سلك الاكسراتير

**mohamed878** · 23-03-2013 02:14 AM

لسه جاي اركب العربيه و بدور لقيت دواسه البنزين سابت فتحت الكبوت و ببص لقيت السلك مقطوع كده شكرا اشتري واحد صح
تاني حاجه انا عندي مشكله في مؤشر البنزين ثابت علي النص ولا بيعلي ولا بينزل فا كنت مفول من اسبوع و مشيت بيها 300 كيلو بس فزحمه البلد طبعا و راحت قاطعه بنزين بس هيا بنت حلال قطعت مني قدام البنزينه روحت اجيب بنزين منها هيا الوطنيه اللي في طريق السويس روحت اكلم الظابط و اتحايل عليه عشان يرضي يديني في جركن و خد الرخصه لحد ما اجيب العربيه يشوفها صباح الغباء المهم حطيت البنزين دارت روحت بقي امون استغربت ماخدتش غير 25 لتر بس حد عنده تفسير قبل ما العربيه دي تجنني

**hossamalsadik** · 23-03-2013 03:55 AM

ممكن تكون حاجة كانت عمله سدد ولما حطيت بنزين نزلت وياريت تعمل تنظيف لدورة البنزين

**hossamalsadik** · 23-03-2013 04:02 AM

ABRO - Fuel System Cleaner - 473 ml

الكربراتير له منظفاته فى مثلا Gunk العلبة صفراء والأفضل منه ABRO وسمعت أن فى أفضل اسمه
cyclo max44

**Moratoz** · 23-03-2013 06:17 AM

وشوف فلتر البنزين أخبارك ايه كمان

**sakr_skoda** · 23-03-2013 07:13 AM

المشاركة الأصلية كتبت بواسطة mohamed878

لسه جاي اركب العربيه و بدور لقيت دواسه البنزين سابت فتحت الكبوت و ببص لقيت السلك مقطوع كده شكرا اشتري واحد صح
تاني حاجه انا عندي مشكله في مؤشر البنزين ثابت علي النص ولا بيعلي ولا بينزل فا كنت مفول من اسبوع و مشيت بيها 300 كيلو بس فزحمه البلد طبعا و راحت قاطعه بنزين بس هيا بنت حلال قطعت مني قدام البنزينه روحت اجيب بنزين منها هيا الوطنيه اللي في طريق السويس روحت اكلم الظابط و اتحايل عليه عشان يرضي يديني في جركن و خد الرخصه لحد ما اجيب العربيه يشوفها صباح الغباء المهم حطيت البنزين دارت روحت بقي امون استغربت ماخدتش غير 25 لتر بس حد عنده تفسير قبل ما العربيه دي تجنني

اولا انا عتب عليك يابحميد فى اللفظة دى(صباح الغباء) تعرف لو كل البنزينات رفضت موضوع الجراكن دا زى وطنيه مكنش حيبقى فيه ازمة بنزين ولا سولار ابدا احنا الشعب المتخلف اللى لما بيسمع عن حاجة حتشح فى السوق بيحاول يخزن اكبر كميه ممكنه ودا فى حد زاته بيعمل الازمه فعلا....

ثانيا:برافو عليك انك بسرعة حددت العطل وعرفت ان واير البنزين هو المقطوع وطبعا دا لازم يتغيير وسعره 45 جنيه وبيركب ب 15 جنيه تقريبا اى ميكانيكى حيركبة وكمان بص على موضوع الزميل مصطفى رمضان اللى فى الرابط دا....
http://www.nilemotors.net/Nile/342307-a.html

ثالثا: بخصوص عداد البنزين ياريت تفك عوامة البنزين وتحاول تسنفرها ودى حاجة سهلة ممكن نساعدك تعملها بنفسك وبرضو خد فكرة عنها من الموضوع اللى فى الرابط التالى....
http://www.nilemotors.net/Nile/315424-a.html

رابعا: بخصوص البنزين عربيتك انجكشن ولا كاربرتير لو كاربرتير ياريت تراقب فلتر البنزين الشفاف بص عليه مليان بنزين ولا نصة لو نصفه فقط يبقى طلومبة البنزين عندك بتهييس وعلى فكرة هي ممكن تهيس لما تسخن شوية فبكدا لابد من تغييرها دا لو طلومبة البنزين كهربه خارجية اما لو طلومبة البنزين ميكانيكيه راكبه على عامود الكامة يبقى سلك الخراطيم ممكن تكون مسدودة ودا فى مادة بتتباع فى البنزينات للغرض دا اسئل عليه وهاته....*

**aw2100** · 23-03-2013 04:42 PM

رابعا: بخصوص البنزين عربيتك انجكشن ولا كاربرتير لو كاربرتير ياريت تراقب فلتر البنزين الشفاف بص عليه مليان بنزين ولا نصة لو نصفه فقط يبقى طلومبة البنزين عندك بتهييس وعلى فكرة هي ممكن تهيس لما تسخن شوية فبكدا لابد من تغييرها دا لو طلومبة البنزين كهربه خارجية اما لو طلومبة البنزين ميكانيكيه راكبه على عامود الكامة يبقى سلك الخراطيم ممكن تكون مسدودة ودا فى مادة بتتباع فى البنزينات للغرض دا اسئل عليه وهاته....*
[/quote]
اختلف معاك ياعم صبحى لو فلتر البنزين مليان قوى يبقى رداخ البنزين مش مظبوط وبيدى بنزين زياده للكاربراتير وده يسبب شرقة للعربيه وتاخير فى الدوارة وتقطيع كمان الطبيعى انك تظبط الرداخ بجوانات تحتيه لغاية لما تلاقى الفلتر نصة فاضى انا عندى 3/4 الفلتر فاضى وده هو الطبيعى بالنسبة لكل العربيات الكاربراتير مش الفليشيا بس الفلتر بيتملا بس لما العربية بتركن بعد مشوار تلاقى الفلتر مليان لكن طول مالموتور داير بتلاقى 1/2 الفلتر فاضى !!