الموضوع: الزعيم لصيانة السيارات الألمانية....فتح ورشة جديدة فى صقر قريش

تم ارسال تليفونات الورشة للاخ السأل عليها .

محمود بك هبعتلك رقمى على الخاص يا باشا ويا ريت تبعتلى انت كمان رقمك واان سعدت بمعرفه حضرتك وممكن لما اروح عند ورشة الزعيم اعمل حاة ابقى اكلم حضرتك واشوفك لو انت كمان هتبقى عايز تعمل حاجة يبقى نظبط ونروح سوى ونتقابل هناك وتبقى فرصة اقابل حضرتك هناك .

انا بعتلك رقمى يا باشا ان شاء الله يكون وصللك ، وانا ممكن اروح هناك على اخر الاسبوع ده ان شاء الله .......

والله يا شباب انا كنت هناك امبارح عند الزعيم علشان شوية المفاجاءات الى ظهرتلى فى العربية من اول السنة .

الحمد لله انا غيرت التانك كاملاً بالخراطيم والفيشة والطرمبة والزور بتاع التانك الى بيتحط منه البنزين .

وطبعا المفاجاءة ان الفيشة الى كانت راكبه كانت بتاعه مروحه وهو معدلها الاستاذ المالك القديم الى حسبي الله ونعمى الوكيل ، والحمد لله التانك جبناه كامل والطرمبة راكبه فيه ما اتفكتش منه حتى الفلتر .

انا الحمد لله راضي عن النتيجة ده غير ان العربية كده رجعت تانى ارويجنال بدل العك الى كان معمول .

التانك جبناه 800 جنية كامل على الرغم ان كان فى بــ 600 واقل كمان بس الحالة هى الى بتحكم .

ويا رب التانك يطلع كويس هو والطرمبة ويبقى تمام لحسن خلاص انا استويت ادعولى يا شباب تبقى اخر الاحزان هههههههههههههه .

ويا رب فى التجربة الدنيا تطلع مظبوطة .

وانا اعتقد ان كده لازم اغير فلتر البنزين فى القريب صح ولا اية على اساس ان التانك مركون وكده ولا اية ؟

وطبعا كالعادة اخدت معطر من هناك والعربية كمان خلى الصبي يطوقها ويروقها والحمد لله المعاملة ما زالت هناك على اعلى مستوى من الاحترام .

على فكرة انا قابلت هناك الاستاذ / sam_eh420

وهو من الناس المحترمة جدا جدا جدا وكانت صدفه جميلة اوى وربنا يوفقه فى موتور عربيته هو تعبان جدا منها ربنا يعنيه لكل الخير .