تقرير صيانة الألف للماروتى

**bambino** · 25-09-2012 01:33 PM

السلام عليكم

أنا كنت محتار أعمل صيانة الألف فى التوكيل و لا لأ و بعدين توكلت على الله و قلت أعمله فى التوكيل. حيث إن أنا أصلا كنت مسافر المنوفية لأهلى قلت أعمله هناك فى شبين الكوم.

حجزت قبلها بأسبوع ليوم السبت - اليوم الوحيد اللى فاضى عندى - خدت معاد الساعة 9 و نص الصبح. توكيل ماروتى هوه نفسه بتاع نيسان تبع مودرن موتورز.

رحت فى الميعاد و كان فيه اتنين قبلى - المهم أنا كنت جايب زيت موبيل 10000 تخليقى ب 265 - آه اتزنقت فيه تصوروا و مكنتش عايز أشترى من التوكيل ما علينا - العربية اترفعت و الزيت اتصفى بنضافة و الفلتر اتغير و المقصات و الزوايا اتشحمت

هوه عموما المفروض إنى مش أقف جنب العربية أو الورشة بس أنا كنت عامل مش واخد بالى و فيه فترة اضطريت أغيب فيها عن العربية فمش عارف بصولى على سير التقسيمة زى ما كتبوا فى الفاتورة و لا لأ...ما علينا ... و فى الآخر العربية اتغسلت و كده خلاص

المصاريف:
55 جنيه فلتر زيت
25 جنيه علبة الملين (تشحيم زى WD40)
18 جنيه ضرايب و توابع
و 50 جنيه تمن الصيانة نفسها اللى المفروض مجانى بس المصرية للسيارات أهملت تدينى كتالوج الصيانة اللى فيه كوبون صيانة الألف المجانى و بالتالى اضطريت أدفعها

و نيجى بقى للصور :)

**akmm** · 25-09-2012 03:06 PM

جميل .... وعقبال صيانه 1000000 كم

**Amr Axel** · 25-09-2012 03:56 PM

الف مبروك العربية و صيانة الالف و عقبال صيانة 100000000000
ايوة كده احب انا التقارير دي ههههههههههه

مش حضرتك كنت منزل موضوع بخصوص تزييق الدبرياج بعد الصيانة الالف ده التقرير بأثر رجعي و لا ايه لأ مينفعش الكلام ده ههههههههههههه

بس فيه حاجات غريبة شوية
يعني تمن علبة ملين لو تقصد شحم المفروض ده شئ مع الصيانة عادي مش بتشتري علبة انا لما اعملت اول صيانة هناك هو بس الزيت و الفلتر اللي دفعت تمنهم بس طالما اخدت باقي العلبة خلاص

بخصوص الزيت جرب تحط شيل المرة الجاية الناس شكرت فيه اوي مع الماروتي و هتشوف الفرق
اهم حاجة اخدت باقي جيركن الزيت و لا بخ ؟؟؟

سير التقسيمة تقصد سير الكاتينة ؟ يبصولك عليه ازاي ؟

و في انتظار تقارير اخري عن العربية و انطباعك عنها :)

و ان شاء الله تنورنا في مقابلات القسم

**hassandarwish** · 25-09-2012 04:44 PM

عقبالي يا رب

**waelgam2005** · 04-10-2012 02:02 PM

هوا انا ينفع اعمل صيانة ال 5000 كيلو من غير تغير زيت لانى غيرته برا ولا لازم يغيرو زيت بالعافيه اصل نفسى اروح التوكيل يبصولى عليه ولونى شايف الاسعار الغريبة دى بس الواحد يطمن وخلاص