معلومات جديدة حول باور الابيزا و الكوردوبا 2001 من واقع كاتالوج عربيتي

**SYD** · 14-09-2013 01:11 AM

الفيديوهات جميلة وكل حاجة بس بردو مافيهاش تفريغ الهواء من الدورة
انا كنت فكرت فحاجة كدة وعايز رأيكم فيها
احنا ازاي بنفرغ الهواء من دورة التبريد؟
ازاي بنفرغ الهواء من دورة الفرامل؟
مش عن طريق الضغط بالسائل (سواء سائل التبريد او سائل الفرامل) لأزاحة الهواء واستبداله بالسائل ودة مش هيحصل غير لما تفتح للهواء منفذ يخرج منه (سواء خرطوم الراجع في دورة التبريد او مسمار الزيت في دورة الفرامل)
ودة المطلوب نعمله في دورة الباور
المفروض بعد التركيب ووضع السائل نفك خرطوم الراجع من الاسكترا او حتي الراجع للخزنة ونسيبه ينزل الزيت عشان نتأكد تماما انه بيجيب زيت مش بيجيب هوا
ومش لازم حتي نعملها والعربية دايرة - لو ينفع تتعمل يدوي والعربية مبطلة

ولا انتوا شايفين ايه.؟؟

**hossamalsadik** · 14-09-2013 04:19 PM

انافعلا فكرت فى نفس الطريقه وكنت حسبتها كده بردو
وشايف انها منطقيه جدا

فى الفيديو الجزء الثالث يوضع بس مش صراحة أن فى بداية الدواره تبدأ فقاقيع الهواء بالخروج عن طريق تحريك عجلة القيادة من جانب الى أخر

النص كما هو مكتوب

when the engine is first started the fluid turn a little murky. this
is because of bubbles. continue turning the steering wheel side to side and it will clear up

عند بدء تشغيل المحرك الأول السائل يتحول قليلا غامق. هذا
يكون بسبب وجود الفقاعات (المحتويه على الهواء طبعا ). مواصلة تحول عجلة القياده من جانب الى جانب ، وسوف تصل واضحة

فهل هذا كافى لخروج الهواء من الدور ؟
بصراحه مش متاكد ولازم التجربه عملياً

وممكن نفكر بحسبه تانيه الراجع بيرجع لخزان الزيت محمل بالهواء + زيت البور
ومع تكرار لف العجل من اليمين لليسار يبتدى يخرج الهواء مع الزيت مكون فقاقيع فى خزان الزيت ومنه للخارج

هو بالنسبالى عشان اثبت الفكره والأتنين منطقيتين لازم طرمبه جديده وركبها

**SYD** · 15-09-2013 02:16 AM

المشاركة الأصلية كتبت بواسطة hossamalsadik

انافعلا فكرت فى نفس الطريقه وكنت حسبتها كده بردو
وشايف انها منطقيه جدا

فى الفيديو الجزء الثالث يوضع بس مش صراحة أن فى بداية الدواره تبدأ فقاقيع الهواء بالخروج عن طريق تحريك عجلة القيادة من جانب الى أخر

النص كما هو مكتوب

when the engine is first started the fluid turn a little murky. This
is because of bubbles. Continue turning the steering wheel side to side and it will clear up

عند بدء تشغيل المحرك الأول السائل يتحول قليلا غامق. هذا
يكون بسبب وجود الفقاعات (المحتويه على الهواء طبعا ). مواصلة تحول عجلة القياده من جانب الى جانب ، وسوف تصل واضحة

فهل هذا كافى لخروج الهواء من الدور ؟
بصراحه مش متاكد ولازم التجربه عملياً

وممكن نفكر بحسبه تانيه الراجع بيرجع لخزان الزيت محمل بالهواء + زيت البور
ومع تكرار لف العجل من اليمين لليسار يبتدى يخرج الهواء مع الزيت مكون فقاقيع فى خزان الزيت ومنه للخارج

هو بالنسبالى عشان اثبت الفكره والأتنين منطقيتين لازم طرمبه جديده وركبها

مش محتاجين نثبتها لأننا جربنا بالطريقة دي وزنت
المفروض نجرب فكرة جديدة وليكن الفكرة اللي انا اقترحتها او لو انت عندك فكرة اخري

في انتظار المهندس ايهاب يعرض علينا افكاره ايضاً

تحياتي

**hossamalsadik** · 15-09-2013 12:07 PM

المشاركة الأصلية كتبت بواسطة syd

مش محتاجين نثبتها لأننا جربنا بالطريقة دي وزنت
المفروض نجرب فكرة جديدة وليكن الفكرة اللي انا اقترحتها او لو انت عندك فكرة اخري

