الموضوع: رد شركة "أوتو أيجيبت" على العضو "mmnagy"

المشاركة الأصلية كتبت بواسطة lanos.lover

ده رأيي وأنا حر فيه
هو أنتم هتحجروا على رأيي

أيوه أنا شايف إن الأعضاء هنا وقفت في صف التوكيل و لم تنصف صاحب المشكلة
ومش مقتنع بتبربر التوكيل
اللي محدش من الأعضاء طالبه بدليل زي العضو الفاضل لما عرض مشكلته

إيه المشكلة ؟؟

و إيه المشكلة ؟ لو حضرتك قلت نفس الكلام ده بطريقة اهدى شوية وبلاش الطريقة الحادة دي

المشاركة الأصلية كتبت بواسطة youssef_u

و إيه المشكلة ؟ لو حضرتك قلت نفس الكلام ده بطريقة اهدى شوية وبلاش الطريقة الحادة دي

أنا هسألك سؤال واحد :)
وعشمي إنك تجاوب بصراحة

إنت شايف إن الطريقة اللي بيتكلم بيها العضو _hema دي مش حادة ؟؟!!!!!!!!!

بعد ما ضغرنا عقولنا ونسينا المشكلة ودخلنا فى بعض شمال وناس اتوقفت كتير اوى بسبب المشكلة دى اتمنى نرجع للمشكلة وياريت السادة تيم نيسان يهدو شوية ومايكتبوش الا الكلام القليل وبحساب وياريت ماتتسرعوش فى رائيكم انتوا ليكم بوزيشن مش اعضاء عادية ......واتمنى ان اوتو ايجيبت ترد على اسئلتى السابقة بس قبل الرد اتمنى الادارة اضافة صفة للاكاونت AutoEgypt غير عضو جديد لانة ليس احد الاعضاء ولكنة توكيل ومش المقصود هنا اى معنى يقلل من قيمتة والا حاجة ولكن عشان مادخلش انا كمان واعمل اكاونت واكتب فية السبع والا مودرن وبكدة ابقى ممثل ليهم انا عايز صفة للاكاونت دة ..وارجو من السادة اوتو ايجيبت توضيح اسم وصفة الممثل ليها فى الاكاونت دة لان المفروض ان كل ما قيل او سيقال عبر الاكاونت دة هيكون عن لسان اوتو ايجيبت وحتى لايتبرء احد من احد فى حالة الخطأ عشان كدة عايز صفة رسمية للمستخدم ....وفى النهاية انا فى انتظار الاجابة على اسئلتى فى المشاركة السابقة ولكم جزيل الشكر

يا جماعة اهدوا ووحدوا اللة احنا مش ملاحظين اننا سيبنا الموضوع وابتدينا نقلبها خصومة شخصية، برجاء من سيادتكم الهدوء عشان كل دة هينتهى وتفضل الخصومة بين اعضاء المنتدى، انا شخصيا دخلت علقت فى الاول لاقيت هجوم من صاحب المشكلة مش عارف لية ورد علية ببيت شعر غريب بس خلاص الموضوع انتهى وبطلت اشارك فى الموضوع .

المطلوب من ادارة المنتدى الغاء الموضوع لو دة هيجيب مشاكل للاعضاء المحترمين لانى لاحظت ان اغلبية الصفحات هى خلاف بين الاعضاء برجاء من ادارة المنتدى الغاء الموضوع لو سمحتم بذلك.

وشكرا

الموضوع أخد منعطف تانى خالص
ونسينا الموضوع الاصلى


عوده للموضوع
الاخ AutoEgypt دخل كتب رد وخلاص

مطلوب من إدارة AutoEgypt ان توضح للعملاء ما هى الاجراءات التى تتم بدءا من استلام السياره من العميل حتى تسليمها وما هى ضمانات عدم حدوث أخطاء "إداريه" كما يدعى صاحب الرد
ومطلوب ايضا ان تفسر لنا كيف وقع هذا الخطأ مع صاحب المشكله
وهل لديكم سياسه لاكتشاف مثل هذه الاخطاء أو تلافى حدوثها من الاساس
لانه من المؤسف انكم لم تكتشفوا هذا الخطأ الذى حدث مع صاحب المشكله
ولولا ان صاحب الشكوى قد اكتشف الخطأ بنفسه ، ما كان لكم ان تعرفوه


واكرر ان رد الشركه - الغير مقنع - قد زاد من عدم ثقة العملاء

المشاركة الأصلية كتبت بواسطة bishoy.girgis

معلش بقي نقطة و من اول السطر ......


طبعا ً انا عرفت تفاصيل التفاصيل و الموضوع من أوله لأخره طبقا ً للي قاله العضو محمد محمد ناجي و طبقا ً لما وصلني ايضا ً من اوتوايجيبت


و بالتالي ياريت من المشاركة ديه نرجع بقي لأصل المشكلة و اللي هيبدأ بطرح او مشاركة هو العضو صاحب المشكلة بعد الانتهاء من مدة الايقاف اللي تمت من قبل ادراة نايل موتورز


و برده برجع و اقول احنا كبار علي اللي بيحصل داخل الموضوع ...

+1
اؤيد كلام اخي بيشوي و هو ده التصرف السليم فعلا. ياريت يا جماعه من فضلكم نؤجل التعليقات بتاعتنا الي ان يعود زميلنا صاحب المشكله بعد انتهاء فتره الإيقاف بتاعته علشان نعرف ايه وجهه نظره و ايه التطورات اللي حدثت و كمان منعا لأي مشاحنات نحن في غني عنها و لا مكان لها بيننا و اتمني ان يكون التعليق القادم هو تعليق العضو صاحب المشكله او اوتو ايجيبت و ليس احد مننا