علاقة السخونيه بالدواره

**kantoosh** · 01-11-2011 07:47 PM

السلام عليكم ورحمة الله وبركاته
انا مشكلتى ان العربيه لما بمشى بيها شويه ويا دوب امبير الحرارة يتحرك من مكانه لو بطلت لما ادورها تانى المارش يعتل شويه وبعدين لما يدور كويس الموتور ياخد وقت على ما يدور حاجه غريبه جدا مع العلم انى الصبح بدور زى الفل والحمد لله ولو بارده اوى بتدور وبعدها تبطل وتدور تانى وتمام يا ترى هل ممكن تكون مشكلة موبينه ولا بوجيهات ولا الكهربا زياده ولا ايه بالظبط وبالنسبه للسحب كويسه ومفيش تنتيشه ولا حاجه ممكن يكون ايه ده العربيه بولونيز

**kantoosh** · 01-11-2011 09:32 PM

هو الموضوع صعب كده الميكانيكى قال انه عيب مارش وانا ظبطت المارش وبقى زى المدفع الرشاش ما شاء الله طيب ايه المشكله بقه مش عارف يا ريت حد يفيدنى

**kantoosh** · 04-11-2011 12:45 AM

معقول محدش عنده رد

**lada2010** · 04-11-2011 01:23 AM

اضبط كهرباء الاسبراتير العربية عندك فيها تاخير فى الكهرباء اضبطوا

**al_manara** · 04-11-2011 01:16 PM

المشاركة الأصلية كتبت بواسطة mido51eg

استبعد موضوع الكهرباء والبوجيهات لأن الكهربا لو مش مظبوطة والبوجيهات لو بايظة ،العربية هتعتل في الدوران سواء العربية سخنة او باردة.
انما الموضوع اللي بتشتكي منه ده بيحصل لما يكون :
المارش فيه ماس.
البوبينة بتسخن.
حضرتك ماقولتلناش العربية نوعها ايه اساساً؟؟!!!

بخصوص الموبينا .
ممكن تعرف عن طريق الشرر بتاعها .
او اما العربية تسخن ومش عاوزة تدور . شوف الموبينة سخنة ولا لا . وممكن تحط عليها حتة مبلولة تبردها وجرب تدور . لو بردتها ودارت يبقي الموبينا .

**mido51eg** · 04-11-2011 02:23 PM

المشاركة الأصلية كتبت بواسطة al_manara

بخصوص الموبينا .
ممكن تعرف عن طريق الشرر بتاعها .
او اما العربية تسخن ومش عاوزة تدور . شوف الموبينة سخنة ولا لا . وممكن تحط عليها حتة مبلولة تبردها وجرب تدور . لو بردتها ودارت يبقي الموبينا .

+111111111111