هو بعد الفليشيا تركب ايه ؟؟

**ayman20100** · 09-10-2013 10:54 PM

السلام عليكم ورحمة الله
وكل عام وانتم بخير بمناسبة عيد الاضحى المبارك
فيه سؤال محيرني من زمان وهو بعد الفليشيا اركب ايه ؟؟؟ لاني كتير فكرت في عربية بتكييف وعربية موديل احدث شوية وفي نفس الوقت بسعر قريب
بس بصراحة الفليشا غالية عليا وفيها مميزات حلوة مش موجودة في عربية في فئة الاربيعينات مثلا (قطع غيار متوفرة + صاج تقيل + بنزين 80 + تقفيل داخلي ممتاز + توفير في البنزين وشكلها معقول )

فعاوز اخد رايكم بما انكم من ملاك الفليشيا بتفكروا تجيبوا ايه بعد الفليشيا ان شاء الله ؟؟
انا عن نفسي فكرت في هوندا سيفك 93-97 وفيرنا ولانوس

**ابوابراهيم323** · 09-10-2013 11:12 PM

كان حلمى بروتون ( ساجا ) ومتابع لها دائما

**aw2100** · 09-10-2013 11:31 PM

ماينفعش بعد ماتركب المانى انك تركب عربية كورى او يابانى حتحس بفرق كبير فى الثبات على الأرض والأتزان بالنسبة لى انا ممكن اركب vw جولف 2 او اوكتافيا a4 او مرسيدس قديمة مثلا وده اقل واجب لما تبيع فليشيا تحياتى !!

**hugan** · 09-10-2013 11:49 PM

المشاركة الأصلية كتبت بواسطة aw2100

ماينفعش بعد ماتركب المانى انك تركب عربية كورى او يابانى حتحس بفرق كبير فى الثبات على الأرض والأتزان بالنسبة لى انا ممكن اركب vw جولف 2 او اوكتافيا a4 او مرسيدس قديمة مثلا وده اقل واجب لما تبيع فليشيا تحياتى !!

بصراحه ماقدرتش استحمل عدم التعليق
مش بتبالغ شويه في وصف الفليشيا
اوعي تزعل انا باتكلم جد

**amrelsaqqa** · 09-10-2013 11:52 PM

الفليشيا عربية اقتصادية اه ، وعلى قدها ، بس من ناحية الثبات والكلام ده فعلا العربية محترمة في فئتها والفئة اللى بعدها كمان وفرق كبير في الثبات بالذات ، معاك في اي حاجة تانية العربية مش حلوة فيها زي النعومة والسحب ووو ، بس الكلام عن الثبات ده مش مبالغ فيه ولا حاجة (في فئتها وبفلوسها)

واكيد الراجل مش قصده ما ينفعش يركب يابانى تماما بعد الفليشيا ! لا طبعا ، القصد في الفئة السعرية اللى العضو اقترحها (الاربعينات) ايه يابانى في الفئة دى احسن من الفليشيا ؟ مفيش ، ايه يابانى اصلا في الفئة دى ، مفيش اساسا !

**ayman20100** · 10-10-2013 12:06 AM

المشاركة الأصلية كتبت بواسطة amrelsaqqa

الفليشيا عربية اقتصادية اه ، وعلى قدها ، بس من ناحية الثبات والكلام ده فعلا العربية محترمة في فئتها والفئة اللى بعدها كمان وفرق كبير في الثبات بالذات ، معاك في اي حاجة تانية العربية مش حلوة فيها زي النعومة والسحب ووو ، بس الكلام عن الثبات ده مش مبالغ فيه ولا حاجة (في فئتها وبفلوسها)

واكيد الراجل مش قصده ما ينفعش يركب يابانى تماما بعد الفليشيا ! لا طبعا ، القصد في الفئة السعرية اللى العضو اقترحها (الاربعينات) ايه يابانى في الفئة دى احسن من الفليشيا ؟ مفيش ، ايه يابانى اصلا في الفئة دى ، مفيش اساسا !

الله ينور عليك
الفليشيا بالنسبالي هي رقم واحد في الفئة السعرية بتاعتها
ولم بتكلم على ما بعد الفليشيا بتكلم على حاجة اقرب بخطوة او اتنين ....في فئة من 35 الى 45 الف
وللعلم فيه ياباني كتير في الاسعار ديه بس حالة سيئة وموديلات قديمة

**amrelsaqqa** · 10-10-2013 12:09 AM

المشاركة الأصلية كتبت بواسطة ayman20100

الله ينور عليك
الفليشيا بالنسبالي هي رقم واحد في الفئة السعرية بتاعتها
ولم بتكلم على ما بعد الفليشيا بتكلم على حاجة اقرب بخطوة او اتنين ....في فئة من 35 الى 45 الف
وللعلم فيه ياباني كتير في الاسعار ديه بس حالة سيئة وموديلات قديمة

ماهو مفيش وجه مقارنة في اليابانى اللى بالفلوس دى ، يعنى 35 الف ! هيركبوك سوزوكى سويفت !

هو حضرتك بعت العربية ولا لسة ؟ بصراحة انا رأيي تخليها معاك لو مريحاك لحد ما ربنا يكرمك وتقدر تعلى شوية بالميزانية

**lad** · 10-10-2013 12:42 AM

فى ايه يا جماعة دى فليشيا مش مرسيدس الشاهين احسن منها مش الفليشيا ديه اللى بتجيب جوان وش سلندر اكتر ما الكاوتش ما بينام خوشو شوفو مواضيع و مشكل الفليشيا اانا والله العظيم الشاهين برقبتها مش يابانى وكورى