الموضوع: رد شركة "أوتو أيجيبت" على العضو "mmnagy"

رد الشركه غير مقنع على الاطلاق
هو اعترف ان هناك خطأ لكنه حاول ان يقنعنا انه خطأ إدارى بسيط
لكن فى الحقيقه ان ما حدث مع العميل هو أمر كارثى

هذا العميل اكتشف الخطأ
بس ممكن يكون فيه عملاء كتير غيره حصل معاهم كده ولم يتم إكتشاف الخطأ

السؤال الهام :
الا يوجد نظام مراقبة الجوده فى المركز ؟
هذا النظام الكفيل بإكتشاف مثل هذه الاخطاء "الاداريه" التى يدعيها مسئول المركز
واضح انه لا يوجد مثل هذا النظام

وبالتالى فإن ثقة العملاء فى المركز لن تكون فى محلها
وأى عميل سيذهب بسيارته هناك لن يكون مطمأن

الغريب ان رد الشركه حاول ان يأخذنا بعيدا عن الخطأ الكارثى ، وحاول ان يلقى بالتهم على العميل بأنه يحاول ابتزاز المركز !! . وهذا الرد الغريب من الشركه يزيد من عدم ثقة العملاء فى المركز
لان هذا الاتهام الغير مثبت يقلل من شأن الشركه ، ولا يجعلنا نصدق ان ما حدث مع العميل هو خطأ "إدارى"

الاخوه الاعزاء اعضاء نيسان تيم
برجاء التكرم بعدم وضع انفسكم فى وضع خصومه ضد العضو صاحب الشكوى او باقى الاعضاء والدفاع عن اوتو ايجبت.
اوتوايجبت اخطات ويجب ان تتنازل وتراضى العضو بدلا من قلب الحقائق لانه صاحب حق بدلا من اتهامه بالابتزاز.
انا اشتريت سيارتى نيسان سنه 2007 من اوتو ايجبت وكنت انا وسبعاوى من اوائل اعضاء هذا القسم وليس لدى وكذلك باقى الاعضاء خصومه مع اوتوايجبت هذا للتوضيح فقط.
ولكن الحق بين والخطا بين

ممكن نهدأ شوية .. الاختلاف فى الرأى تحول إلى خلاف حاد و ده مش الغرض من المنتدى "على ما أظن" .. نحاول نتقبل آراء بعض أو على الأقل نحترمها .. أ/ ابراهيم (شهادة لله) حضرتك من أكتر الناس المحترمة الى قريت لها مشاركات و مواضيع فى المنتدى كله مش فى نيسان بس .. فخلى حضرتك هادى و ملهوش لزمة الانفعال اللى موجود ما بين السطور .. أ/ Lanos.Love حضرتك ممكن توصل رسالتك بشكل أهدى .
يا شباب أظن أن كلنا على مستوى متحضر فى الفكر .. فخلونا نختلف بهدوووء (على رأى عماد أديب) :) .
أرجو أن محدش يضايق من الكلام بتاعى و تتقبلوه منى كأخ لكم.

دلوقتي اوتوايجيبت مش بترد و العضو صاحب المشكلة مش بيرد بردو ،، والموضوع قلب خناقة ، طيب ليه ؟

المشاركة الأصلية كتبت بواسطة asyl84

ثانيا : عندما قام العضو المحترم بعرض مشكلتة طلب كل الاعضاء منه ان ياتى بدليل عما قال والراجل جاب تقارير من الشركة وطلب فحص عربية على حسابة الخاص عشان يبان صحه تقرير اتو ايجيبت من عدمة ..والان شركه اتو ايجيبت اتهمت صاحب الموضوع بانة حاول يستغلها ويشهر بها فحال عدم دفعها مبلغ 10.000 او تقوم بتصليحات مساوية لهذا المبلغ (على حسب فهمى للرد) ...وعشان الحيادية وعشان احنا منتدى مالوش علاقة بحد غير الحق والحقيقة وعشان احنا طلبنا دليل من صاحب الموضوع فى البداية ...محتاجين ما يثبت كلام اوتو ايجيبت من محاوله احد اعضاء منتدى نايل موتورز وهو شخص منا مادام على حق ووجب علينا الدفاع عنة مالم يثبت العكس وعلى شركة اتو ايجيبت ان تاتى بدليل عما تقول من محاولة ابتزاز وتشهير من قبل هذا العضو
ملحوظة للسادة الاعضاء الى ابدو رائيهم بتسرع :- ابسط الحقوق هى المساواة وزى ما طلبنا دليل على صدق كلام العضو وقدمه محتاجين دليل على صدق كلام اوتو ايجيبت محدش فينا مع العضو او مع اوتو ايجيبت لكن اكيد كلنا هنبقى مع الحق

+1111111
واضيف ان رد اوتو ايجيبت غير مقنع بالمره
يعنى زى ما بيقولوا جت تكحلها عمتها
ازاى خطا ادارى استحاله تحصل لان فيه مهندس استقبال بيستلم العربيه
وبيكون باسمه امر الشغل وهو المتابع ومويد الشكوى بتاعت العميل
فازاى تتلغبت مع حد تانى اسم مختلف مشاكل اكيد مختلفه رقم مختلف امر شغل مختلف
ميعاد مختلف كل ده يتلغبت مع حد تانى موضوع صعب اوووووى