الموضوع: رد شركة "أوتو أيجيبت" على العضو "mmnagy"

الصراحة الموضوع احلو اوى ..طيب انا مش هكدب العضو والا هكدب اوتو ايجيبت لكن هيكون عندى استفسارات وشوية اسئلة عشان اوصل مين الى غلطان فعلا
اولا :- هل التقرير الى بتطلعوا اوتو ايجيبت مذكور فية رقم العربية او رقم مسلسل يدلنا على العربية المذكورة ؟
بمعنى ان لو الشخص دة معاة تقرير اتلخبط مع تقرير شخص تانى فهنقول ممكن تحصل لكن تشخيص عربية يتلخبط مع تشخيص عربية تانية دة بقى الى صعب وخطاء كبير جداا....بس عشان بردو اقول ان دة خطاء مش عن عمد يبقى محتاج العربية الى دخلت فى نفس التوقيت وظهر فيها العيوب دى واتكتب ليها انها سليمة ..ودى طبعا بيانات متاحة فى اتو ايجيبت وسهل الوصول للعميل التانى ...هنستفيد اية من كدة ؟هنستفيد ان لو خطأ غير مقصود هيخصم من رصيد اتو ايجيبت لدينا لكن لو عن عمد .....مش عارف هنخصم منين.
ثانيا : عندما قام العضو المحترم بعرض مشكلتة طلب كل الاعضاء منه ان ياتى بدليل عما قال والراجل جاب تقارير من الشركة وطلب فحص عربية على حسابة الخاص عشان يبان صحه تقرير اتو ايجيبت من عدمة ..والان شركه اتو ايجيبت اتهمت صاحب الموضوع بانة حاول يستغلها ويشهر بها فحال عدم دفعها مبلغ 10.000 او تقوم بتصليحات مساوية لهذا المبلغ (على حسب فهمى للرد) ...وعشان الحيادية وعشان احنا منتدى مالوش علاقة بحد غير الحق والحقيقة وعشان احنا طلبنا دليل من صاحب الموضوع فى البداية ...محتاجين ما يثبت كلام اوتو ايجيبت من محاوله احد اعضاء منتدى نايل موتورز وهو شخص منا مادام على حق ووجب علينا الدفاع عنة مالم يثبت العكس وعلى شركة اتو ايجيبت ان تاتى بدليل عما تقول من محاولة ابتزاز وتشهير من قبل هذا العضو
ملحوظة للسادة الاعضاء الى ابدو رائيهم بتسرع :- ابسط الحقوق هى المساواة وزى ما طلبنا دليل على صدق كلام العضو وقدمه محتاجين دليل على صدق كلام اوتو ايجيبت محدش فينا مع العضو او مع اوتو ايجيبت لكن اكيد كلنا هنبقى مع الحق

المشاركة الأصلية كتبت بواسطة asyl84

والان شركه اتو ايجيبت اتهمت صاحب الموضوع بانة حاول يستغلها ويشهر بها فحال عدم دفعها مبلغ 10.000 او تقوم بتصليحات مساوية لهذا المبلغ (على حسب فهمى للرد) ...وعشان الحيادية وعشان احنا منتدى مالوش علاقة بحد غير الحق والحقيقة وعشان احنا طلبنا دليل من صاحب الموضوع فى البداية ...محتاجين ما يثبت كلام اوتو ايجيبت من محاوله احد اعضاء منتدى نايل موتورز وهو شخص منا مادام على حق ووجب علينا الدفاع عنة مالم يثبت العكس وعلى شركة اتو ايجيبت ان تاتى بدليل عما تقول من محاولة ابتزاز وتشهير من قبل هذا العضو
ملحوظة للسادة الاعضاء الى ابدو رائيهم بتسرع :- ابسط الحقوق هى المساواة وزى ما طلبنا دليل على صدق كلام العضو وقدمه محتاجين دليل على صدق كلام اوتو ايجيبت محدش فينا مع العضو او مع اوتو ايجيبت لكن اكيد كلنا هنبقى مع الحق

انت قلت اللى جوايا .. البينة على من ادعى .. زى ما طلبتوا من الزميل "صاحب المشكلة" البينة .. نطالب من الوكيل البينة على ما قاله .. و مش عيب ان الواحد يغلط و يعترف بغلطه .. و الأحسن للطرفين انهم يتكلموا مع بعض للوصول إلى حل .. مركز اوتو ايجيبت من المراكز المحترمة و المتوقع منها ان تحل الأمر ده بسهولة و سرعة.
فى الأخر ربنا يكون فى عون زميلنا الموقوف .. لأنه ببساطة شايف الكل بيتكلم عليه و هو مش قادر يرد أو يدافع عن نفسه. :(

والله القسم ده غريب !!!!!!!!!!!!

يقولوا احنا هنا عشان نخدم الأعضاء و مش عارف إيه ؟؟

و أول لما العضو المحترم حب يحذر الناس , مع إنه مش طالب خدمة من حد

كل الناس كدبته و جريوا على التوكيل زي ما يكونوا بيشتغلوا فيه
عشان ييجي يبرر اللي عمله

بالذمة كده ؟؟ أنتم مع الأعضاء ولا مع التوكيل ؟؟!!!!!!!
فاهموني طيب يمكن أنا غلطان :)

حقه طبعا يطلب التعويض اللي هو شايفه مناسب (مع إن التوكيل مقدمش دليل اصلا)
وعلى فكرة ده أقل تعويض , مش ده المبلغ اللي كانوا هيدبسوه فيه ؟؟!!!!!!!!!!

المشاركة الأصلية كتبت بواسطة zambarota

السلام عليكم ورحمه الله

لو سمحت حضرتك لايجوز التشكيك فى اعضاء القسم والتعميم والقذف الاعمي

الاعضاء الى حضرتك بتتكلم عليهم اول ماتم طرح الموضوع طلبو تقديم الدليل من صاحب المشكله بدون تحيز وبرجاء مراجعه الموضوع مره اخري ومراجعه ردود الاعضاء عند طرح المشكله من صاحبها

وقام بمراسله المنسقيين واعضاء تيم نيسان وتم طرح المشكله بكل شفافيه ونشر مستندات العضو بدون تحيز



وارفض بشده ان حضرتك اجمعت ان كل الناس كذبته فهذا محض افتراء منك على الاعضاء المحترميين



وارفض القاء التهم جزافا تحت كنايات واستعارات مرفوضه تماما

ما هو أنا لو جبتلك الناس باساميها و مشاركتها كمان

يقولوا دي شخصنة للحوار و هتوقف في الآخر

عموما اللي شايف إن كلامي فيه افتراء مياخدش بيه

زي ما حضرتك بتقولي القاء التهم جزافا تحت كنايات واستعارات مرفوضه تماما
و القذف الاعمي

بسيطة يعني

إذا كان هاجمتوا صاحب المشكلة , مش هتهاجموني أنا