الموضوع: اخر اخبار صيانات عربيتي المفاجئه ..كوردوبا 2002

المشاركة الأصلية كتبت بواسطة ehab_mansour

السلام عليكم

اولا موضع الفتيس و الطقم ....

و انا راجع من البحر الاحمر السبت و عند بوابات الزعفرانه لقيت الفتيس مش بياخد نقلات مرتاح و فيه خشونه رهيبة في كل الغيارات ما عدا الخامس
باقي 200 كيلو تقريبا عن القاهرة و باقي ساعتين و نصف او يزيد قليلا عن وقت الحظر 12 .... قلت هكمل و اللي يحصل يحصل

كملت العربية ماشية بدون مشكلة علي الخامس و برده الغيارات كلها خشنة جدا احيانا و احيانا سهلة و فيه صوت نحره في كل الغيارات ما عدا الخامس !!!!!!!!!!
قلت محتمل زيت فتيس و لكن زيت الفتيس الموضوع بيكون العكس يعني الخامس هو اللي بيون (صوت ونه) و بقية الغيارات خشنة قليلا
المهم مرهق و تعبان و كملت عليها لحد ما وصلت البيت و انا ماشي بسرعه جدا و الحمد لله لحقت قبل وقت الحظر ب ربع ساعه للبيت

ركنت العربية بصعوبة بسبب النتش في المارشيدير و الاول و نزلت الصبح حلفت ماهي ماشية و بتنتش جامد و تاخد الغيار بصعوبة جدا

هنا شكيت في طقم الدبرياج ... سبت العربية و تاني يوم رحت الشغل و قلت اشتري الطقم .... عملت شوية بحث حول نوعية الطقم و هل هو نفس مقاس طقم المحرك ال 1000 ال 8 فالف العادي و هنا اكتشفت انه مختلف و دي اهم نقطة

كله ياخد باله وقت تغيير الطقم انه محتمل يكون المقاس مختلف خاصة لو مسقط محرك بفتيس غير اللي كان عندك

الطقم بيتم تحديده بمقاس قطر الديسك و الاسطوانه
طقم المحرك ال 1000 سيسي ال 8 فالف مقاسه 190 ملليمتر و بيركب علي بعض المحركات الاخري و ده رخيص يعني من 600 الي 700 الماني ساكس و اسباني فاليو و هكذا
طقم المحرك ال 1000 سيسي ال 16 فالف و كذلك ال1400 و معظمه و ال 1600 هو مقاسه 200 ملليمتر قطر و ثمنه حوالي 900 الي 950 جنيها

المهم و بعد حيره قلت هفك الاول اشوف فيه ايه و بعدين اخد الطقم اجيب زيه بعد عمل اكثر من بحث علي النت و التأكد من ان المقاس عندي 200 و لكن لجهل الناس اللي شغاله في محلات قطع الغيار و لعدم معرفتهم ولا بمقاس ولا بايه يناسب ايه غير انك تجيب القديم يديك زيه

و اخيرا رحت للميكانيكي و انا رايحله شكيت تاني في الزيت و انه مش الطقم و لكن قلت خليه هو كمان يقول رأيه خاصة اني رايحله من معرفة و قلي عليه شعر و شغال في منصور في اكتوبر و هكذا

الراجل طلع بيفهم و محترم و بعد تجربة العربية قلي انت زودت الزيت للفتيس قلتله لأ و هو فعلا بينقص عندي و هزوده .... قلي طيب زود و نشوف الاول

و هنا زودت الزيت بلتر زيت موبيل 80w90 و كله تمام و دمتم بخير و مطلعش الطقم هو المشكلة و لكن اخدت فرصه البحث حول الموضوع

مبروك على حل المشكلة الحمد لله طلعت بسيطة بس انا ليا اضافة لو سمحتلى
اولا انا معايا برنامج autodata وده فيه بيانات عربيت حضرتك كلها (بالاضافة لمعظم العربيات حتى 2011 تقريبا) ومواصفات زيت الفتيس اللى هكتبها دى منه
SAE 75w- 90 synthetic, API GL-4 , 2.8 Liters
وتعليقى هكتبه فى مشاركة لوحده