الموضوع: byd بعد]95000ك/م

[QUOTE=bassem.naguib;3874915035][size=5][color=darkred][b]
متهيألي أنك شطحت شوية .. وإن كان كلامك منطقي .. فيه فرق بين نظام يتم التحكم فيه الكترونياً .. وبين نظام يتم التحكم فيه يدوياً .
مازلنا محتاجين رأي فني متخصص .

لا بأس ..........

صندوق التروس هو همزة الوصل بين الموتور و التروس التفاضليه أو ما تسمى التروس الفرقيه أو بالبلدى كده كرونة الفتيس (differential)

و محدش يقولى الكرونه بتبقى فى عربيات الدفع الخلفى فقط

بيفكرونى بنفسى أول مره عرفت فيها ان فيه حاجه اسمها عربيات جر أمامى مش دفع خلفى

المهم

إذن يجب التركيز على الوصله ما بين صندوق التروس و الكرونه ,, هناك يكمن الحل

همتكم معانا ,, و أى حد بيتعامل مع ميكانيكى مخضرم ,, ياريت يسأله فل تليفون حتى

بسم الله

حبايبى

و الله انا كنت قايل لأستاذ باسم انى حغيب عن المنتدى فتره لظروف شخصيه و حخش بس لو عندى جديد

و الله انا النهارده كنت فمشوار بالعربيه الظهر كده و الجو كان حر أوى

المهم انى اكتشفت حاجه عظيمه أوى

ان موضوع حرارة الجو ده له تأثير إيجابى جدا على الفتيس !!!!!!!!!!!!!!!!!!!!!!!!!!!!!

الفتيس إختلف تماما !!!!!!!!!!!!!!!!!!!!!!!!!!!!!!!!!!!!!

النقل بقه أسهل و الخشونه انعدمت و العضه اختفت بالأخص على الغيار الأول و التانى و الثالث

لكن الرابع لسه شويه و الخامس لسه برضه

إستنتاجى للموضوع ده ان الحراره ليها تأثير أكيد على زيت الفتيس

فا عندنا إحتمال من الإثنين

الإحتمال الأول : ان لزوجة زيت الفتيس عاليه و مأثره على الفتيس و عند إزدياد الحراره , اللزوجه خفت شويه فالفتيس بقى احسن.

الإحتمال الثانى : ان زيت الفتيس ناقص و فى حالة إزدياد الحراره ,, أثر ذلك على خواص الزيت بالإيجاب فعوض نقصه.

و الله أنا سمعت فتاوى كتير بخصوص الفتيس ده و كلها متضاربه و عكس بعض

أخر حاجه كنت بسأل سواق تاكسى قالى حط زيت 140 , قلتله بس فيه ناس جربته و قالت وحش و بيكلبش العربيه و بيخليها ماتسحبش كويس

ام قالى لا ,, ما هو أصل زيت 140 ده فيه كذا نوع !! ,, قالى حط 140 متعدد , و أنا الصراحه مش عارف ايه الفرق بين 140 عادى و 140 متعدد

و سواق تانى قالى لا ,, انت تروح التوكيل علطول خليهم يغيرولك الفتيس !!!

قالى لو الفتيس مش حلو و خشن خليهم يغيروه

و قالى أنا كان ليا كذا واحد أعرفهم من صحابى كان عندهم الفتيس كده خشن و راحوا الوكل و غيروه علطول !!!

يا سلام

بالسهوله ديه

مكنش حد غلب

أروح أقولهم الفتيس مش عاجبنى غيروه فايقوموا يغيروه

و الله الراجل ده لعب فى دماغى ساعتها بس قلت و لو غيروه ,, هل حيرجع زى الأول ,, هل حيتركب صح ؟
, هل موضوع التغيير ده سهل كده و مافيهوش مشاكل ؟؟

طبعا انا نفضت لكلامه مؤقتا لحد ما اشوف موضوع تأثير درجة الحراره على الأداء ده حيكمل و لا هى طفره كده و حيرجع تانى زى الأول

مستنى تعليقتكم