تنظيف فلتر الهواء والإنجكشن

**amirboulos** · 05-08-2013 01:26 PM

يا شباب بيقال ان تنظيف فلتر الهواء بإستمرار بيخلي العربيه سحبها كويس وزيرو علي طول
انا في عربيتي الإكسيل السابقه كنت علي طول بنضف فلتر الهوا بـ بلور والكربراتير بإسبراي
لكن دلوقتي انا مبعملش حاجة غير في التوكيل ...فالعربيه بتفضل ٥٠٠٠ كيلو (بالنسبه لي ٥ شهور تقريبا) مبيتعملش فيها حاجة فأكيد الفلتر بقي هباب

حد يعرف يساعدني ويقولي الفلتر بيتفك ازاي ويتنضف ازاي ؟؟
والإنجكشن اشتريله سبراي تنضيف ولا لأ ولو اشتريت نوعه ايه؟ وهل اعمل القصه دي في الشارع ولا لأ علشان التراب ولا معملهاش اصلا علشان الضمان ؟؟؟

**gebreel** · 06-08-2013 12:05 AM

لو عربيتك اوتو اوعا ترش اسبراي تنضيف و سيب التوكيل الي يهملها لأن البوابة في الاوتو كهرباء و لو جه عليها الاسبراي ممكن يحصلها حاجة

**gebreel** · 06-08-2013 02:33 AM

و الله انا رأيي كفاية قوي تنضيف الفلتر بالبلور و خلاص

بس خلي بالك و انت بتخلع او تركب غطاء العمة في مسمار ورا شمال بيبقى رخم و وقع مني مرة وانا بركبه و جنني لحد ما لقيته