صيانة 20 الف للماروتى

**waelgam2005** · 28-08-2013 11:48 PM

ازيكو ياشباب عاملين ايه ؟
يارب تكونو بخير
دلوقتى انا عملت 20 الف كيلو وعربيتى موديل 2012 واللى اعرفه انى المفروض اغير زيت الفتيس وهغير زيت الماتور لان ميعاده دلوقتى فا عاوز اعرف في حاجه تانى عاوزة تتغير وعاوز اعرف حاجه اهم انا زودت القربه مرتين او تلاته مرات تقريبا بتاعة مية الرداتير وكنت سمعت ان الميه بتاعة الرداتين بتتغير كل سنه ونص او سنتين فا انا دلوقتى المفروض انزل الميه كلها واغيرها ولا اعمل ايه؟

**dr.hazem** · 29-08-2013 12:15 AM

انت فين ياريس محدش بيشوفك؟؟؟

صيانة ال20 :
زيت وفلتر زيت ماتور.
زيت الفتيس
البوجيهات
تربيط العفشه
تشحيم عصاية الفتيس وربج مساميرها من الاسفل
تنضيف و/او تغيير فلتر الهوا حسب الحاله
تنظيف الكربيراتير بالاسبراي (قبل تغيير البواجي والزيت)
مراجعة السوائل
الترصيص والزوايا اذا استدعت الحاجه
ظبط الكهربا بعد تغيير البوجيهات وتنضيف الكربيراتير...
بالنسبه للميه الخضرا بتتغير كل سنتين او 40 الف كيلو....

تحياتي

Sent from my Xperia Arc S using Forum Runner

**dr.hazem** · 29-08-2013 11:00 AM

المشاركة الأصلية كتبت بواسطة waelgam2005

شكرا استاذ حازم لردك
معلش بس هوا تنظيف الكرابتير بالاسبراى اجيب اسبراى ايه وهل انا اللى بعمله الوموضوع سهل ولا المكيانيكى اللى بيعمله .
وبالنسبة للميه الخضرا هيا بقالها بالظبط سنه و4 شهور من ساعه ما استلمت العربية اسيبها لما تكمل السنتين حتى لو مكملتش ال 40 الف كيلو ؟

الكربيراتير سهل تنظفه بس عشان تظبط الكهربا بعده مع تغيير البوجيهات ده اللي ممكن يحتاج ميكانيكي....
بالنسبه للميه كمل السنتين وغيرها حتى لو معملتش ال40 الف كثلو....
تحياتي

Sent from my Xperia Arc S using Forum Runner