاسعار. وكان الحاجة اللي مبرضاش على سعرها بقوله لأ والحاجه اللي بسعر رخيص وأي كلام كان هو بينفض وياخدني ويمشي.
طبعا الحاجات هو اللي منقيها وربنا يسهل وتكون كويسة
شاكله فاهم جدا وده طبعا اللي قالهولي صاحبي من الكلام اللي حاكتهولي عشان انا بيني وبينكم معلوماتي على قدي في الحاجات دي
بيعامل الناس كويس و يديك معطر وانت ماشي وكدة

اتمني تكون المعلومات دي مفيدة وربنا يعينكوا ويعنا
للأسف انا حاولت ارفع اسعار الحاجه بس للاسف معرفتش لا باكسلاية ولا بورد ولا باي حاجة