السخونيه لسه موجوده فليشيا 95

**mostafa hassan** · 20-09-2013 03:06 PM

السلام عليكم
انا كنت سألت من فتره علي سخونيه الفليشيا 95
وشكرا لجميع الاعضاء علي مساعدتهم
بس للأسف العربيه لسه مش مظبوطه
المشكله بكل بساطه كالتالي :
العربيه بتسخن وبتعدي ال 90 ومروحه الريدياتير بتشتغل بعد ال 90 علي الرغم اني مركب ترموستات 68/82 والترموستات سليم علشان انا جربته علي عربيه تانيه وبيشتغل مظبوط جدا.

ما تم شراءه وتغييره
1- ترموستات 68/82 جديد
2- صباع الحراره جديد
3- ريدياتير صيني الومونيوم جديد
4- طلمبه المياه كان فيها مشكله وغيرتها بواحده جديده
5- سحبت الهواء من دوره التبريد
6- الخراطيم مش منفوخه
7- بحط مياه حنفيه عاديه
8- المروحه 6 ريشه

بعد مراجعه كل ده ليه العربيه لسه بتسخن وايه اللي ممكن اعمله تاني

برجاء المساعده

وشكرا

**المنسي** · 20-09-2013 03:24 PM

اولا الترموستات نوعه ايه يعنى صناعته ايه ولو الترموستات سليم يبقى انت ضيعت كل اللى عملته بانك استعملت مية الحنفية و.دى سبب ام البلاوى وكان لازم مية خضرا تركيز 40%

**sakr_skoda** · 20-09-2013 04:10 PM

المشاركة الأصلية كتبت بواسطة المنسي

اولا الترموستات نوعه ايه يعنى صناعته ايه ولو الترموستات سليم يبقى انت ضيعت كل اللى عملته بانك استعملت مية الحنفية و.دى سبب ام البلاوى وكان لازم مية خضرا تركيز 40%

ومالها مية الحنفية على فكرة اللى بيقول مية خضرا وميه حمرا بالظبط زى دلوقتى لما لازم تشترى للطفل بامبرز مع اننا زمان مكناش نعرف حاجة اسمها بامبرز واهو عايشين زى الفل هههههههههههههههههههه....*

المهم سؤالى للاخ مصطفى انتا غيرت الريداتير الاصلى بريداتير المونيوم ؟؟؟؟

طيب لو غيرتة عاوزك تراجع على كهرباء السيارة وكمان ممكن الشكمان شوف جونات الشكمان منفسة ولا محكمة ....

**sakr_skoda** · 20-09-2013 07:36 PM

المشاركة الأصلية كتبت بواسطة mostafa hassan

تقصد ايه بمراجعه كهرباء السياره ؟
وهل فيه حاجه معينه اعملها ولا لازم جد يشوفها ؟
وقصه جوانات الشكمان ابص علي ايه وايه اللي اعمله ؟
معلش بتعبك معايا

ايه خدمة ولا تعب ولا حاجه ....

بالنسبة للكهرباء لو عداد الر بى ام معدى الألف على السلانسية كدا يبقى الكهرباء عاليه....*

فى درس انا عامله لضبط كهرباء الفليشيا بنفسك....

http://www.nilemotors.net/Nile/339710-a.html

بالنسبة لجوانات الشكمان اللى بتبقى بين الفرن والشكمان حتلاقى 4 مسمارير 13 حط ايدك عندهم لو اكتشفت تيار هواء ساخن يبقى فية تنفيس ممكن تحرك على الصواميل بمفتاح 13 ....

**sakr_skoda** · 20-09-2013 08:48 PM

المشاركة الأصلية كتبت بواسطة mostafa hassan

هي العربيه موديل 95 ومفيهاش rpm
بالنسبه للشكمان
هبص عليه اليومين اللي جايين

من ناحيه اخري في حد قالي ممكن يكون جوان وش السلندر عايز يتغير علشان ممكن يكون بيتسبب في بخار مياه فبعلي درجه الحراره من عند صباع الحراره اللي راكب في الكوعه
لكن بتكون درجه الحراره في الريدياتير لسه قليله
فهل ده يكون سبب للسخونيه

مهو عداد اللى بيحسب عدد لفات الموتور اللى بيبداء ب10 والقيمة الحقيقه لل10 هى 1000....

يبقى لما نقول عدد لفات الموتور 1000 يبقى المؤشر على 10....

الصبح لما تيجى تدور العربية العدد المثالى للعداد 700 ودى بتتحسب بالتخمين اعلى النقطة البينينة من 0 الى 10 بحجات بسيطة....

جوان وش السلندر لو ضرب ليه ملاحظات وبتظهر عادة فى المياة قربة المية فيها زيت غطاء الزيت علية بخر ماء كثيف وبنلاقى الزيت مطحن الصبح بعد الدوارة مباشرة ترفع مقاس الزيت والعربية دايرة لو على المقاس زيت اسود يبقى تمام لو الزيت لونه فاتح (طحينة )بكدا يبقى لابد من تغيير الجوان....

**المنسي** · 21-09-2013 02:05 AM

نرجع ونقول تانى بلاش مية الحنفية وعلى فكرة انا مش شغال فى مصنع المية الخضرا ولا ليا اى مصلحة

**sakr_skoda** · 21-09-2013 09:45 AM

المشاركة الأصلية كتبت بواسطة المنسي

نرجع ونقول تانى بلاش مية الحنفية وعلى فكرة انا مش شغال فى مصنع المية الخضرا ولا ليا اى مصلحة

عارفين والله حد قال انك صاحب حنفية المية الخضرا مع انى صاحب حنفية الميه الحمراا شوف كدا يدوبك اقطم صباعى تلاقى المية الحمرا نازله بغزارة انما الخضرا دى اعتقد صاحبها المانى ههههههههههههه

**أحمد جودة** · 21-09-2013 11:58 AM

الخضرا ولا الحمر والا الزرقا ............. السخونية مش سببها الرئيسي المياة أبسلوتللي

احتمالات كتير ورادة لو قولت الثرموستات والراجل جربها فى عربية تانية وكويسة

يبقي امشي مع دورة التبريد حتة حتة وراجع على طلمبة المياة والوصلات والردياتير وتأكد ان مفيش هوا جوة الدايرة وظبط تاكيهات وكهرباء وإن شاء الله المشكلة تتحل

الموضوع: السخونيه لسه موجوده فليشيا 95

LinkBack

أدوات الموضوع

عرض

-

-

-

-

-

-

-

المواضيع المتشابهه

الطاره بقت تقيله جدا مع السخونيه

علاقة السخونيه بالدواره

التكييف و السخونيه

السخونيه الملعونه؟؟؟؟؟؟؟؟؟؟؟؟؟؟؟؟؟؟؟؟

حل مشكله السخونيه في 504

الكلمات الدلالية لهذا الموضوع

المفضلات

المفضلات

ضوابط المشاركة