الموضوع: صيانة الالف للماروتى

زي ما بشمهندس اسلام قالك
تغيير زيت العربية و فلتر البنزين
و تنضيف فلتر الهوا

و فلتر الزيت مع احترامي لرأي بشمهندس اسلام ياباني الماني هندي مصري كله فلتر الفرق ان الالماني او الياباني بيقعد اكتر حاجة بسيطة لكن مش الفترة اللي تستاهل و و خاصة مين هنا بيبع حاجة أصليه اوي بيبقي بالاسم بس
و المصري بيعمله حوالي 12-15 جنيه
و سعر الزيت ع حسب النوع اللي حضرتك هتجيبه للعربية

و بالنسبة التغيير
فيه واحد انا بتعامل معاه من زمان جدااااا و طول عمرهم محترمين في التعامل في شارع زاكر حسين ليه فرعين فرع عند المثلث و فرع جنب مشويات فتحي اسمه اولاد فخر الدين
و تطلب منه انه ينضف فلتر الهوا و الحوض بالهوا ده لو الواد نسي يعمله من نفسه لأنه بيعملها حاجة اساسيه مع التغيير

و بالنسبة التكلفة عنده للتغيير 3 جنيه و ساعات بيقوم بالواجب و يعمل تخفيض كمان و بيعتمد انك تدي الواد في ايده حاجة و خلاص طالما اشتريت من عنده الحاجة و بتدي الواد اللي بيغير في ايده 2-3 جنيه و بتاخد كمان معطر او فوطة كل ما تروح هههههه مصلحة مصلحة

لو مش عايز عند محل ممكن اي بنزينة وطنية من اللي حوالينا سواء في زهراء مدينة نصر او اللي في الدائري اللي بيودي ع الحي السادس من شارع الــ90

و اهم حاجة بالنسبة العربية بلاش قرص ع العربية و خاصة ع الدبرياج لأني لاحظت ان ديه اضعف حاجة في العربية لو الشخص رجليه تقيلة ع الدبرياج الأسطوانة بتفور

و طالما العربية مع المدام يفضل لو تجيب منفاخ هواء يشتغل ع الولاعة و مقياس هوا ديجيتال عشان لو لا قدر الله عجلة نامت و مفيش حد يساعد او حضرتك مش هتلحق يبقي المدام تحطها في الولاعة و تنفخ و تقيس لحد ما توصل اقرب بنزينة و تتعمل

و اتمني الموضوع ده يفيد حضرتك

http://www.nilemotors.net/Nile/195073-a.html

و بالتوفيق ان شاء الله

المشاركة الأصلية كتبت بواسطة love7amada

يعني ايه الرجل تقبله ع الدبرياج او خفيفه ممكن تفهمنا الموضوع ده يا بشمهندس سبعاوي

انا مش عارف تقصد تسألني و اتلخبط نظرا لأني انا اللي كاتب و لا بتسأل بشمهندس سبعاوي
لكن عامة هرد الي حين يأتي بشمهندس سبعاوي
الرجل التقيلة الناس اللي طول او اغلب الوقت ماشيين رجليهم دايسة ع الدبرياج بتاع ربع و لا نص دوسة
و يكون و هو بينقل الغيار رجله بتتك شويتين ع الدبرياج
فاسطوانة الدبرياج بتفور