الموضوع: انا رايح التوكيل بكرة - حد عايز يسأل على حاجة هناك

لو حد عايزني أساله على حاجة في التوكيل يقول وبكرة انشاء الله اعرفله الرد ... وتحت أمركم .

المشاركة الأصلية كتبت بواسطة dr_msr_saudi

الله يوفقك يا أخ جبريل
لو أمكن السؤال عن:
- صوت تصفير مع الفرامل مسموع من داخل العربيه على الرغم من ان حالة التيل ممتازه
-صوت تزييق من جوه العربيه فى الملفات والمطبات زى تزييق مفصلات بالرغم من ان العفشه متربطه لسه فى صيانة ال 20000
-عاوز أركب سنسور بارك وانذار وكاميرا خلفيه وشاشه ال سى دى بس اشتريهم من بره واركبهم فى التوكيل
-عاوز اعرف تركيب جلد كربون على العربيه بيأثر على الدهان ولا لأ
-وعاوز اعرف العمر الافتراضى للكاوتش الباريوم اللى راكب فى اللوجان وعلامات تغييره
-مع جزيل الشكر مقدما ...واتمنى لك السلامه

- صوت تصفير مع الفرامل مسموع من داخل العربيه على الرغم من ان حالة التيل ممتازه
لو التيل جديد ممكن يصفر في الاول لكن بتروح بعد كام كيلو ، لكن لو بقاله فترة راكب فإحتمال يكون قدام شويه ويتغير .

-صوت تزييق من جوه العربيه فى الملفات والمطبات زى تزييق مفصلات بالرغم من ان العفشه متربطه لسه فى صيانة ال 20000
المهندس قال انه احتمال كبير يكون الزوايا بتاعة العربية عايز تتظبط .

عاوز أركب سنسور بارك وانذار وكاميرا خلفيه وشاشه ال سى دى بس اشتريهم من بره واركبهم فى التوكيل
مفيش عندهم في الفرع تركيب دول ، قالي اسال في فرع العبور .

-عاوز اعرف تركيب جلد كربون على العربيه بيأثر على الدهان ولا لأ
اللزق الي بيكون في الجلد ده مكون من مواد كيماوية وبيأثر مع الوقت على الدهان وبتختلف مدة الوقت ده على حسب نضافة نوع اللزق وجلد الكربون الي هايتركب .

وعاوز اعرف العمر الافتراضى للكاوتش الباريوم اللى راكب فى اللوجان وعلامات تغييره
العمر الإفتراضى 4 سنين من تاريخ الإنتاج المطبوع على الكاوتش أو من 40 / 50 ألف كيلو
، علامات تغييره ان تلاقي مشاكله كترت بيريح كتير ويتخرم
لكن نصيحتي الحق غيره انا النهارده وانا ماشي كنت هالبس في العربية الي قدامي بسبب الكاوتش العربية بعد مادست فرامل زحفت شوية وربنا ستر بالرغم من اني ماشي 60 كم وسايب مسافة كويسة والتيل لسه مغيره جديد من 400كم بس ، واكيد المشكلة دي بسبب الكاوتش وإن شاء الله هاغيره ( هو بقاله معايا 3 سنين وماشي بيه 36 ألف كم )
ونوع الكاوتش الكويس الي بيشكره فيه وناوي اجيبه إن شاء الله yokohama c drive