هل جراند بونتو 2013 تستحق تمنها ؟

**creative_art** · 24-04-2013 11:11 AM

طيب تمام ... اثناء مناقشتي مع الراجل فى الطارق قالي العفشه الرياضيه فى العربيه دي ميقصدوش بيها الثبات ( كلام غير منطقي ) والقصد كان عفشه تستحمل الطرق المصريه ..
انا مجرد تخميني الى طلع صح هو ان العفشه دي هتخلي العربيه اوطي واثبت على الطريق وفى المقابل هتبقي ناشفه فى الطرق المكسره

**mahmoud_anwar** · 24-04-2013 12:07 PM

المشاركة الأصلية كتبت بواسطة holt_ZA

بعد ما حضرتك تخلص ضحك اقرا الموضوع ده
http://www.nilemotors.net/Nile/210315-t-jet-120-a.html

ياباشا اكيد من غير ما ابص عيب سواق
انا عايزك تقول ل النا الحصان الاوربي غير الان الاسيوي وشوفة هيكون رد فعلهم ايه
ههههههههههههههههههههههههه ههههههههههههههههههههههههه ههههههههههههههههههههه

**Formulator** · 24-04-2013 05:21 PM

بعيدا عن الألش اللى فـ الموضوع!!
وعلى رأى MMamdouh اللى مايعرفش فـ الفيات: يقول هجص؟!!
الموتور الـ1.4 DOHC 16v اللى هو Star-JET 95hp مانزلش عـ البونتو..
نزل مصر فقط عـ البرافو 90 حصان (مش تربو) وعـ الفيات500 بـ100 حصان.. غير كده لأ

- بالنسبة للعفشة: زى ماقال غمراوى
هينزلوها بعفشة الجراند-بونتو Sporting -ودى سوست أقصر + gas-shock دامبرات سبور!

آخر حاجة -وردا على الأستاذ creative_art
العربية تستاهل سعرها ولا لأ؟؟

>>> قولا واحدا: arguably البونتو أرخص من أى عربية أوروبى equivalent -فـ فئتها- بـ10-12 ألف جنيه عـ الأقل!

Rgds،

**aliabdo** · 03-05-2013 11:57 AM

عند الطارق الاسبورت ريس تخلص 122 انا لسه شارى منه بوب امبارح على 102500 و العربيه محترمه جدااااااااااااااا

**aliabdo** · 03-05-2013 11:58 AM

و اوعى تشترى من المصريه احسن خليك مع الطارق احسن لو حتشترى فيات
بصراحه بعد ما اتعاملت مع دول و مع دول فرق السما من الارض و لو عزت حاجه هناك ابقى اديك رقم السيلز الى كان معاى راجل محترم قوى و هو الى خلص لى الموضوع و خدمنى جامد

**ahmedsiyam** · 03-05-2013 09:31 PM

الاخ الفاضل صاحب الموضوع
بالنسبة لاستفسارك بخصوص الجرى و السحب و الملفات اللى على 180

كون انك نازل من اوبل فيكترا للبونتو عايز اقولك ان السحب مش هايعجبك نهائيا
انا سوقتها و جريت بيها و انطباعى ان الموتور تعبان اوى
بالنسبة للثبات شايفها مقبولة لكن انا ماجربتش ملفات على سرعات عالية

الفتيس صديقى اللى معاه العربية ماشى 60 الف كلم و ماعندهوش اى مشكلة تذكر فى الفتيس
لكن فى ناس عندها شكاوى من الفتيس و الموضوع نسبى و يعتمد على طريقة القيادة مش اكتر

لكن العربية فى مجملها تقفيل و اوبشن و تصميم غاية فى الروعة و الاتقان

يعيبها فقط التوكيل

تحياتى و ربنا يوفقك للاختيار المريح لك ان شاء الله

**aliabdo** · 05-05-2013 08:58 PM

انا بس حابب اقول ان الجراند بونتو عربيه معموله للمدينه و توفيرالاستهلاك فمش حينفع نقارنها بعربيه اكبر منها فى السعه اللتريه و فئه تانيه كمان؛ انا عندى العربيه و شايف ان سحبها مناسب جدا لاستخدامى انا مش داخل سباق و عايز اطير ؛ العربيه تقفيلها محترم و اوبشناتها كتير و سعرها مناسب جداا ليها مقارنتا بالى فى السوق

**khaled_afandy** · 06-05-2013 09:19 PM

المشاركة الأصلية كتبت بواسطة aliabdo

و اوعى تشترى من المصريه احسن خليك مع الطارق احسن لو حتشترى فيات
بصراحه بعد ما اتعاملت مع دول و مع دول فرق السما من الارض و لو عزت حاجه هناك ابقى اديك رقم السيلز الى كان معاى راجل محترم قوى و هو الى خلص لى الموضوع و خدمنى جامد

أويد الكلام ده بشده الطارق أحسن من المصرية بمراحل
يا ريت يا أستاذ على تقول لى إتعاملت مع مين هناك علشان جايز أروح يوم الأربعاء ان شاء الله
هل النمر التجارية جبتها من هناك و هل كانت فوق البيعة

**aliabdo** · 06-05-2013 09:33 PM

اتعاملت مع واحد اسمه على طارق هو شاب صغير كده بس قمه فى النشاط و خدوم جدااا و خلص لى حاجات كتير
النمر ب 50 جنيه فى اليوم و قلى انت ناوى على اى فئه و انا حقولك اخر سعرها كام عشان انا اتفرجت على كل الفئات و عرفت اخرها