في انتظار المهندس ايهاب يعرض علينا افكاره ايضاً

تحياتي

هيا ايه الى مش محتاجين نثبتها تقصد الطريقه الى فى الفيديو
عمتا بالنسبالى ان شاء الله قريب هجيب طرمبه جديده واركبها وسعتها هكتب تقرير أزى اتعملت بس عملى ونخلص من المشكله المزمنه ديه

**ehab_mansour** · 16-09-2013 11:22 AM

ابو السيد ... حسام بيك .... اخواتي الاعزاء خلينا ندرس الموضوع و نشوف الدورة تكوينها ايه بالضبط و مسارها ازاي و ايه اسباب مشاكلها .... لنا لقاء اخر ان شاء الله هتكلم عن فكرتي في الموضوع و ربنا يوفقنا لما يحبه و يرضاه في البحث حول الموضوع

**ehab_mansour** · 24-09-2013 12:18 PM

الحمد لله اشتريت لتر زيت باور الماني ب 55 جنيها نوعه Rowe عشان ازود زيت الباور عندي فقلت اغير كل اللي في القربة بتاعته
ده نوع الزيت و في موقعه و مكتوب تحته بيستخدم في انهي عربيات و فعلا حسب الكاتالوج بيستخدم عندنا
Central Hydraulic and Steering Fluids - ROWE Mineralölwerk | ROWE Motor Oil
هو اول نوع ده HIGHTEC ZH-M SYNT و بيستخدم في VW TL 52 146 (G002 000/G004 000) و ده حسب الكاتالوج هو الموصي بيه عندنا

1- فكيت قربة زيت الباور تماما و شيلت الخراطيم الداخل و الخارج لها و حطيت تحتها قماشة عشان الزيت مينزلش علي صاج العربية و يبوظ البوية و فضيتها تماما و رجبت الزيت فيها تاني و فضيته تاني عشان كنت محتار اغسلها بايه و قلت بلاش هيا اساسا مافيهاش حاجه فغسلتها بالزيت نفسه اللي نزل
2- بعد فكها باستخدام مفتاح الانكيه 5 و بنسه عشان تشيل الافايز اللي ماسكه الخراطيم و تنظيفها جيدا رجعت ركبتها و اضفت زيت الباور شوية بشوية لحد ما وصل لعلامة الماكس او قبلها قليلا
3- دورت العربية و حركت الباور يمين و شمال عشان يلف في الدورة

النتائج :- انا اساسا مكنش عندي صوت زن و الحمد لله لكن الباور لما الزيت قل قليلا كان له صوت خفيف مع تحريك العجل اختفي مع احساس بسهولة حركة البور و نعومته اكثر تحت ايدي

حاسس ان السائل اللي شيلته اساسا كان مافيهوش اي فرق عن اللي زودته الاتنين شفافين و لكن المستخدم القديم كان لونه مسود قليلا عن الجديد من فترة الاستخدام في الدورة و حركته في الخراطيم و الطلمبة و لكن اللزوجة واحده و تحس انه خفيف قوي مش لزج سواء الجديد او القديم

و دي بعض الصور الموضحة للموضوع

صورة القربة و هي مفتوحه و الخراطيم مفكوكه

Uploaded with ImageShack.us

صورة مسمار الانكيه 5 اللي بيثبت القربة

Uploaded with ImageShack.us

صورة نصف زجاجه عملتها عشان افضي فيها الزيت و ميقعش علي الارض يوسخها او يعك حد و عشان ميقعش علي حاجه في العربية و عشان اشوف شكل الزيت و لزوجته و بعد كده رميتها في صندوق الزبالة

Uploaded with ImageShack.us

و بالتوفيق للجميع و طبعا العربية اخدت بالضبط 300 ملل لتر من الواحد اللتر اللي اشتريته و الباقي عندي للتزويد وقت الحاجه ان شاء الله و اشتريته من محل قطع غيار فولكس في اكتوبر قرب منطقة علي الدين المشهورة بمحلات قطع الغيار عموما لكل حاجه علي المحور المركزي

**SYD** · 24-09-2013 06:22 PM

مبروك يا صديقي علي الزيت وتغييره
فعلا الgrade دة هو الموصي به من فولكس لعربياتنا واعتقد للكثير من سيارات فولكس
اما عن اللزوجة - فسائل الباور مش بيبقي لزج زي زيت المحرك او الفتيس - بيكون اشبه شوية بالسائل ولكن فيه نسبة لزوجة خفيفة تقدر تشبهها بمثلا زي العصير - لا منه ماء ولا منه لزج

@ صلاح
فكرتي استوحتها من تفريغ الهوا للفرامل ودورة التبريد ومكنتش اعرف ان ليها tools تتعمل بيها
ياريت لو تقدر توصفلنا الtool دي عشان لو نقدر نوصل لحاجة قريبة منها نعمل بيها الموضوع دة وتبقي كسبت فينا ثواب

تحياتي للجميع

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors