الموضوع: هل جراند بونتو 2013 تستحق تمنها ؟

الي اعرفه ان الي فمصر حاليا 77 حصان
ومعلش يا باشا اني ملف الي 180 فمصر

البونتو كعربية محترمة جدا و موتورها وان كان 77 حصان الا انه معروف ان مواتير فيات مواتير عصبية و اسمع ان في تاس بتعمل re-map للموتور عشان يزيد من قوته وعزمه علي حساب استهلاك البنزين طبعا .. بالنسبة للثبات مافيهاش كلام ..
نيجي لأهم نقطة السعر : حضرتك لو هتقارنها بالايفو اوتو باكيدج 2 عامله 114000 و نيو جراند ال easy sport 124000 لايوجد فرق غير في العفشة الرياضية و الشكل بره تقريبا زي بعض اللهن الا بعض الاختلافات التي لا تذكر يعني العربية اغلي ب 10000 جنية و الزيادة بس العفشة الرياضية والله اعلم اذا كان فيها ال paddle shift و ال Blue & me ولا لأ و اظن انهم مش موجودين الا في lounge panorama اما لو هتقارن باي عربية تانية في السعر ده اظن الفيات جراند بونتو احسنهم و خاصة بعد الاستهبال و زيادة اسعار العربيات ف مصر الغير مبررة بالمرة
نصحتي ليك لو لقيت البونتو ايفة الباكيدج 2 هاتها احسن حتوفر عليك 10000 جنية لو مش موجودة اتوكل علي الله و هات النيو جراند عربية جميلة ثبات و عوامل امان و شكلها شيك و متقلقش من موتورها اللي انا اعرفه انها 77 hp بس برده معروف عن فيات خاصة و العربيات الاوروبي عامة ان حصانها ب 1.3 حصان من الكوري و الياباني و ان مواتير فيات بطلع اكتر مما هو معلن..
تحياتي...................

الماتور فالنهاية 77 حصان موضوع حصان اوروبي وخلافه مش هيكون حل
الماتور كويس للقيادة العادية انما الشد ومحرك رياضي يبقي الموضوع اكبر
ده رأي عموما علشان ميبقاش في تخيل ان العربية هتعمل الكثير
ومع ذلك اقد تلك السيارة للغاية

طيب هل معقول ياجماعه محدش عارف الهورس باور الحقيقي بتاعها ؟ ومعني كده المصريه كدابين ؟؟؟

لان كل الي فى المعرض اجمعو بلا استثناء انها 95 حصان .. وكمان الورقه الى عليها مكتوب فيها 95 حصان ..

ومش ممكن يكونو قصدهم ان نسبة القياس هتختلف مابين اوروبي واسيوي .. انا بتكلم على مواصفات pre-determined ثابته واساسيه فى العربيه وعلى اساسها بيتم تحديد الجمارك وسعر العربيه ..

وبرضه زي الاسترا كزمو انا عندي معلومات ان العربيه تقفيل بولندي عن طريق التوكيل ومتاكد منها .. السيلز فى المعرض قالولي انها تقفيل المانى بس جايه من بولندا عشان الجمارك " كلام ميدخلش العقل "

وبعدين ازاى الياريس هتساعدني فى الجري ؟؟ .. انا معنديش معلومات عنها بس التويوتا كله بشكل عام سيىء فى ال HANDLING & TRACTION وكا تصميم نظام تعليق مبيبقاش فيه multilink ولا ماكجفرسون ووسائل الأمان دى .. وده كلام معروف من زمان غير لو كامري او فئه كبيره من بتوع الخليج بتبقي متطوره شوية وثابته عالارض ..

وهو عموما الجري عندي مش رقم واحد .. هوا بس وانا مسافر ممكن احط 180 - 200 ... ممكن فى بعض الطرق الغير الممهده امشي بسرعه شوية 120-130 واحط العربيه تحت ظرف مش أمن ...

