ثانيا :- موضوع الدوارة صباحا
طبعا ذكرت سابقا موضوع فلتر البنزين و انه كان مقلوب و فرق في العربية و الدوارة و مشكلتها معايا و لكن بعدها بكام يوم العربية جيت ادورها حلفت ماهي دايرة و بعد كام محاولة دارت و لكن بتقطع مشيت حوالي 50 متر و وقفت و جيت اطلع بطلت و حلفت ماهي دايره لحد ما خلصت البطارية و بقت مش بتقوم المارش
المهم اتصلت بولاد اخويا جم و زقوني دارت و مشيت بدون اي مشكلة ؟؟؟؟؟؟ ولا تقطيع ولا حاجه ؟؟؟؟ طيبت ليه مش عارف
المهم رجعت للبيت بعد الشغل فكيت الأتي :-
1- وش الأسبراتير + الشاكوش و تم تغييرهم بأخرين جداد كانو عندي
2- تنظيف البوابة جيدا
3- فكيت حساس المانيفول (pressure sensor) و اديته تنظيفة فمنظف جاف و لقيت جوانه اللي بيحكم الغلق مع فتحة المانيفول اللي بيركب فيها تقريبا خفيف و مش بيقفل كويس لانه طلع في ايدي بسهولة فجبت سنة شحم صغيره و حطيتها علي الجوان عشان تلينه و تحكم الغلق مع الجسم و متسربش هواء داخل المانيفول و ركبته
4- خرطوم الفاكيوم الخارج من جسم البوابة من الاسفل لمكثف البنزين (اخرون بيسموه غلط مبخر البنزين ) لقيته مشقق عند دخوله للبوابة و كان فيه طول بسيط قمت قطعت الجزء المشقق المشكوك فيه بيسرب هواء و قصرته وعكسته و ركبته و ركب الحمد لله لحد ما ابقي اغيره لو احتاج
ركبت العمه و رجعت كل حاجه مكانها و الحمد لله العربية حتي الان بقالها اسبوع بتدور من غير مشاكل و اسرع من الاول يعني مش بتنتع بقت تقوم بسرعه و الحمد لله و متابع لها هل هتقل باصلها تاني ولا خلاص هتظبط علي كده
للامانه انا اللي مكبر دماغي من الصيانة بقالي فترة و بركبها كتير اليومين دول فلازم تتظبط ان شاء الله قبل الشتاء
و بالتوفيق للجميع
المفضلات