ايه ياجماعه للدرجه سوأل صعب :/

المشاركة الأصلية كتبت بواسطة creative_art

ايه ياجماعه للدرجه سوأل صعب :/

سؤال ايه اللي صعب حضرتك؟؟؟

المشاركة الأصلية كتبت بواسطة creative_art

السلام عليكم ورحمة الله ..
....

امبارح رحت اتفرجت على الجراند بونتو 2013 فى معرض المصريه للسيارات جرين بلازا ..

طبعا مش هقول ان العربيه ادهشتني وحسيت انى مش عايز اطلع من العربيه

ودخل دماغى اكتر الفئه easy الى ب 120 الف .. وكمان شفت عالنت ان فيه فئه easy sport ودي نظام تعليق رياضي فرق 4 الاف جنيه ودي الى لو حصيل نصيب ان شاء الله هشتريها لانى بحب الجري جدا وكمان انا نازل من فيكترا يعني لازم محسش بفرق

بس خليني اسأل وحوش الفيات عن شوية حاجات ..

اولها عن حاجه غريبه ومش لاقيلها اجابه .. موتور العربيه دي كام هورس باور ؟؟؟؟؟؟؟؟


انا اعرف ان الجراند بونتو طول عمرها 77 ... بتوع المصريه قالولى انها 95 حصان ... وكلهم اكدو على نفس الكلام ..

بينما مواقع النت كلها وبما فيها كونتاكت كاتبين انها 77 حصان ..

انا خطفت نفسي ودورت عالنت لقيت ان فيه فئه من البونتو فعلا 95 حصان ..

بس السوأأأل الى نازله فى مصر 2013 دي كام حصاااااااااااااااان ؟؟؟

وياتري ايه اخبارها فى الجري و " الثبات

وخليني اتكلم بالذات عن نقطة الثبات لانى من النوع الى باخد ملفات اقل واجب 180 - 170

وكمان فيه حاجه خايف منها .. الايزي ترونيك ..

لانى شوفت الايزي ترونيك فى الأسترا عندنا فى الاوبل عامل ازاى والناس بتشتكي منه مر الشكوي ..

واخيرا بشكل عام .. هل تستحق الفلوس الى تتدفع فيها .. بفرض انى هشتري ال easy sport ب124

انا عايز واحد يكون مجرب يديني الخلاصه لانى فعلا شكلي هضمها لليست

باشا انا بفكر بردو اليومين دول في نفس العربية وسالت عند الطارق (كارفور اسكندرية) لقيته بيقولي عنده الاوتو ب١٢٠٠٠٠الكلام ده من اسبوعين تقريبا (يارب تكون بسه ماغلتش اوماخلصتش) الفئة الاولي وسالت هي كام حصان قاللي كل البونتو ٧٧ حصان واتاكدت من كلامه عن طريق موقع فيات نفسه من البرشور بتاع العربية مافيش حاجة اسمها ٩٥ نهائي .وبالنسبة لموضوع الثبات العربية عن تجربة ناس كتير كله اجمع على ثباتها وكمان العربية واخدة ٥/٥ في اختبار التصادم الاوروبي .
بس عموما العربية ارخص من عربيات كتير اقل منها في الاوبشن زي الكورسا ١٣٣٩٠٠ والبولو ١٣٦٠٠٠ وكمان الكوري زي الريو ١٣٤٠٠٠ ليه اغلي بجد حاجة مستفزة وبصراحة محيرة ايه سر تفضيل الكوري عن الاوروبي في مصر؟؟!!!! .. اصلا مافيش مقارنة وبعدين انتشار قطع الغيار احنا السبب فيه عشان انتشار العربية بيفرق . بس خلينا منطقين في حاجتين اولا الاوروبي عمره الافتراضي اكتر وكمان الواحد حاجة مش منتشرة يحس انه مميز..توكل على الله وانا إن شاء الله عحصلك قريب .